NASEPTE 10:4 - PATHIAN LEKHABU THIANGTHO (BSI)

⁴ Ama chun lau tak in a vak en ah, “Lalpa, bang a hem?” a tia. Ama chun, a kiang in, “La pauchapnate leh la thilpiakte kha Pathian ma’n het zing dingin a tung to tai.

NASEPTE 10:4 ပူးပေါင်းရင်းမြစ်များ

2 KHANGTHU 32:24

Zia hun lai ah chun, Hezekiah chu thi tavang ah damlo in a hung um a. Lalpa kiang in a pauchap a, a pauchapna lawtin tepte’na le piak in a um hi.

2 KHANGTHU 6:33

nang in la umna van ah kipat in a la ngaitha’n la, nam dangte’n le a hun ko phat ua leh, a lungthim dungzui chiat un a la dawnhu sek in; tichun, la mipi Israelte’n a hun lau gual ua lei chung ah mi zosia’n la min a hun het ua, a hun lau theina ding un leh; zia In ka sak hin la min chu pu ahi ti a hiattheina ding un.

SAM 141:2

Ka pauchapna gimtui gual in la ma’n khu to hen la, ka khut hun jakte hile nitâk lam kithoina gual hi hen.

SAM 20:3

La thillat zosia hezing hen la, la hâlmang thillat chu doisak tak in pom piak ta hen. (Selah)

ISAI 43:26

Ei hun hêk inla, thutanna mun ah chia hi ti; la dikna hi’lang dingin, la thiamchanna thu hun gen in.

ISAI 45:19

Thimna gam ah hin a gûk in bangma ka gen puai; Jakob suan leh pâkte kiang in, “Buaina lak in ei hawl un,” ka ti ngai puai. Keima Lalpa hin thudik ka gen a, a dikte bep chu ka taklat sek ahi.

DANIAL 10:11

Ka kiang in, “Danial, doisakna lian tak chang la hi; la kiang ah ka thugen ding hi ngaikhawk ma ma in. Tu’hin nang kiang ah sawl ah um ka hi’n, la keng in ding in,” ei hun tia. Tichun, zia gual ah a gen zing lai ah chun, lau ah kithing kawm kawm in ka dingdok tai.

THIAMPUTE LEKHABU 2:2

Aron cha, thiampute kiang ah hun chawi in ah. Chuleh, changbuang sathau tawh, begaw tawh helsa chu khut dim khat kihamdaw intin, a um nalai cheng chu thiampu’n mâichâm chung ah mei ah thillat, Lalpa â ding ah gimtui hiding in a hâltum ding ahi.

MALAKI 3:16

Chun, Lalpa lau mite a kiho un, Lalpa‘n tepte in a ngaitha’; Lalpa ja ah a min ngaitua zingte chu tepte’na lekhabu chun a ziklut tai.

MATTHAI 26:13

Titakzet in ka hil la hiu, khawvel pumpi chanchinpha kigenna taphot in, zia numei thilbawl hi ama hetzingna dingin kigen zing ta’n a, a tia.

LUKA 1:29

Zia thu ziak ah chun a âmtha ziang ta’n, bang chibai bûkna a hita dia aw, ti’n a kingaitua tai.

LUKA 24:5

Numeite chu a lau ma ma ziak un, a mai ua leitual si hial in a ma âng un a bokkhup tau a; ahi’n, amau chun, “Bang a tia mithi lak ah mihing hawl la hiu em? Zia tak ah hin a um ta puai, a thokit tai;

NASEPTE 10:31

Ka kiang in, ‘Kornelia, la pauchapna kha het in a um ta’n, mite kiang ah la thilpiakte kha le Pathian in a hezing hi.

NASEPTE 14:9

Paul thugen chu a ngai ah. Paul chun ama chu a en zing ah, damna ding khop ah ginna a nei hi ti a hia;

NASEPTE 22:10

Kei chun, Lalpa, bang hi’dingin lei dawi em? ka ti’n. Lalpa chun, kipan inla, Damaska khua’n chia in; zia tak ah chun la hi’ding ah guatsa umte chu hun hetsak in au, ei tia.

NASEPTE 3:4

Peter leh Johan chun ama chu a en zing un, a kiang in, “Kei uh ei hun en in,” a tiu a.

PHILIPPI 4:18

Bangkim ka nei ta’n, ka hau ahi; Epaphrodita khut ah thil lei hun thawtteu kha ka la mu’n, ka kiningting tai. Zia chu thillat gimtui, Pathian â ding ah kithoina pom tâk leh kipak um chu a hi.

PHILIPPI 4:6

Bangmalo mai mai in lungkham kiu inla, bangkim ah pauchap leh don in, kipak thu gen kawm in, la dotnateu chu Pathian kiang in hiatsak zaw tau in.

HEBRAITE 13:16

Ahi’n, thilpha hi leh kipanpitua ding hemil puai tiu, zia chu Pathian pom tâk kithoina chu ahi.

HEBRAITE 6:10

La nasep uh leh hepina ziak ah la sepgimnau, ama min ah la latsak uh, mithiangthote chung ah la nasepteu, tu’tiang ah le la sep zing uh chu hemil dingin Pathian chu mi diklo ahi puai.

THUPUAN 8:4

Tichun, mithiangthote pauchapna chu tawh kiton in, vansawlchâk khut ah kipat gimtui khu chu Pathian âng sung in a jam to ta’n.

1 SAMUEL 3:10

Ziaphatchun, Lalpa a hung ah, zia tak ah chun a hung ding ta’n; tu’ma lam ah a hun ko gual khan, “Samuel, Samuel!” ti’n a hun ko kit a. Samuel in a dawnhu ngâlah, a kiang in, “Gen in, la suak hin ka la ngai thai,” a tia.