MIKAH 6:8 - PATHIAN LEKHABU THIANGTHO (BSI)

⁸ Aw mihing, a pha kiti chu a hun hil tai; Lalpa’n nangma a hun phûtna chu, dik tak ah bawl leh lungsiatna ngainat ah, thunuaigol tak ah la Pathian tawh kiton hilo a hem?

MIKAH 6:8 ပူးပေါင်းရင်းမြစ်များ

THILSIAM THU 18:19

Lalpa lampi a hawtheina ding un, a nung ah a chate leh a Inkuante, thil dik tak ah hiding leh, vaihawm gual ah um ding ah thu a piak theina dingin ama chu ka guat ta’ngal in; a chungchâng thu Lalpa’n a gen chu Abraham chung ah a tunsak theina dingin,” a ti’n.

THILSIAM THU 5:22

Mathuselah a nei nung in Enok chu kum za thum sung Pathian tawh a kivop zing nalai un; chun, chapa leh chanu dang dang le a nei nalai hi.

2 KHANGTHU 30:11

Asher, Manasseh leh Zebulun mite lak ah mi tawmcha bep chu kingaitawm tak in Jerusalem khua’n a hung tau a.

2 KHANGTHU 32:26

Ziaphatchun, Hezekiah in a chapona lungthim chu hun kheniam in, Lalpa lungnatna chu Hezekiah dam sung ah Jerusalem khua chêngte leh ama chung ah chu lo dingin a hung kingainiam tai.

2 KHANGTHU 33:19

A pauchapna, Pathian in a thildot a dawnhu dan, a gitlona zosia leh a ginum lo dante, a thoimual siamna munte, dawikhuam a bawlte leh a milim siamte leh a kingainiam ma’ a thilbawl zosia chu, thiamgau in a thil tepte’na lekhabu chun a la zik lut suak ta ahi.

2 KHANGTHU 33:23

A pa Manasseh a la kingainiam gual ah umlo in, Amon chu Lalpa âng in a kingainiam nuam pua’n; zia Amon hin vang thil a bawlsual lian zaw deu deu hi.

2 KHANGTHU 34:27

zia mun thu leh a sung ah chêngte chung thu kigen haw la het ah, Pathian âng ah kisik leh kingainiam tak ah la umna ziakin, ka ma-âng ah la puante botthêk ah, la hung kâ tâk ziakin, ke’nle la ni’na chu ka la ngaitha tai, Lalpa‘n a tii.

NEHEMIAH 9:13

Sinai tâng ah khan van ah kipat in la hung kum suk ah; tichun, a kiang un thu la gen ah; chuleh, vaihawmna dan leh ki-etkolna dan dik takte leh thuguat leh thupiak pha takte chule la pia ahi kha;

SAM 101:1

Ginumna leh dikna thu la’n sa’ng ka tin; aw Lalpa, nangma pâk in La sa’ng ka.

SAM 112:4

Mi dikte â ding ah vâk hi dingin, thim lak ah kipat in a hung suakdok a; amau chu mi lungsiat thiam, jainem leh dik a hiu.

SAM 112:9

Huangphal tak in a hawm jak un, gentheite kiang in a piau a; a diknau chun kumtuang dai in a; a lopinau chu ja’um tak ah choisa’n in um in a.

SAM 37:26

Huangphal tak in a piau in, a thunglâksak un; a suanteu le maljawlna a hisek ui.

SAM 73:28

Kei â dingin vang, Pathian nai ah um hi a pha ahi; Lalpa Pathian chu kihumbitna’n ka mang hi, la thilbawl zosia chu ka gensawn theina dingin.

THUPILTE 21:3

Dikna leh thutakna chu, Lalpa‘n kithoina sâng in pom tâk a sa zawi.

THUGENTU 12:13

A bawn ah thu khâkna chu ngaitha’i tiu: Pathian chu lau inla, a thupiak vop zing in; zia chu mitin hi’ ding ah poimaw pen ahi ngal a.

