MIKAH 7:18 - PATHIAN LEKHABU THIANGTHO (BSI)

¹⁸ Nangma gual ah gitlo’na ngaidam leh, la gochan umsun te gitlo’na melkhu pei Pathian dang, kua a hem um ngai? A lungnatna kumkhua’n a vop zing pua’n, a hepina danglam ngai lo a suklat ziakin a kipak sek ngal a.

MIKAH 7:18 ပူးပေါင်းရင်းမြစ်များ

THILSIAM THU 4:7

A dik chu bawl lechin, bang ding ah pom hilo diak ding la hem? A dik la bawl diak lo chun, gitlona chun la kotkhak bul ah a hun châng zing hi; nang hun zaw gua ahiziak in, nang in la zaw guat ngei ngei ding ahi,” a ti’n.

1 LENGTE 8:23

Zia gual hin a gen a: “Aw Lalpa, Israel Pathian, nang tawh bang Pathian chung lam van ah ahiloleh nuai lam lei ah a um puai, lunggil zosia tawh la ma ah um, la suakte â dingin thuthung leh hepina det tak la vop zing hi;

2 KHANGTHU 30:9

Lalpa lam ah la hung kihei kit ua ahi chun, la suapiteu leh la chateu chun sal ah mante lainatna hung chang intiu in, zia gam ah hin hun pui tung kit ding ahi. Lalpa la Pathian uh hi lainatna dim leh, ja’ngai tak ahi ngal ah; ama lam la ngat kit ua leh ama’nle nang uh lam hun nga kit ding ahi ngalah,” ti’n a thot tau hi.

2 KHANGTHU 6:21

Chuleh, zia mun lam hi la ngat ah, la suakpa leh la mipi Israelte a hung pauchap phat ua leh, a dotnau dawnhu dingin a la ngaitha sek in; van ah la umna kipat in hun dawnhu sek inla, a la ngaitha piak inla, ngaidam sek in.

NEHEMIAH 9:17

la thu nial in, a lak ua la thilbawl mak tak takte khale a la ngaisak puau hi; ahi’n, kihi’ lu’lul in, Aigupta gam ah a suak channau lam ma’n kile’kit a tup tau a. Himaleh, nang chu Pathian ngaidam pei, mi hepi thei, lainatna dim, jaidaw leh chitna hau la hiziak in, amau haw chu la thâthawt puai.

SAM 103:13

Pa’n a chate a lainat gual in, Lalpa‘n ama laute a lainat hi.

SAM 130:4

Himaleh, la kiang ah ngaidamna a um hi, ja um tak ah la umtheina dingin.

SAM 35:10

Ka gu leh châng zosia hin: “Aw Lalpa, nang in migenthei chu, a la’n zaw guallote lak ah kipat in la hukdok in, genthei leh tasamte amau hi’gampa lak ah hukhingpa, nangma gual kua a hem um ngai,” hun ti’n au.

SAM 65:3

Ka thulimlonate chup mang ah ka um lai unle, nang in ka hi’khelna zosiau ei ngaidam ding la hi.

SAM 65:4

La biak In huang sung tual lai ah, um ding ah la têlchuam leh, la ngaisakte chu mi hampha a hiu. La In, la tempul thiangtho phatna ziak ah, hitai in um ing kau.

SAM 71:19

Aw Pathian, la thilhitheina leh, la dikna chun vante a tung hi. Aw Pathian, nangma, thil lopi takte bawlpa; nangma gual hi kua a hem um ngai?

SAM 86:15

Ahi’n, aw Lalpa, nang chu Pathian, lainatna dim leh, mi hepi thei, lungnem, ngilneina leh thu tak ah dim la hi.

SAM 86:5

Aw Lalpa, nang chu la pha’n, ngaidam pei, a ko tapote chung ah, ngilneina hau la hi’ngal a.

SAM 89:6

Vante ah khin Lalpa tawh te’pi thei ding kua a hem um? Van ah umte lak ah Lalpa tawhbang kua a hem um ah,

SAM 89:8

Aw Sepai honte Lalpa Pathian, aw Lalpa, nangma tawhbang ah, hât kua dang a um em? La ginumnate chun a hun hual kîmvêl hi.

