NAHUM 1:2 - PATHIAN LEKHABU THIANGTHO (BSI)

² Pathian doichilgil leh phuba la chu Lalpa chu ahi’n; Lalpa chu phuba la sek leh lungnat hat ahi; Lalpa‘n a dodâlte chung ah phuba a la sek ah; ama do-te chung ah a lungnatna kuanjaksak sek chu ahi.

NAHUM 1:2 ပူးပေါင်းရင်းမြစ်များ

JOB LEKHABU 20:23

A gilpiu vâ tawk tak ah a nêk ding un, Pathian in a lungnatna huaisia tak chu, sun khum intin, an ah a ngansia ding un gua gual in zuk khum in a.

SAM 94:1

Aw Lalpa, nang phuba la Pathian, nangma phuba latu Pathian, hung vâkdok ta’n!

PAWTDAWNA THU 20:5

Zia haw âng ah chun bokkhup kiu inla, a nau le la sep lo diu ahi; Kei Lalpa, la Pathian uh hi doichilgil Pathian, pate gitlona chu ei pom lo a chateu chung ah a khang thumna leh a khang li’na tiang ah phuba la sek ka hi’ngal a.

PAWTDAWNA THU 34:14

(pathian dang him him la ho lo diu ahi, Lalpa, a min doichilgil kiti chu Pathian doichilgil ahi ngal a.)

PAWTDAWNA THU 34:7

Sâng tam tak tiang ah khawtuana nei, khawlona, sukkhialna leh gitlona ngaidam ah; thiamlo changte ngaidam ziang lo ah, pate nunsiatna ziak ah, chate leh a tusawnte, suan thumna leh suan li’na tiang ah, phuba la sek,” ti’n a puang tai.

ISAI 42:13

Sepai hangsan tak gual in Lalpa chu a kipan in, gâldo ah kuan gual in a kihântaw hi; a kiko in, ngai tak in a kiko hi, a hat dan a gâlte chung in a etsak tai.

ISAI 51:17

Aw Jerusalem, hung tho inla, hung kipan inla, hung dingdok tiam in; Lalpa khut ah a lungnatna no ah um chu, la dawn kham ta’n, kithinna no ah a tawnên tiang in, la chîp kang ta chulam.

ISAI 51:20

La chate a basam zo tau ah, sazukchal lênthâng ah awk thachau gual in, khawlai kotzing tin ah a kitâl tek tuk tau hi; Lalpa lungnatna huitung tak tuak in, la Pathian vauna awsia pua a hiu.

ISAI 66:15

Ngai tiam u, a lungnatna chule hachangthak tak in, meikuang sunkhum gual ah vauhil dingin, Lalpa chu meikuang ah hung intin, a sakol kângtalaite chule, thigawpi gual hi’n a.

JEREMIAH 25:15

Zia gual hin Lalpa, Israelte Pathian chun a gen ngal a: Ka khut ah kipat in zia ka lungnatna zuhâi hi la’n la, ka hun sawlna ding namte zosia chu dawnsak in.

JEREMIAH 28:8

Keima leh nang masang ah jawlneite khan, malai ah kipat gam tam tak leh lenggam hat takte chung ah kidona, kialna leh natpi tung dingte a la genlawk sek un.

JEREMIAH 3:5

lungna kumkhua ding leh, a tawp tiang ah lungna den ding la hem? la tiu a. Zia gual ah chun la gen zo ta’n, himaleh, thil phalo la bawl thei zosia chu, la bawl zo ta’ngal a.

JEREMIAH 36:7

Lalpa kiang ah a hung pauchap ua, a thil phalo bawlteu a hun kiheimang san khâk ua leh, zia mipite chung ah Lalpa lungnatna leh hachangthakna hi a huaisia ma ma ngal a,” ti in.

JEREMIAH 4:4

Aw, Judai gam ah mipite leh, Jerusalem khua chêng zosiate haw, Lalpa â dingin kikoi thiang unla, la lungthim zek uh tan un; achutiloleh la nunchan phat lonau ziakin, kuama’n a phelmit lo dingin, ka lungnatna meikuang gual ah, hung kuangdok in hun kâng tum ding ahi.

JEREMIAH 50:15

Kiltin ah kipat ama do-na’n kiko unla, “A kipedok tai; a kulpite chu a chim ta’n, a kulbângte chun tual a jep tai,” tiu in. A chung ah Lalpa phuba lâk ni a hiziak in, a chung ah phuba lâu inla, la chung ua a hun bawl gual gual in, a chung ah le bawl thuk tau in.

KÂ LATE 4:11

Lalpa‘n a lungnatna a subuting ta’n; a lungnatna tizat um tak chu a buntha’n, Zion ah mei a sêm ah, a suangphûm natiang in a kâng tum tai.

EZEKIEL 36:6

Ziaziakchun, Israel gam chung thu’n thu gen inla, mual leh tângte, lui leh guamte kiang in, Lalpa Pathian in zia gual hin a gen hi ti’n: Nam zosiate hosiatna la puak tâk ziakin, ka thangtawmna hachangthak in thu ka gen ahi:

EZEKIEL 38:18

Israel gam do ding ah Gog a hung kuan daw phat leh, ka lungnatna chawthaw hita’n a, Lalpa Pathian in a tii.

