MIKAH 7:14 - PATHIAN LEKHABU THIANGTHO (BSI)

¹⁴ Muan umna huan gam lailung ah, gammâng lak ah chang tat la gochan belam hon la mite chu, la khetbûk mang in ching tup inla; masang lai gual ah khan Bashan leh, Gilead ah vâk in um chiat tau hen.

MIKAH 7:14 ပူးပေါင်းရင်းမြစ်များ

SAM 100:3

Lalpa chu Pathian ahi ti he tau in. Ama chu ei siampa ahi’n, ama â I hiu; a mite leh a gantatna mun ah a belamte chu I hiu.

SAM 143:5

Nidang lai hunte kha ka hezing ah, la thilbawl zosia ka ngaitua in, la khut nasepte ka sût sek hi.

SAM 28:9

Aw, la mite hukhing inla, la gochan chu maljawl ta’n; amau haw ching inla, kumkhua’n kaitua ta’n.

SAM 95:7

Ama I Pathian uh ahi’n, a gantatna mun ah mite leh a belamte I hi’ngal un. Tu’ni bêk ah hin a aw chu a la ngaitha ding hi taleu chin aw!

PAWTDAWNA THU 33:16

Keima leh ka mipite hin lei kitonpi lo ngal leh, la mittung ah um ka hiu ti bangti’n hethei ding ka hiu em? Lei chung zosia ah mihingte leh la mipite hin kikhiakna ka nei sun uh chu, nangma ka kiang ua la hung kilâk sek ziak bep hi hilo a hem?” a ti’n.

SOLOMON LÂ 4:1

Ka hepi, la mêl a pha na lawm lawm e! La vakhu mitte chule la maikhûna’n a lia hi. La sam chule Gilead tâng ah, kêl hon tawh a bang hi.

ISAI 27:13

Chuleh, zia ni phat chuleh, pengkul lian tak chu mût hita’n a. Ziaphat chuleh, Assuria gam ah matsua ah umte leh, Aigupta gam ah nawmang ah um zosia chu hung khawm in, Jerusalem ah tâng Thiangtho ah chun Lalpa hung ho ta’n au.

ISAI 35:2

thupi tak in hung lûn kit intin, kipak tak ah La sa’n lim ta’n a. Lebanon lopina chu, Karmel leh Sharon lalna chu tawh, a kiang ah piak hita’n ah. Lalpa lopina, I Pathian uh lalna chu mu ta’n au.

ISAI 37:24

La suakte mang in Lalpa chu la hosia ta’n: Ka sakol kângtalai tam tak tawh, mual sangte ah ka kaldok in, Lebanon tâng sânna pen tiang ka tung in; a sidar thing sâng pente chu ka phûk pai in, a châk thing îtchâk um cha cha chu ka phûk pai hi; a tângvûm gamla pen tiang ka tung in, a gammâng phatna pente chu ka tung hi.

ISAI 40:11

Belam chingpa’n a belam hon an a piak gual in an a pia’n; belam note a khut in pâi khawm intin, a ângkawm ah pâi in, a belamte chu jaidam takin kaihuai in a.

ISAI 49:10

A gil uh kial ta pua’n tin, a dang uh le châk ta pua’n a; hui lum tak leh nisapi’n kâng pua’n tin, amau lainatpa chun pui intin, luipi luang geijul ah kaibât ta’n a.

ISAI 65:10

Ka mipi, keima ei hawlte ziakin, Sharon chu belam hon tatna gam hung hi’ntin, Akhor Guam chu bawng hon giakna hung hita’n a.

JEREMIAH 49:31

Hung kipan unla, thamuang tak ah chêng, bit kisa ma ma, kul kotkhak le nei lo, kotkhak thikjawl le umlo ah, a chang ah chêng namte chu vado hitiu, Lalpa‘n a tii.

KÂ LATE 1:7

Jerusalem in a lungdon tawp khawk ni hin, masang lai ah a vâkvai lai nite kha a hezing hi. A sung ah mipite a gâlteu khut ah a pûklût phat un, amau panpi ding a um ta pua’n; nuaisia ah a umnau chu a mêlmateu in, musit tak ah nuisan in a en zing ui.

