MIKAH 6:9 - PATHIAN LEKHABU THIANGTHO (BSI)

⁹ Lalpa’n khawpi chu a hun ko hen: (la min ki’châk chu pilna dik ahi;) Aw phung tin leh khawpi ah mipite haw, hiau in!

MIKAH 6:9 ပူးပေါင်းရင်းမြစ်များ

2 SAMUEL 21:1

David hun lai ah chun kum thum sung a kizom in kial a hung tung ta’n; tichun, David in Lalpa a dong a. Lalpa‘n a kiang in, “Saul in Gibeon mite a thalup ziakin, ama leh a Inkuante’n thisan maw a puau hi,” ti’n a hun dawnhu a.

JOB LEKHABU 10:2

Pathian kiang in, ei awimaw kin la, lei kinakpina ziak ei hil in, ti’ng ka.

JOB LEKHABU 23:14

Kei â ding ah a guat tapo chu, bawl zo ding ahi’n; zia tawhbang chu a dang tam tak le, a ngaituana’n a um hi.

JOB LEKHABU 5:17

Pathian in a thununte chu a hampha nau e! Ziaziakchun, Hat Chungnung Pathian in, a thununna chu ngaitawm ki’hen.

SAM 107:43

Kuale a pil taphot in zia thilte chu ngaituau hen la; Lalpa ngilneina chu gunchu tak in, ngaitua chiat tau hen.

SAM 48:10

Aw Pathian, la min gual ngei in, la pâkna chun kawl kîmvêl tiang a thawng hi. La changlam khut chu gâl zaw’na’n a dim hi.

SAM 83:18

Nangma bep hi Lalpa min pu, leilung zosia chung ah Chungnung pen la hi ti, a hun hettheina ding un.

SAM 9:16

Lalpa chu a kiang un a kihiatsak ta hen, vai a hawm tai; mi nunsiate chu amau khutsuak ah chun a awk tau ahi.

THUPILTE 22:3

Mi pilvâng chun lau umna a la mu lawk in, a kisêl mang sek a; mimawl in vang a khawni ngailo ziakin, a thok khawlaw sek hi.

ISAI 26:11

Aw Lalpa, la khut chu la tha tai, maleh, zia chu a mu puau hi. La mite â ding ah la phatchuam ngaina hun muu hen la, mualpho tau hen. La mêlmate â ding ah meikuang chun, kâng tum ta hen.

ISAI 27:10

Kulbâng ah ki-ûm khawpi chu, nutsia in um intin, chênna munte chu nutsia leh jamsan ah um in, gamthip chang ta’n a. Zia chun bawng no ta hiat hiat ta’n tin, a nop a ning ah kual in, a dua selthakte chu ne gam ta’n au.

ISAI 30:27

Ngai un, Lalpa thilhitheina chu a lungnatna kuang tawh, meikhu kitung luai luai kawm in gamla tak ah kipat in a hung hi; a mûkte chu lungnatna’n a dim in, a lei chu mi kângmang ziang thei mei gual ahi.

ISAI 66:6

Ngai un, khawpi sung ah kipat in kiko thawm a so veng vung hi! Tempul ah kipat in aw a gii! Lalpa‘n a mêlmate a thukna aw git ahi!

ISAI 9:13

Mite chun amau vaw’pa lam chu a nga nuam nai diak puau a; sepai honte Lalpa lam chule a hawl nuam diak puau hi.

JEREMIAH 26:18

“Moreseth khua jawlnei Mikah in, Judai gam ah Lengpa Hezekiah dam lai in thu a gen a, Judai gam ah mipi zosiate kiang in: ‘Sepai honte Lalpa‘n zia gual hin thu a gen hi,’ a ti’n: ‘Zion chu lou gual ah kai hi’n a; Jerusalem khua chu ki’dak kipaikhawm vûm gual hi’ntin, tempul umna tâng le gammâng hung suak in a,’ ti in,” a tia.

JEREMIAH 26:6

ziaphat chuleh, zia In hi Shilloh gual in siam ing ka tin, zia khawpi hi lei chung nam zosiate hânsia dong in siam ding ka hi, ti in.

JEREMIAH 47:7

Lalpa‘n a sep ding ah thu a piak ngal leh, bangti’n um thim mai mai thei ding a hem? Ashkelon leh tuisuagiat pang ah gamte, do ding ah a guat ahi ngal a.

EZEKIEL 7:9

Ka mit in hun hawi pua’n tin, hun daidawp pua’ng ka. La umdan dungzui un hun gawt ding ka hi’n, la ki’dak umnau la chung un a umzing ngal a. Ziaphat chuleh, a hun bawl genthei chu, keima Lalpa ka hi ti hun he ta’n lau.

HOSEA 13:16

Samaria chun a gitlona maw kipuak intin, a Pathian chung in a hel ta’ngal a; chemjam ah satlup hi’ntin, a chasenteu chu jeptel in um intiu in, numei nauvop laite chu phildok hi’n au.

HOSEA 14:9

Mipil taphot chun ziate hi hechian tau hen; hiatthiamna nei taphot in zia chu he tau hen. Lalpa lampite chu a dik in, mi dikte’n zia chu a haw un; himaleh, bawlsiate vang, zia chun a kipal pûk sek ui.

AMOS 2:5

Ziaziakchun, Judah chung ah mei sawl ing ka tin, Jerusalem kulpite chu kâng tum in a.

AMOS 6:1

Zion ah kinoptel ah, Samaria tâng ah bit kisate, nam zosia lakah a pakhatna kingaite lak ah miliante, Israel Inkuan in a bêlteu haw, la chung uh a gik hi!

MIKAH 3:12

Ziaziakchun, nangma ziakin Zion chu, lou gual ah kaibuat in hung um in a; Jerusalem chu ki’dak buaksia paikhawmna mun hung hi’ntin, tempul umna mual chule gammâng thingbuk lak hung suak in a.

MIKAH 6:10

Midik lo in a diklona gobawmte leh, a te’na ki’dak umte chu hemil thei ding ka hem?

MIKAH 6:8

Aw mihing, a pha kiti chu a hun hil tai; Lalpa’n nangma a hun phûtna chu, dik tak ah bawl leh lungsiatna ngainat ah, thunuaigol tak ah la Pathian tawh kiton hilo a hem?

ZEPHANIAH 3:2

Kuama thu a mang pua’n, kuama hilna thu a ngai puai. Lalpa ah ginna a nga pua’n, a Pathian a nai puai.

THUPUAN 3:19

Ka lungsiatte chu ka gai sek ah, ka thunun sek hi; ziaziakchun, phatchuamngai inla, la lung hun hei ta’n.