MIKAH 7:2 - PATHIAN LEKHABU THIANGTHO (BSI)

² Lei chung ah hin mi ginum a um ta pua’n, mi diktat him him le a um ta puai; thisan sua ding châng in a um zo tau in, mitin in mi dang khat chiat lên in a ngîm tau hi.

MIKAH 7:2 ပူးပေါင်းရင်းမြစ်များ

SAM 10:9

A mit un panpi ding neilote a en-gu sek ui. Sakeibaknei in a kaw sung ah a chângûk sek gual in, migenthei man dingin a chânggu sek un; migenthei chu a man ngei un; tichun, a lên un a kaimang sek ui.

SAM 12:1

Aw Lalpa, ei panpi in, Pathian ngaisak mi la a um ta paw’ngal in; mihing chate lak ah mi ginum a um ta puai.

SAM 12:2

Mitin in mi maiphatna leh lungthim thua ngen pu’n, zuau thu ngen a gen tau hi.

SAM 57:6

Ka keng awkna dingin lên a phau a; ka hinna hi sotden in a um tai. Ka kiakna dingin ka lampi’ kawkhûk a cho un, amau a ke’lut tau hi.

THUPILTE 1:11

“Hung tia, thisan sua dingin chânggu tiam hitiu; a ziak bangma umlo in, mi ummuang hiat hiat ah poikhoilote suam dingin, chânggu’i tin,

THUPILTE 12:6

Mi nunsia kamsuak chu mi that ding ah chânggu ahi’n; mi lamzangte kamsuak in vang amau a hukdok sek hi.

ISAI 3:5

Mipite chu nuaisia in um intin uh, mitin kua a hem khat nuaisia ah um in, mitin a Invêngteu nuaisia in um in au; chapangte le miluite chung ah, kiletsak tak ah hung um in, mi thulimlote nasan le, mi ja’umte chung in hung kiletsak in au.

ISAI 57:1

Midik chu a mangthai in, ahi’n, kuama’n a ngaisak puau in; mi kipumpiakte chu pui mang in a um un, kuama’n a hethiam puau hi. Midik chu siatna hung tung ding ah kipat in, lâk mang in a um un; zia chu kuama’n a hethiam puau in;

ISAI 59:7

A keng uh thil phalo bawl dingin a chan-gang un, bangma bawlselote thisan sua dingin a kinaw he huu ah; a ngaituanau zosia chu khawlona ngen ahi’n, manthaina leh suksiatna chu a lampiu ahi.

ISAI 9:19

Sepai honte Lalpa lungnatna ziakin, gam pumpi a kâng ta’n; mipite chu a meisel ah a pan tâk ziak un, khat cha’nle midang khat a hukdok thei ta puau hi.

JEREMIAH 16:16

Tu’hin, sanga mante tam tak hun sawldok ing ka tin, amau chu va man khawm in au; ziazaw chuleh, gamvâk mi tam tak le sawldok ing ka tin, amau chun tâng tin leh mual tin ah kipat leh kawl suangpi kikâl ah um natiang in hun man khawm sik sek in au, Lalpa‘n a tii.

JEREMIAH 5:16

A thalbawm uh chu thân kihongsa gual ahi’n, gâldona pawsal pha ngen a hiu.

JEREMIAH 5:26

Ka mipite lak in michavai mu in a um ta’ngâl a. Midangte neithil a lâkpiak ui. Vacha mante gual in thâng a kam un, mihingte a man sek ui.

JEREMIAH 8:6

A la ngaitha’n, ngaisak malengle, thu dik gen a um puau hi; kuama a nunchan phalo uh haisan a um puau in, “Bang ka la bawl khial ah a hem?” a ti zing ui. Sakol gâl do-na mun ah lu bungbut ah a pan gual un, mi tin amau majawn chiat in a kihei tau hi.

KÂ LATE 4:18

I kotzing nasan un I nop nop ua, I vâk vêl theilona ding un, I kalsuan uh a chingsui un; I tawpna ding uh a nai tai; I hunteu hi tiam ahi; I tawpna ding uh a hung tung ta hilam.

EZEKIEL 22:12

Nangma ah thisan sua’na dingin golgûkna a lau ah; sum bat man ding leh a sum pung la lau a; chuleh, la Invêngte neisa lâkpiak in kihihausat la guau a; tichun, keima lei hemil tau hi, Lalpa Pathian in a tii.

EZEKIEL 24:6

Ziaziakchun, Lalpa Pathian in zia gual hin a gen hi: Thisan sua hat khawpi chung a gik hi, sabel sung kângkhik, a bêlkhik hi’thian theilo ahi! A them them in thûkdok unla, têlchuam ding a um puai.

HOSEA 5:1

Aw thiampute haw, he tau in! Aw, Israel Inkuante haw ngaisak un! Aw lengpa Inkuante haw, a la ngaiphau in! Vaihawmna chu la chung un hung tung ding ahi ngal a; Mizpah ah thâng kikam leh, Tabor tâng ah lên kijak tawh bang la hitau in;

HOSEA 6:9

Suammangte’n mi a chânguk gual un, thiampute a pung khawm un; Shekhem zawtna lampi’n mi a that un, tualtha’na huaisia tak a bawl tau hi.

MIKAH 2:8

Himaleh, nanghaw vang ka mite chung ah, mêlma gual in la hung dingdok tau in; kido nuam lo ah gâlmuang tak ah, vâkvêlte lak ah kipat in, a puanâk chualteu la sât thâk piak tau hi.

MIKAH 3:10

Thisan ah Zion siam ah, Jerusalem dukdak lo’na suate haw!

MIKAH 3:2

Thilpha doi lo in, thil phalo la dawi un, ka mite vun lip te haw, a guteu ah kipat in a pheu la âtthau in;

ZEKARIAH 11:6

Lei chung ah chêngte chu lainat ta pua’ng ka, Lalpa‘n a tii. Mitin a Invêngteu leh a lengpau khut in pûksak ing ka tin, a gam uh susia’n tiu in, a khut ua kipat in pakhat chale hukdok lo ding ka hi atii,” ti in.

NASEPTE 24:9

Judate chunle zia thu chu a dik hi ti’n a panpiu a.

1 SAMUEL 24:11

En in, he pa, la puanâk chual mong ka khut ah um hi; nang in tha dingin ei hawl vêl ziang malechin le, nang hun that lo ah, la puanâk chual mong ka âtthak thei ah kipat hin, la chung ah khut thanuam lo ka hi’dan hethei in la.

1 SAMUEL 26:20

Ziaziakchun, tu’hin vang, Lalpa âng ah ka thisan chu leitual in kiakthâk sak kin; keima uihik pakhat gual bep hi that dingin, Israel lengpa hial hi tânggam ah vavêng del gual ah ei del dingin a hung kuandok la hi chu lam,” a tia.