NAHUM 1:4 - PATHIAN LEKHABU THIANGTHO (BSI)

⁴ Tuipi a vau ah, a kangtan ngal in, lui zosia le a hi’kang sik sek hi; Bashan leh Karmel a vuai ta’n, Lebanon pâklûn chu a chuai tai.

NAHUM 1:4 ပူးပေါင်းရင်းမြစ်များ

THILSIAM THU 8:1

Pathian in Noah leh long sung ah a kiang ah ganhing zosia leh gancha um zosiate chu a hezing ah. Tichun, Pathian in lei chung lam ah hin hui a nunsak ah; chun, tui chu a hung kiam pan ta’n;

2 SAMUEL 22:16

Ziaphatchun, tuisuagiat lampite chu a hung kilang ta’n, Lalpa‘n a nâk hawm ah a hu thâdaw ah, a vauna ziakin, khawvel leilung kingaknate chu suklat ahi tai.

JOB LEKHABU 38:11

a kiang un, “Zia tiang bep hi hung pha unla, a khêl lam vang la hung pêl lo ding uh ahi, zia tiang ah hin la tui kinawk le, a tawp sek ding ahi,” ka ti’piak a.

SAM 104:7

La vau leh a jam mang un; la van-gi ziakin a tai mang ui.

SAM 106:9

Tuipi San chu a vau a, tichun, a kang ta’n; gamkeu ah chia gual in tuipi thûk tak in a pui theng tai.

SAM 114:3

Tuipi’n a mu phât in a jamsan ta’n; Jordan lui tui a le’luan tai.

SAM 114:5

Aw tuipi, bang ding ah jam la hem? Aw Jordan, bang ding ah le’luan la hem?

SAM 18:16

Chung lam ah kipat in ei hun bân suk in, ei hun tu ta’n; tui hat takte lak ah kipat in ei kaidok tai.

SAM 74:15

Tuinâk leh luiliante nâk ding la ât-hon piak a; lui luang zing laite chule la ting kang a.

ISAI 33:9

Gam chun a sûn ah a chautha tai; Lebanon chu mualpho in a vuaitha tai; Sharon chu Arabah gamkeu a bang ta’n, Bashan leh Karmel chun, a dua zosiau a thingtha tau hi.

ISAI 42:15

Mual leh tângte hun nuai ing ka tin, a chung ah hamhing zosia keugawpsak ta’ng ka; luipite chu thialkâl suaksak ing ka tin, dilte chule keusak ing ka.

ISAI 44:27

chuleh, tuili thûk tak kiang ah: “Hung kangtan inla, la lui liante chu hun sukang sik sek ding ka hi,” ti leh,

ISAI 51:10

Nangma hilo maw tuisuagiat leh, tuili thûk takte sukang ah, tuisuagiat lithûk ah le tatsate, chia gâlkâina ding lampi hon piak kha?

EZEKIEL 30:12

A luidungteu chu hi’kang ing ka tin, a gam uh migilote kiang in pia’ng ka; chuleh, a gam leh a sung ah um zosia le, gamdang mite khut in hisia’ng ka; Keima Lalpa hin ka ti ta ahi.

EZEKIEL 38:20

tuisuagiat ah sanga zosia, chung ah lêng vachate, gamlak ah sa zosia leh lei tual ah bokvâk zosia, leipêk chung ah mihing zosia ka âng ah kithing ta’n au; mual leh tângte paithâk hi’ntin, kawlsiate le chim intin, kulbâng zosia lei tual tawh kikim in chim ta’n a.

AMOS 1:2

Amos in: “Zion tâng ah kipat in Lalpa a kitum ah, Jerusalem ah kipat in a aw a sua hi; Belam chingte gan tatna hambuk a vuai in, Karmel tângvûm chu a keugawp tai,” a tii.

AMOS 5:8

Bombial leh sizuhei suktun siam a, khawthim tak jingkal chansak a; khawvak chu janthim ah chansakpa, tuisuagiat ah tuite kodawk ah, lei chung ah gawtui zuksakpa chu, a min Lalpa ahi’n;

MATTHAI 8:26

Ama chun a kiang un, “Ginna tawmte haw, bangatia lau la hiu em?” a tia. Zia nung ah chun a tho ah, huipi leh tui chu a vau ah, a hung thip veng veng tai.

JOSHUA 3:16

saklamah kipat tui hung luang suk chu a chawl ta’n, saklam deu tak ah Zarethan kiang ah Adam khawpi kiang ah chun a bêm in a ding ta mai ah; chuleh, Arabah tuipi, Tuipi Thi lam ah luang suk chu a kangtan tai. Tichun, mipite chu Jeriko khua jawn ah chun a gâl kâi tau a.