MIKAH 7:9 - PATHIAN LEKHABU THIANGTHO (BSI)

⁹ Kei lam ah a pan ah, kei a ding ah vai ei hawm piak masang sia chu, Lalpa chung ah thil ka la hi’khial tâk ziakin, a lungnatna paw zing ta’ng ka. Ama’n vâk ah ei puidok intin, tichun, a dikna chu mu ta’ng ka.

MIKAH 7:9 ပူးပေါင်းရင်းမြစ်များ

2 SAMUEL 24:17

Mipite thattu vansawlchâk chu David in a mu phât in, Lalpa kiang in, “Keima bep ka hi a gilo chu; zia belamte hin bang a bawl ua a hem? La khut chu keima leh ka pa Inkuante chung ah tunsak zaw dingin ka ni la hi,” a tia.

JOB LEKHABU 23:10

Himaleh, ama’n ka lampi zui chu a henai; ei patep zaw phat leh sana gual in, hung pawtdok kit ding ka hi.

JOB LEKHABU 35:14

Nang tak chun la, ka chung thu gen ding chu, ama kiang ah um ahi, ti’n a hung ding chu ngak in, ama ka mu nai puai! la ti pona chu.

SAM 119:154

Ka chung thu ei genpi inla, ei tandok in; la thutiam dungzui in ka hinna humbit in.

SAM 37:6

La dik zia chu vâk gual in hun latsak intin, la thiamchan zia le sûn lai gual in hun tâk lang in a.

SAM 43:1

Aw Pathian, nangma ngaisaklote kâl in, vai ei hawm piak in, ka dikna thu hi ei panpi inla; mi thep mang leh diklote lak ah kipat ei hukdok ta’n!

SAM 7:6

Aw Lalpa, lungna’n hung kipan inla; ka mêlmate lungnatna do dingin hung kuan inla; Aw ka Pathian, hung kipan in; vaihawmna la guat ta ngal a.

SAM 94:15

mi dikte chung ah vaihawmna dik kile’kit intin, lungthim dik zosia’n zia chu zui in au.

ISAI 42:16

Mitthûm chu lamlian hetkhaklo’na kaibât ing ka tin, a lampi hetkhâk lonau ah chun pui huai ding ka hi. A ma-âng ua thimna zosia vaksak ing ka tin, lampi phot lek luk chu hi’nâm piak ding ka hi. Zia thilte chu bawl piak ding ka hiziak in, amau chu nusia lo ding ka hi.

ISAI 42:7

mitthûmte mit hi’vâk piak ding, suangkul tângte hukdok ding leh, suangkul thim lak ah umte puidok dingin.

ISAI 46:13

Ka hukdamna chu ka hun koinai a, gamla tak in a um ta puai; ka hukdamna chun khawdâng sawt talo ding ahi. Ka lopina Israelte â dingin, ka hukdamna chu Zion ah koi ding ka hi.

ISAI 51:22

Chungnung Penpa Lalpa, la Pathian, a mipite sik leh jal gen piak sekpa chun, zia gual hin a gen hi: En un, kithinna no chu, la khut ah kipat in ka lamang tai; ka lungnatna no ah kipat in, dawn kit ta pua’n la.

ISAI 56:1

Lalpa chun zia gual hin a gen a: Thu dik in vaihawm unla, dik tak in bawl un; ka hukdamna chu hung tung pai ta’n tin, ka hukdawna chule hung kilang pai ziang ding ahi ngal a.

JEREMIAH 10:19

Ka liamna ziakin ka chung a gik na e! Ka liamna hi a huaisia na e! Himaleh, “Zia hi ei gawtna a hiziak in, ka tuak tei tei ding ahi,” ka ti’n.

JEREMIAH 14:7

Ka khawlonateu in ei hêk zing maleh, aw Lalpa, la min ziakin ei panpi inla; ka nungtolnau a tam ma ma’n, la chung in ka la hi’khial zo tau hi.

JEREMIAH 51:10

Lalpa‘n I diknau a taklang tai, hung un, Zion ah chun Lalpa I Pathian, thilbawl dan taklang hitiu.

KÂ LATE 1:18

Lalpa vang a dik hi, a thupiak dodâl in ka la hel ta mai un; himaleh, ngai un, ka mipite haw, ka genthei dan hi ngaituau in; ka nungakte leh tangvalte sal in a tâng zo tau.

THIAMPUTE LEKHABU 26:41

ke’nle amau ka la do zing ah, a mêlmateu gam ah ka la puinateu, chuti nung ah le a lungthim bil viloteu a khiak niam ua, a gitlonateu ziak ah ka gawtnate a hetthiam phat ua leh,

MALAKI 3:18

Zia tak chuleh, midik leh migilo kikhiak dan leh, Pathian nasêm leh sêmlote kikhiakna mu chian ta’n lau.

1 KORINTH 4:5

Chutichun, a hun masang in bangma genchian kiu in; Lalpa chun thim ah thil sêlgukte chu vâk ah hun tâkdok intin, lungthim ah tupnate le hilang in a. Ziaphat chuleh, mi zosia’n Pathian ah kipat pakchak law chiat ta’n au.

2 TIMOTHI 4:8

Tu’hin dikna lallukhuk chu kei â ding ah koisa’n a um ta’n, zia chu Lalpa, vaihawmpa dik tak chun zia ni chuleh ei pia ding ahi; kei kiang bep ah hilo in, a kilâkna ngâkte zosia kiang inle.

THUPUAN 18:20

Aw nanghaw vante leh sawlchâk thiangthote leh jawlneite haw, amanu chung ah chun kipak ta un; Pathian chun la phubau chu amanu chung ah hin a la tai!” a tiu a.

1 SAMUEL 24:15

Ziaziakchun, nang tawh kei chungchâng ah hin Lalpa‘n vaihawm hen la, a dik leh a maw khen ta hen. Enchian hen la, ei panpi in, nang ah kipat in ei hukdok ta hen! ti’n a gen tai.

1 SAMUEL 25:39

David in Nabal a thi tai ti a het phat in, “Nabal in ei hosiatna thu ei ngaitua piak ah, a suak hi thil phalo bawl lo ding ah ei la tutâng Lalpa chu choihoi in um ta hen. Lalpa‘n Nabal chu a thil phalo bawl man a dit ta ahi,” a tia. Ziaphat ah chun, David in mi a sawl ah, Abigail chu a ji dingin a va hêlsak tai.

1 SAMUEL 26:10

Chuleh, David in, “Lalpa hinna sâl in ka gen ahi: Lalpa‘n ama chu that na’n ah; ahiloleh, a hinkhua bei ni hung tung intin, gâlmun ah le a hinkhua la thei ahi.

1 SAMUEL 3:18

Tichun, Samuel inle bangma îmlo in a leng in a gendok tai. Ziaphatchun, Eli in, “Lalpa ahi chu lam, pha a sak dan dan in bawl mai ta hen,” a ti tai.