ISAI 56:1

Lalpa chun zia gual hin a gen a: Thu dik in vaihawm unla, dik tak in bawl un; ka hukdamna chu hung tung pai ta’n tin, ka hukdawna chule hung kilang pai ziang ding ahi ngal a.

ISAI 57:15

Mi chungnung, choisa’n ah um leh, kumtuang ah hing zing, a min Thiangtho kiti chun, zia gual hin a gen ta’ngal a: Mun sâng leh thiangtho ah chun ka chêng in, chuleh, mi kingainiamte hinna suhal ding leh, kisik ngawi ngawite lungthim, suhal kit dingin, lunggil ah kingainiamte leh, kisik ngawi ngawite kiang inle ka um hi.

ISAI 66:2

Zia zosia hi ka khut in a bawl ahi, zia gual tho ah chun zia thil zosia hi kei â ahi, Lalpa‘n a tii. Himaleh, kingainiam ah, lungthim ah thasia ngawi ngawi leh, ka thu lau ah kithingte chu ka hawl ahi.

JEREMIAH 22:16

Michaga leh tasamte panpi’n vai a hawm ah, zia chu ama â dingin a pha ngâl a. Zia chu keima ei hetna ziak hilo maw? Lalpa‘n a tii.

JEREMIAH 22:3

Lalpa‘n zia gual hin a gen hi: Dikna leh thu tak in sêm unla, sugentheipa khut ah kipat in suam ah um zosia chu hukdok un. Gam dang mite, nauchagate leh meithâite chung ah thil diklo leh thagum sua’na bawl kiu inla, zia mun ah hin maw’na neilote thisan chu sua kiu in.

JEREMIAH 9:23

Lalpa‘n zia gual hin a gen hi: Mipil chun a pilna suang ki’hen la, mi hat inle a hatna suang diak ki’hen la, mi hausa’n le a hauna chu kisuanpi diak ki’hen;

KÂ LATE 3:26

Min Lalpa hukdamna chu, ngâk hiat hiat leh a pha’i.

EZEKIEL 16:63

la thilbawl dan zosia ka ngaidam phat leh, la het zing ziak ah la zachat man ah bangma gen ding neilo in, la kam ka hawm ziang ding la hi, Lalpa Pathian in a ti ahi.

EZEKIEL 33:14

Chuleh, migilo kiang in, “Thi ngei ding la hi,” ti ah ka gensa himaleh, a gitlonau a haisan ua, a dik leh a thiang a bawl ua,

DANIAL 4:37

Tichun, keima Nebukadnezar in van ah Lalpa chu pâk ah, chawihoi in ja’na ka pia tai: “A thilbawlte chu a dik in, a lampite le vaihawmna dik ahi ngal a; chuleh, kisathei tak ah umte chu a hi’niam thei hi,” ka ti tai.

HOSEA 12:6

Nang uh vang la Pathian lam un kile’kit unla, hepina leh vaihawmna dik tuchak unla, la Pathian uh chu ngak zing un.

HOSEA 6:6

Kithoina hilo in ja’ngaina ka dawi in; hâlmang thilpiakte sâng in, Pathian hetna chu ka doi zaw ngal a.

THIAMPUTE LEKHABU 26:41

ke’nle amau ka la do zing ah, a mêlmateu gam ah ka la puinateu, chuti nung ah le a lungthim bil viloteu a khiak niam ua, a gitlonateu ziak ah ka gawtnate a hetthiam phat ua leh,

AMOS 5:24

Ahi’n, vaihawmna dik tui gual in luansak unla; diktatna chu lui tui luang let gual in.

MIKAH 6:9

Lalpa’n khawpi chu a hun ko hen: (la min ki’châk chu pilna dik ahi;) Aw phung tin leh khawpi ah mipite haw, hiau in!

ZEPHANIAH 2:3

Gam sung ah mi kingaitawm ah, a thupiakte zui tapo in Lalpa hawl tau in; diktat un la kingaitawmna hawl tau in; Lalpa lungnatna ni ah sêl gûk ah la um thei khâk leh.