PAWTDAWNA THU 15:11

“Aw Lalpa, kua a hem pathiante lak ah, nang tawh te’thei ding? Kua a hem nangma gual ah thianthona ah lopi, choihoina lam ah lau um leh, thilmakte bawl?

PAWTDAWNA THU 34:9

Chuleh a kiang in, “Tu’hin la mittung ka hi chun aw Lalpa, ka ni la hi: Ka Lalpa ka lak un lungsiat tak in ei kitonpi in aw; mi lu’lul tak himaleng uh le, ka gitlo nau leh bawl khialnateu ei ngaidam inla, la gochan dingin ei la’n,” a tia,

ISAI 1:18

Lalpa‘n, “Tu’hin hung unla, ngaitua khawm hitiu, la gitlonateu chu puan sandup gual in um maleh, vûk gual in vâm in a; santhîp ziang ta maleh, samul vâm gual hung hi’n a.

ISAI 33:24

Chun, a gam sung ah chêng kuama’n, “Ka dam puai,” ti ngai ta pua’n tin; zia khua chêngte chu a bawsiatnau ngaidam hita’n au.

ISAI 38:17

Zia gual ah haksatna ka tuak chu, kei â dingin thil pha ahi ngei hi. Ka gitlona zosia la nung lam ah la pai mang tâk ziakin, siatna khûk ah lut lo dingin, ka hinna la nungkai kit tai.

ISAI 40:18

Pathian chu kua tawh la te’ a, ahiloleh, bang lim tawh a kipua em?

ISAI 40:25

Kua tawh lei têpi diam uh? Kua a hem ka kibatpi? Mi Thiangthopa chun a tii.

ISAI 43:25

Kei, Keima ngei hin, ka min ziakin la bawlkhialnate ka thai mang ah, la gitlonate chu hezing talo ding ka hi.

ISAI 44:22

La hi’khelnateu chu sûmpi gual in ka mût mang ta’n, la gitlona chu phâisûm gual in ka mûtthial tai; ka kiang lam ah hung kit unla, ka hun hukdok ta’ngal a.

ISAI 55:7

mi nunsia chun a siatna lampi chu haisan hen la, mi diklo chun a ngaituana phalo haisan ta hen; Lalpa lam ah hung kile’kit hen, a chung ah ja’ngai in a. I Pathian kiang lam un hung kit uh hen, ama’n a la ngaidam ma ma ding ahi ngal a.

ISAI 57:10

La vâkvêlna lam un la thau a chawl ta’n, ahi’n la, “A thawn bep ahi,” la ti nuam nai diak puau hi. La thatnopnau a chokphûl un, la tha chawl lam uh le la hepuau hi.

ISAI 57:16

A kum a khua’n hun mawsak zing pua’ng ka tin, la chung inle lungna zing diak pua’ng ka; achutiloleh, ka ma-âng in thagau leh, a hinnau ka siam piak nasan chu, basam zo mai ding ahi ngal in.

ISAI 62:5

Tangval in nungakthiangtho a kichenpi gual in, la chateu in hun kichenpi intiu in, mo neitu monu chung ah a lungdam ma ma gual in, la Pathian uh la chung un kipak ma ma ta’n a.

ISAI 64:9

Aw Lalpa, lungna talua kin la, ka khawlonau chu hezing ziang kin. Ngai inla, ngaitua tiam in, ka leng un la mipite ka hiu.

ISAI 65:19

Jerusalem chung ah kipak ta’ng ka tin, ka mipite chung inle lim ta’ng ka; a sung ah chun kâ thawm leh, thavai kiko thawm het hita pua’n a.

JEREMIAH 3:12

Chia inla, mallam in zia gual hin vapuang jak in a tii: Ginumlo Israel hung kile’kit in, Lalpa‘n a tii. Ka lungnatna mêl in hun en pua’ng ka, lainatna dim ka hi’ngal a, Lalpa‘n a tii; kumkhua’n lungna ta pua’ng ka.

JEREMIAH 3:5

lungna kumkhua ding leh, a tawp tiang ah lungna den ding la hem? la tiu a. Zia gual ah chun la gen zo ta’n, himaleh, thil phalo la bawl thei zosia chu, la bawl zo ta’ngal a.