EZEKIEL 38:19

Ka îtthîkna leh ka siatso lai tak in thupuan ka bawl tai: Zia hun chuleh, Israel gam nasa tak in kithing in a;

EZEKIEL 39:25

Ziaziakchun, Lalpa Pathian in zia gual hin a gen hi: Tu’hin, Jakob vangphatna pia kit ing ka tin, Israel Inkuan zosia chung in ja’ngai ta’ng ka; tichun, ka min thiangtho â dingin thangtawm ta’ng ka.

EZEKIEL 5:13

A chung ua ka lungnatna butit ing ka tin, a chung ua ka thangtawmna sungtha’ng ka tin, ka lungdam ta’n ah; ka mitthîpna ziak ah Keima, Lalpa hin, a chung ua ka lungnatna buntha ka hi, ti hun he ta’n au.

EZEKIEL 6:12

Gamla tak ah umte chu natpi’n thi’n tiu in; a nai tuam ah umte chu chemjam in thi’n tiu in; zia lak ah suakcha nalaite chu kial thi’n au. Tichun, a chung ua ka lungnatna but khum ta’ng ka.

EZEKIEL 8:18

Ziaziakchun, lungna tak in thuk ing ka; kimulosak ta pua’ng ka tin, daidawp pua’ng ka; ka het in ngai tak in kap maleule, limsak ta pua’ng ka,” a ti tai.

JOEL 2:18

Ziazaw chun, Lalpa chu, a gam â dingin dawichilgil a hung hita’n; a mite chung in lainatna a nei tai.

THIAMPUTE LEKHABU 26:28

lungna tak in nang uh lang in umzing ing ka tin, la gitlonau a le’sagi’n hun thuk ding ka hi.

MIKAH 5:15

Chuleh, ka thu mang lo namte chung ah lungnatna leh, thangtawmna phuba lâkna supiting tâng ka, a ti’n.

MIKAH 7:18

Nangma gual ah gitlo’na ngaidam leh, la gochan umsun te gitlo’na melkhu pei Pathian dang, kua a hem um ngai? A lungnatna kumkhua’n a vop zing pua’n, a hepina danglam ngai lo a suklat ziakin a kipak sek ngal a.

ZEKARIAH 1:14

Tichun, ei kihopi vansawlchâk chun ka kiang in, “Zia gual hin tâng vasam in: Sepai honte Lalpa chun zia gual hin a gen hi: Jerusalem leh Zion chu ka khawtua ma ma hi;

ZEKARIAH 8:2

Sepai honte Lalpa chun: Zion chu vei tak zet in ka vei in, a chung ah nasa tak ah lungna khop in ka vei hi, ti’n a gen hi.

KISIMNA LEKHABU 25:11

“Thiampu Aron chapa, Eleazar chapa, Phinehas in Israelte chung ah ka lungnatna a del mang tai; a lak ua keima sik ah thangtawmna a nei ziakin Israelte chu ka hi’mangthai lo ahi.

ROMTE 12:19

Doitakte haw, bangtik lai inle phuba la kiu in, Pathian lungnatna awt zawu in. “Phuba him him keima lâk ding ahi, keima’n thuk na’ng ka, Lalpa‘n a tii,” ti zik ahi ngal a.

ROMTE 13:4

Amau chu nangma phatna ding ah Pathian nasem ah pang a hiu. Himaleh, thil gilo chu la bawl leh vang, lau mai in; ama chun chemjam chu a mawk choi ahi puai; ama chu Pathian nasêm ahiziak in, thil gilo bawlte chung ah lungnatna phuba la ding chu ahi ngal a.

DAN LEKHABU 4:24

Lalpa la Pathian uh hi, mi kâkmang mei gual leh doichilgil tak Pathian ahi ngâl a.

DAN LEKHABU 7:10

chuleh, ama pâmpaite hi’mangthai ding ah amau chung ngei ah thuk sek mi ahi. Ama doi lo ah pampaite chung ah kipadâm lo ah, amau taksa chung ngei ah thuk kit ziang sek chu ahi.

HEBRAITE 10:30

“Phuba chu keima lâk ding ahi, keima’n thuk ing ka,” kiti leh, “Lalpa‘n a mite chu vaihawm piak ding ahi,” ti pa chu I he ngal un.

JOSHUA 24:19

Himaleh, Joshua’n mipite kiang in, “Lalpa na chu sêm thei pua’n lau, ama chu Pathian thiangtho ahi ngâl a. Ama chu Pathian thikthusia ahi’n, la bawsiatnau leh la gitlonateu chu ngaidam pua’n a.

2 PETER 2:9

Lalpa‘n ama ngaisakte chu thepna kipat hukdaw dan leh, midiklote chu vaihawmna ni ding ah gawt zing kawm ah koihe dan a henai.