ZEKARIAH 7:9

Sepai honte Lalpa‘n zia gual hin a gen hi: “Thudik in vaihawm unla, ja’ngaina leh lainatna’n kikhomtua chiat unla;

MATTHAI 5:3

Thagau ah tasam ahi lam kihete chu mi hampha a hiu, van-gam chu amau â ahi ngal a.

MATTHAI 5:7

Mi jangai theite chu mi hampha a hiu; khawtua’na mu ding ahi ngal un.

LUKA 10:42

thil khat bep a poimaw hi. Mari’n zia chanpha chu a têl ah, zia chu lâkpiak ding ahi puai,” ti’n a dawnhu a.

LUKA 11:42

Ahi’n, nanghaw Pharisaite haw, la chung uh a gik hi! Pudinate, lokhate leh anche lohingte sawm ah khat la pesek ui; ahi’n, diktatna leh Pathian hepina chu la limsak puau hi, ziate chu ei vei la bawl ding uh; a dangte chule thul diak lo in.

LUKA 12:14

Ama chun a kiang in, “Lawm, la chung ua vaihawm ding leh thil hawm piak dingin kua’n ei guat ah a hem?” a tia.

LUKA 6:36

La pau a jangai gual in nang uh le jangai un.

ROMTE 7:16

Ka hi’nop lo lam ka hi’sek chun, Dan chu a phai ti ah pompi ka hi.

ROMTE 9:20

Himaleh, a dik tak in, aw mihing, Pathian nial chu kua la hia hem? Thilsiam in ama siampa kiang in, “Bang a tia zia gual ah hi lei siam a hem?” tiding a hia hem?

1 KORINTH 7:16

Aw ji, la pawsal la hukhin leh hukhin lo ding la hia a hem? Aw pawsal, la ji la hukhin leh hukhin lo ding la hia a hem?

EPHESA 4:32

Chuleh, kihepi tua ah, kilainatna nei in um unla, Pathian in Khrista ah a hun ngaidam gual in kingaidam tua tau in.

DAN LEKHABU 27:10

Ziaziakchun, Lalpa la Pathian uh thu la ngai ding uh ahi’n; a thupiakte leh a dan thuguatte tu’ni ma ma ah ka hun thupiakte hi la zop ding uh ahi,” a tiu a.

DAN LEKHABU 30:15

En un, tu’ni hin la âng ua hinna leh phat theina, thi’na leh siatna ka koi hi.

KOLOSSA 3:12

Chutichun, Pathian mi têl, mithiangtho leh doitakte gual in lainatna lungthimte, hepinate, kingaitawmnate, thunuaigolnate leh thok-hatnate chun kivan tau in;

2 THESSALONITE 2:16

Tichun, I Lalpa Jesu Khrista ngei leh, Pathian I Pau, ei hepipa leh hepina ziak ah kumtuang ah thamuanna leh kinepna ei pepa chun,

JAKOB 2:20

Nang mingol, nasep neilo ginna chu bangma ei puai, ti la he nuam em?

JOSHUA 24:14

Ziaziakchun, tu’hin Lalpa lau dan thiam unla, titakzet leh dik tak in a na sêm un; la pu leh pateu in Luipi gâl lam leh, Aigupta gam ah a na a sep piak uh pathiante kha paitha sik sek unla, Lalpa na bep sêm tau in.

1 PETER 3:8

A tawp pen in, la leng un lungthim munkhat nei in, kilainattua leh suapite kihepina leh thunuaigolna nei in um un.

1 SAMUEL 12:23

Kei ka hileh chu, nanghaw â ding ah pauchap haisan in Lalpa chung ah gitlo bawl pua’ng ka tin; chuleh, lampi dik leh pha chu hun hil zing ding ka hi.

1 SAMUEL 15:22

Ziaphatchun Samuel in: “Lalpa‘n a thu mat sâng ah, hâlmang thilpiak leh kithoina kipakpi zaw a hem? Ahi’pen chu, kithoina sâng in thumat a phazaw’n, a thu ngaisak chu belamchal thau tak, piak sâng ah le phazaw ma ma ahi.