NASEPTE 1:9 - PATHIAN LEKHABU THIANGTHO (BSI)

⁹ Zia thute chu a gen zaw phatin, a et zing lai un, ama chu lâk to in a um ta’n, sûm in ama chu a pui to ah, a mupha ta puau hi.

NASEPTE 1:9 ပူးပေါင်းရင်းမြစ်များ

SAM 68:18

Tângsâng tak in la kal to ah, sal ah matte chu la pui ah; mihingte lak ah kipat leh, zia tak ah Lalpa Pathian a chênna ziak ah, mi kiphin hâtte natiang ah kipat in, thilpiakte la dong hi.

PAWTDAWNA THU 19:9

Ziaphatchun, Lalpa chun Mosi kiang in, “Sûmpi sâ tak in la kiang ah hung ding ka hi; tichun, mipite’n la kiang ah ka thugen hi a het ua, nangma chu a hun taksan zawk sêm theina ding un,” a tia. Tichun, Mosi’n mipite thugen chu Lalpa kiang in a tut kit a.

PAWTDAWNA THU 34:5

Lalpa chu sûmpi’n a hung suk ah, a kiang in a hung ding ah; tichun, “Jehovah kiti” min chu a puangjak tai.

ISAI 19:1

Aigupta siatna ding thu kigen chu: En un, Lalpa chu sûmpi hat tak ah leng chung ah chuang in, Aigupta lam in a hung hi; a ma-âng ah chun Aiguptate milim haw chu kithing intin, Aigupta mite lungchang chule a sung un timaw zo ta’n au.

DANIAL 7:13

Jan ah kilâkna ka et zing lai in, van sûmpi lak ah mihing mêlpu pakhat ka vak mu’n. Tuan ah tâng ah mi kiang lam a zuan in, a ma-âng in a pui lût tau a.

MARKA 16:19

Lalpa chun, zia thute chu a gen zaw phatin, van lam ah pui to in a um ta’n, Pathian changlam ah a hang chu tai.

LUKA 21:27

Ziaphat chuleh, Mihing Chapa hi lopina nasa tak tawh, a thilhitheina tawh sûm lak ah hung a la mu’n au.

JOHAN 6:62

Chuti ahileh, Mihing Chapa hi masang ah a umna ngai ah khan, a kal to mu leuchin bang la tiding awm?

NASEPTE 1:11

Amau chun, “Galili mite haw, bangatia van lam en ah ding zing la hiu em? Zia Jesu, la kiang ua kipat van lam ah lâk to ah um hi, van lam ah chia to la mu gual ngei un hung kit ding ahi,” a hun tiu a.

NASEPTE 1:2

apostolte, ama têlte kiang ah Thagau Thiangtho ah a thupiak zosia a piak dan leh, lâk to ah a um ni tiang in, a leng in ka hun zik hi.

1 THESSALONITE 4:17

ziazaw chuleh, ei haw hing ah umte hi, vanlai jawl ah khin Lalpa tuak dingin, amau tawh kigual in sûm chung ah lâk to in um hitiu: tichun, kumtuang in Lalpa kiang ah um tai tiu.

1 TIMOTHI 3:16

Nial gual lo hial in, I ginnau thugûk uh chu a lopi hi: “Ama chu taksa ah suklat, thagau ah thiam chansak, vansawlchâkte mu ngei, Jentelte lak ah tângkopi, khawvel pumpi ah taksan, lopina ah lâk to ah um ahi,” ti hi.

THUPUAN 1:7

En un, ama chu sûmpi khi tawh hung ding ahi, mit zosia’n hun mu’n au, a nâk a la sunte ma ma khanle; chuleh khawvel ah nam zosia’n ama chu sûn in kâ in au. Ahi, Amen.

THUPUAN 11:12

Amau chun, “Zia lam hin hung to un,” a ti’na aw ngai tak, van ah kipat hung gi chu a he tau a; tichun a mêlmateu in en zui kawm in sûm lak ah van lam in a chia to tau hi.

THUPUAN 14:4

Ziate chu numei lak ah kihi’buaklote a hiu a; kikoi thiangtho zing a hiu hi. Amau chun Belamno chu a chiana lam lam in a zui ua, Pathian leh Belamno â ding ah ga masa pen hiding ah mihing lak ah kipat tatdawte chu a hiu.