NASEPTE 1:8 - PATHIAN LEKHABU THIANGTHO (BSI)

⁸ Himaleh, Thagau Thiangtho chu la chung ua a hung tun phat leh, thilhitheina nei ta’n lau; tichun, Jerusalem, Judea gam leh Samaria gam leh kawlkil tiang ah, ka thu hiatpite hung hiding la hiu,” ti’n a dawnhu a.

NASEPTE 1:8 ပူးပေါင်းရင်းမြစ်များ

SAM 22:27

Kawlkil tiang ah mite’n hezing in, Lalpa lam hun nga ta’n au; namtin ah kipat chitinte a ma’n kûn ta’n au.

SAM 98:3

Israel Inkuante chung ah a ngilneina leh, a thutakna a hezing hi. Kawl kîmvêl tiang ah mi zosia’n le, I Pathian zaw’na a mu tau hi.

ISAI 42:10

Lalpa pâk in La thak sau inla, kawlkil langkhat lam ah kipat, a langkhat lam tiang in pâk tau in! Tuisuagiat leh a sung ah chêng zosia, tuikual gam leh a sung ah chêng zosia’n le, a awu sua chiat tau hen.

ISAI 49:6

Israelte lak ah a suakcha sunte tundin kit ah, Jakob namte photdin kitna ding ah, ka suak ah la pan hi thil bailam ahi puai; kawlkil tiang ah mite kiang chan ah, ka hukdamna a tun theina dingin, namtin salvâk dingin hun siam ding ka hi.

ISAI 52:10

Nam tinte mit mu in Lalpa‘n, a khutbân thiangtho chu a lâmdok ta’n; tichun, kawl kîmvêl tiang ah mi zosia’n, I Pathian hukdamna chu hun mu ding a hiu.

ISAI 66:19

chuleh, a lak un tepte’na hun koi ing ka. Chun, a lak ua suakcha sunte chu namtin kiang in: Tarshish ah te, Put ah te leh Lud gam ah thalpi luaisa umte chu, Tubal gam leh Javan gam ah te leh, gamla tak ah thialkâl gam zosia ka lopina a la he’kha nai lo leh, a la mu kha nai lo zosiate kiang in sawl ing ka tin; tichun, ka lopina chu namtin kiang in puang jak ta’n au.

JEREMIAH 16:19

Aw Lalpa, ka hatna leh ka kulpi, buai lai ah ka kisêlna; kawl kîmvêl ah kipat namtin hung khawm in, la kiang in: Ka pu leh pateu in zuau thu leh, thil manlote tilo ngal, bangma a la lemlaw puau hi.

MIKAH 3:8

Keima ka hileh vang Jakob kiang ah a bawsiatnau, Israel kiang ah a gitlonau ka hiatsak theina dingin, Lalpa thagau ziak ah chun thilhitheinate, vaihawmnate leh hatnate ah chun ka dim zing tho hi.

ZEKARIAH 4:6

“Zia hi Zerubbabel kiang ah Lalpa thu hun gen chu ahi: Thagum hatna ziak hilo, thilhitheina ziak le hi diak lo in, ka thagau ziak bep in ahi, ti’n sepai honte Lalpa chun a ti’n.

MATTHAI 24:14

Chuleh, zia Gam Chanchinpha hi nam zosia hiatsakna dingin khawvel zosia ah genjak in um intin; ziazaw chuleh, tawpna chu hung tung in a.

MATTHAI 28:19

ziaziakchun, chiau inla, namtin lak ah mi nungzui in siam unla, Pa leh Chapa leh Thagau Thiangtho min in baptis un;

MARKA 16:15

Tichun, a kiang un, “Khawvel zosia’n chiau inla, thilsiam zosia kiang in chanchinpha vagen un.

LUKA 1:35

Vansawlchâk chun a kiang in, “Thagau Thiangtho la chung in hung tung intin, Chungnung pen thilhitheina chun hun liakhu intin, ziaziakchun, nau hung piang ding chule Thiangtho ti hi’n a, chuleh, Pathian Chapa ti’n au.

LUKA 10:19

Ngai un, gûlte, ainuvette chotden theina leh mêlma chung ah thuneina ka piak la hiu; bangma’n hun hi’liam thei pua’n au.

LUKA 24:29

Himaleh, amau chun a tho ua, “Ka kiang un um ta’nla, khuale a vâigei ta’n, ni le tum ding a hita hi lam,” a tiu a. Tichun, a kiang ua um dingin a lut tai.

JOHAN 15:27

Nangmaule a lim ah kipat ka kiang ah um la hiziak un, keima chanchin genjakte hung hiding la hiu, a tia.

NASEPTE 1:22

Johan baptisma chansak hun lai ah kipat, eimau kiang ah kipat van ah lâk to ah a um tiang ah I lak ua a la pang mi pakhat chu, a thawkitna hetpi ah I pankhawmpi ding un têl hitiu,” ti in.

NASEPTE 1:5

Johan khan tui in a baptis sek a; himaleh, tu’nung ni sawt lo cha sung in Thagau Thiangtho ah baptisma chang ding la hiu, a ti’n.

NASEPTE 13:31

zia nung ah chun Galili gam ah kipat hung, Jerusalem khua a la umte kiang ah chun a kilâk kit a; tu’hin, amau chu mipite lak ah thu hiatsakte a hung hitau hi.

NASEPTE 2:32

Jesu chu Pathian in a kaitho ta’n, zia chu ka leng ua hin a hiatpitute ka hiu hi.

NASEPTE 22:15

la thil mute leh la hiatte chu mi tin kiang ah a thu hiatsaktu hung hi ding la hi.

NASEPTE 3:15

Hinna Siampa chu la that un, Pathian in ama chu thina ah kipat in a kaitho tai. Zia chu keimau hi a hiatpitute ka hiu hi.

NASEPTE 4:33

Sawlchâkte chun thilhitheina lopi tak tawh, Lalpa Jesu thawkitna thu chu a dinpi sek un; a leng ua chung in doisakna nasa tak a um a.

NASEPTE 5:32

Chuleh, kei uh hi tawh, Pathian in a thu awite kiang ah a piak, Thagau Thiangtho chu, zia thilte hiatpite ka hiu hi,” a tiu a.

NASEPTE 6:8

Chun, Stephen, hepina leh thilhitheina ah dim chun, mipite lak ah chun thilmak leh tepte’na thupi takte a bawl a.

NASEPTE 8:1

Zia ni chun, Jerusalem ah kochuamte chung in sukgentheina nasa tak a hung kipan ta’n, apostolte tilo ngal chu a leng un Judea leh Samaria gam pâmlam te tiang ah naw jak in a um tau a.

ROMTE 10:18

Ahi’n la, a bil un a hepuau ah a hem? He e: “A thawm uh lei chung zosia’n a kithang in, a thuu chu kawl kîmvêl tiang in a thang suak tai,” ti ahi.

ROMTE 15:19

Pathian Thagau thilhitheina leh, thilmakte leh tepte’na lopi takte chu mang in, Jerusalem ah kipat in Ilirikam leh a tuamvêl ah chun Khrista chanchinpha chu ka gen suak tai.

KOLOSSA 1:23

van nuai khawvel thilsiam zosiate kiang ah kigen, la la het tâk uh thutiam kinepna chu, thasuak lo ah la tukdet zing theina ding un, a hung kipia ahi. Keima, Paul hi, zia chanchinpha nasem ding ah chu pang ka hi tai.