NASEPTE 10:11 - PATHIAN LEKHABU THIANGTHO (BSI)

¹¹ Van hung kihong in a mu’n, zia tak ah chun bawm tawhbang pakhat, leitual ah hung kikhâitha suk, lian tak mai, killi nei ah kisiam a mu ta’n.

NASEPTE 10:11 ပူးပေါင်းရင်းမြစ်များ

THILSIAM THU 49:10

Laltiang chu Judah lak ah mang pua’n tin, vaihawmna laltiang chu a kêngkâl ah kipat bei diak pua’n a;

ISAI 43:6

mal gam kiang in, “Hun pedok un,” ti’ng ka tin; sim gam kiang inle, “Tuchak ta kiu in, gamla tak ah kipat in ka chapate chu hun pui unla, leimong lam ah kipat in, ka chanute hun pui khawm tau in,

ISAI 56:8

Paithâk ah um Israelte puikhawm kitpa, Lalpa Pathian chun: A kiang ua puikhawmsate bân ah a dang, mi tam tak hun puikhawm nalai ding ka hi, a tingal a.

EZEKIEL 1:1

A kum sawmthumna, tha li’na, zia tha ni nga a tin ni chun, Khebar lui pang ah saltângte lakah ka um pet in, van a hung kihong ah, Pathian kilâknate chu ka mu ta’n.

MATTHAI 8:11

Ka hil la hiu, sualam leh tumlam ah kipat in mi tam tak hung intiu in, van-gam ah chun Abraham, Isak leh Jakob kiang ah chun an nekhawm intiu in;

LUKA 3:21

Mipi zosia’n baptisma a chan zaw phat un, Jesu le baptisma a hung chang ah, a pauchap leh van a hung kihong a,

JOHAN 1:51

Titakzet in ka hil la hi, tu’nung leh van kihong ah, Pathian vansawlchâkte Mihing Chapa chung ah kum suk leh kal to hun mu ding la hi,” a tia.

JOHAN 11:52

zia namte â ding bep chule hilo in, Pathian chate gam tin ah kithejak ah umte a puikhawm kit theina dinginle ahi.

JOHAN 12:32

Chun, keima hi lei ah kipat khaikâng a ka um tak leh, mi zosia keima lam ah huai khawm ing ka,” a tia.

NASEPTE 10:12

Zia sung ah chun lei ah keng pali nei ganhing chikim, gamsate, ganhing bokvâkte, chunglêng vachate, kim tak in a um un.

NASEPTE 11:5

“Joppa khua pauchap ah ka um lai in jel in ka um ah, thil umdan ding chu musak in ka um tai. Bang bawm a hem lian tak khat killi nei a hung kikhâitha suk ah, ka âng in a hung um ta’n.

NASEPTE 7:56

Ama chun, “En tiam un, vante kihong leh Mihing Chapa, Pathian changlam ah ding chu ka mui,” a tia.

ROMTE 1:16

Khrista chanchinpha chu ka jachâkpi puai; kuale a ging tapo â ding ah hukhinna dingin Pathian thilhitheina ahi’n; zia chu a lim in Judate â dingin ahi’n, zia ban ah chun Grikte â ding a hung hi kit hi.

ROMTE 9:4

Israel mite, cha hi’na changte, lopina changte, thuthung leh Dan thupiakte leh, Pathian nasepnate leh thutiam zosia a la changte a hiu a;

GALATIA 2:15

Ei uh chu Jentel migilote hilo in, Juda mi him ah piang I hiu a;

GALATIA 3:28

Zia tak ah chun Juda mi a um ta pua’n, Grik mi le a um ta puai; zia chun suak a um ta pua’n, suak lo le a um ta puai; chuleh, pawsal leh numeile a um chuam ta puai. Khrista Jesu ah chun la leng un pumkhat la hingal un.

EPHESA 1:10

Zia a doilam lunggil chu, hunbî a hung tun phat leh, thil zosia: Van ah umte leh lei chung ah umte chu, Khrista ah gawm khawm in, suktua sik sek ding ti hi ahi.

EPHESA 3:6

Chanchinpha ziakin Khrista Jesu ah chun, Jentelte hi goluapi dingte, taksa bâk chanpite leh thutep chanpite a hung hitau hi.

KOLOSSA 3:11

Zia chun, Grik mi leh Juda mi, zektan leh tanlo, pauchuam mite, Skuthi mite, suak leh suaklo le a um diak ta puai; Khrista chu bangkim hi jawn, bangkim in a um hi.

THUPUAN 11:19

Tichun, van ah Pathian tempul um chu a hung kihong ta’n; a thuthung thingkuang chule tempul ah mu thei in a um tai; ziaphatchun, kawlphete, awte, van-gite leh linlîngte hung um in, gial nasa takte a hung ke tai.

THUPUAN 19:11

Chun, van a hung kihong ah, sakol kâng khat hung pawt ka mu; a chung ah chuang chu Ginum leh Dik a hia; ama chun dik tak in vai a hawm ah, gâl le a do sek hi.

THUPUAN 4:1

Ziazaw chun, ka vak et leh, van ah kot kihong ka mu’n, zia lai tak ah aw ka het masak, pengkul gi gual ah ngai a ei ho chun, “Hung to tiam in, tu’nung a thil hung um dingte chu hun etsak ing ka,” ei tia.