KÂ LATE 5:21

Aw Lalpa, nang â dingin ei tungding kit in, chutileh, tundin kit hibep ing kau; malai gual khan ka niteu siamthak kit in.

EZEKIEL 36:11

la sung ah mihing hileh, gancha hileh hi’pung ta’ng ka. Pung intiu in, ga sua in au; ma lai gual khan la sung ah hun chênsak kit ing ka tin, malai sâng in la chung ah thilpha bawl zaw ta’ng ka.

THIAMPUTE LEKHABU 27:32

Huang ah vul gancha lak ah sawm ah khat ding chu gan chinna mol nuai ah lût ah a sawm tinna pen chiat chu Lalpa â ding ah zek thiangtho ahi.

AMOS 9:11

Zia ni chuleh, David bawkcha a la pûk ta chu, tungding kit ing ka tin, a siatnate siampha’ng ka tin, a chipnate lem to ing ka tin, masang lai ah gual khan sapha kit ing ka tin;

OBADIAH 1:19

Negeb ah umte chun Esau tâng chu, lua ta’n tiu in, Shephelah mun ah umte chun, Philistinte gam chu lua intiu in, Ephraim leh Samaria gam zosia chule chang ta’n au; Benjamin in Gilead gam lua ta’n a.

MIKAH 5:4

Lalpa hatna ziak leh Lalpa a Pathian min lopina ziakin, hung dingdok in, a gan-gualte chu vâk ta’n a. Amau chu bit tak ah chêng in, kawl kîmvêl tiang chan pha’n a lopi pen hita’n au.

ZEPHANIAH 3:13

Israelte lakah a um sun hita’n au; amau chun thil phalo bawl pua’n tiu in, zuau gen pua’n tiu in, a kam un thepna thu le pawt him him pua’n a. Ziaphat chuleh, ne vâ in, lum intiu in, kuama’n sulau ta pua’n au.

ZEKARIAH 10:10

Aigupta gam ah kipat in a In lam uh, pui tung kit ing ka tin, Assuria gam ah kipat in pui khawm ing ka; Gilead gam leh Lebanon munte’n, a dawl lo ding khop un hun pui khawm ding ka hi.

ZEKARIAH 11:7

Chutichun, belam thalup ding ah umte zuakpa thasâng in, belamchingtu in pang ing ka. Tiangpum pani ka la’n: khat chu, Doisakna ka sak ah, a dang khat chu, Kipumkhatna ka sak ah; zia gual ah chun gan-gual chu ka ching ta ahi.

MALAKI 3:4

Ziaphat chuleh, masang lai gual ah khan Judah leh Jerusalem ah mite thillat chu Lalpa‘n pom piak ta’n a.

KISIMNA LEKHABU 23:9

Tângvûm ah kipat in ama chu ka mu ta’n; tânggam ah kipat in ka he tai; kuama khoithei lo ding mipi a hiu ah, amau ngen ah chêng, nam dang gual a hilo dân uh kihechiante a hiu!

KISIMNA LEKHABU 32:1

Chun, Reuben chate leh Gad chate chun gancha a hau ta ma mau ah. Jazer gam leh Gilead gamte chu a mu phât un, ganchate â ding ah gampha ma ma ahi ti a he tau a;

KISIMNA LEKHABU 32:4

Lalpa chun Israel mipite mit mu ah a himangna gamte hi, gan vulna ding chi ahi’n; chuleh, la suakte, kei uh hin gancha ka hau un,” ti in.

MATTHAI 2:6

‘Aw, nang Judai gam ah Beth-lehem khua, Judai gam ah thuneite lak in neupen pua’n la; la sung ah kipat in vaihawmpa hung pawt ding ahi ngal in, ka mi Israelte chingpa ding chu,’ ti hi,” a tiu a.

JOHAN 17:16

Keima khawvel ah mi ka hi’lo gual ma hin, amau hawle khawvel ah mi a hita puau hi.

DAN LEKHABU 33:28

Tichun, Israel chu bit tak in um intin, kuama sukbuailona mun ah, Jakob chênna mun chu, bu leh uain tamna gam, van daichîm in a chapnona mun chu ahi.