JEREMIAH 31:20

Ephraim chu ka chapa dawi tak hilo a hem? Ka kipakna chu hilo a hem? Ama demna thu ka gen daw si’n leh, ama ka hezing hi. Ama ziakin ka lungthim a na ma ma hi; matheilo in a chung ah jaidaw ing ka, Lalpa‘n a tii.

JEREMIAH 31:34

Chuleh, kuama’n, “Lalpa chu he ta’n,” ti’n kihil ta pua’n au; a lian pen ah kipat a neu pen tiang in, a leng un ei hesuak ta ding ahi ngâl un, Lalpa‘n a tii; chuleh, a khawlonau chu ngaidam in, a gitlonau chu hezing talo ding ka hi.

JEREMIAH 32:41

Amau â ding ah thilpha bawl chu ka lung lam hita’n a; tichun, zia gam ah hin ka lungthim leh ngaituana zosia tawh, ginumna’n phudet ta’ng ka.

JEREMIAH 33:8

Ka chung ah thil gilo bawl ah a buakna zosiau sil thiang ing ka tin, ka chung ah a thil gilo bawl leh a helnau zosia ngaidam ta’ng ka.

JEREMIAH 38:8

lengpa Insung ah kipat Ebed-melek hung taidok in, lengpa kiang in zia gual hin a hung gen a:

JEREMIAH 50:20

Zia ni phat chuleh, Israelte thulimlo’na chu hawl intiu in; ahi’n la, mu zaw hita pua’n tin; Judah gitlona hawl maleu mu zaw hita pua’n ah, a um nalai sun ding ah ka hawite chu ngaidam ding ka hi tai, Lalpa‘n a tii.

JEREMIAH 9:24

a suang nuam tapo in, Keima Lalpa hi, ngilneinate, vaihawm diknate, felnate leh zia lei chung ah mang sek ka hi ti ei hiatthiamnau chu suang zaw tau hen; zia chu ka lung lam ahi ngal ah, Lalpa‘n a tii.

EZEKIEL 18:23

Lalpa Pathian in, “Migilo in a nunchan haisan ah a hin sâng in, migilo chu a gitlona ziakin thi leh kipak zaw dingin lei ngai ua a hem?” a ti’ngal a.

EZEKIEL 33:11

A kiang un, Lalpa Pathian in kihaksial hial in, Migilo thi’na chun ka kipak puai; himaleh, migilote chun a umdan uh kiheisan uh hen la, hing leh dam in um leu ka ti ahi; hung kihei kit un, la umdan phaloteu nusia in hung kihei kit tau in; aw Israelte haw, bang ding ah thi mai ding la hiu em?

EZEKIEL 33:16

A thil bawlkhialteu khat chale hetzing hita pua’n ah; a dik leh a thiang in a tawi tau ah, a hin ngei ngei diu ahi.

DANIAL 9:9

Lalpa I Pathian uh vang ja’ngaina dim leh ngaidam zo zing ahi; ama chung in a la hel tamaleu hin,

HOSEA 14:2

Thupha chawi in hung kile’kit inla, Lalpa kiang in: “Ka mawnau zosia lamang inla, a pha taphot chu pom inla; tichun, ka mûk gateu chu thillat in hun pia ta’ng kau.

HOSEA 14:5

Israelte â dingin jan daitui gual hi’ng ka tin; lili gual in hung pâk lûn intiu in; Lebanon gammâng thing gual in zung khaw in au.

JOEL 2:32

Tichun, Lalpa min lam taphot chu hukhin in um in au; Lalpa‘n a gen gual khan, Zion tâng leh Jerusalem ah chun a suakcha sunte um intiu in; zia a suakchate lakah chun Lalpa‘n a kote chu um in au.

AMOS 1:11

Lalpa‘n zia gual hin a gen hi: Edom bawsiatna pathumte ziak leh palite ziakin, a chung ua gawtna ding chu lamang pua’ng ka; ama’n a suapi chemjam in a del in; lainatna zosia haisan ah, a lungnatna vop zing in, a thangtawmna a vop zing ziakin.

AMOS 7:8

Lalpa‘n ka kiang in, “Amos, bang la mu em?” ei hun ti’n. Keima’n, “Ettuakna,” ka ti’n. Ziaphatchun, Lalpa‘n: “Ngai in, ka mi Israelte lak in ettuakna koi ding ka hi; a chung ua gawtna tung ding chu lamang kit ta pua’ng ka tin;

AMOS 8:2

Ama’n, ka kiang in, “Amos, bang la mu em?” ei ti’n. Keima’n, “Nipi theiga bawm khat ka mui,” ka ti’n. Ziaphatchun, Lalpa‘n ka kiang in: Ka mipi Israelte chung in tawpna chu a tung tai; a chung ua gawtna tung ding chu, thul him him ta pua’ng ka.

JONAH 4:2

Lalpa kiang in a pauchap a: “Aw Lalpa, zia thu hi ka gam ua ka um lai ah kha ka gensa hilo a hem? Ziaziak hin ahi, Tarshish lam ah ka la jam mang kha: Nang hi lungsiatna dim Pathian leh ja’ngaina dim, lungna vak ziang lo, hepina danglam lo ah dim, mi gawt lo ding ah kisa zosa la hi ti ka la he ta’ngal a.

MIKAH 2:12

Aw Jakob, la leng un hun pui khawm ngei ngei ing ka tin, Israel um nalai sunte chu hun pui khawm ding ka hi; belam hon a kul ah um khawm gual in, bawng hon hampa mun ah tâ gual in, hun pui khawm ngei ngei ding ka hi; zia ni chuleh, mipi husa chiak veng vung ta’n a.

MIKAH 4:7

A kengbaite chu a um sun dingin hawi ing ka tin, pai mang ah umte chu, nam hat tak hiding in siam kit ing ka; LalpaZion tâng ah kipat in, a chung un tu’ kipat kumtuang tiang in vaihawm ta’n a.

MIKAH 5:3

Ziaziakchun, nauvei nu’n nau a hun hin masang sia chu, amau chu Lalpa’n kiheisan in a; ziaphat chuleh, a chanau la umsun te chu, Israel mite kiang in kile’kit ta’n au.

MIKAH 7:14

Muan umna huan gam lailung ah, gammâng lak ah chang tat la gochan belam hon la mite chu, la khetbûk mang in ching tup inla; masang lai gual ah khan Bashan leh, Gilead ah vâk in um chiat tau hen.

ZEPHANIAH 3:17

La lak ua um Lalpa, la Pathian chu, gâlhat leh zaw’na petu ahi; nangma suang in kipak in lim intin; a hepina’n hun hihat intin; la chung ah kipakna La ngai tak in sa’n a;

KISIMNA LEKHABU 23:21

Jakob chung ah siatna tung ding bangma a bawl pua’n, Israel buaina ding a bawl puai. Lalpa a Pathian un a umpi ah, a lak un a lalna a tâklang zing hi.

LUKA 15:32

Zia la nau hi a thisa hing kit ahi’n, a mangsa kimu kit ahi; ziaziakchun, kipak in limna I bawl ding him uh ahi a tia, ti’n a gen tai.

LUKA 24:47

Ziaphat chuleh, Jerusalem ah kipat in namtin kiang in, gitlona ngaidamna thu leh gitlo haisanna thute ama min in genjak in au;

ROMTE 11:4

Himaleh, Pathian in a hun dawnhuna kha bang a hem? “Baal ma-âng ah khiangkho kha nailo, mi sangsagi ka nei nalai hi,” a ti kha.

DAN LEKHABU 33:26

Aw Jeshurun, nang hung panpi ding ah, vante ah chuang in, chung lam vandum khêl ah, lopi tak ah um Pathian tawh bang dang a um puai.

JAKOB 2:13

Jangaina neilo chu jangaina bei ma’n vaihawm piak hi’n ah; jangaina chun vaihawmna a zo sek hi.

VAIHAWMTE 10:16

Tichun, a lak ua pathian dangte chu paidok in, Lalpa chu a ho tau a; chuleh, ama’nle Israelte genthei tak ah um chu a en zo diak ta puai.