MIKAH 6:6 - PATHIAN LEKHABU THIANGTHO (BSI)

⁶ Bang tawh ahi diam Lalpa ma ah ka hung ah; Pathian Chungnung pen ma ah chun ka kûn ding? Hâlmang thil latte, bawngno kum khat ah upate tawh a ma-âng ah hung ding ka hi hem?

MIKAH 6:6 ပူးပေါင်းရင်းမြစ်များ

2 SAMUEL 21:3

David in Gibeon mite kiang ah chun, “Bang ka hun bawl piak diam? Lalpa gochante hi la malzawl theina ding un bang gual ah kitatna hun bawl piak ding ka hem?” a tia.

SAM 116:12

Ka chung ah a thilbawl phat zosia ziakin, Lalpa kiang ah bang a hem ka piak thuk ding?

SAM 22:29

A kiang ah chun lei ah ipmu tasa zosia khiangkho in au; leivui a la suak ta sa zosia a âng ah khiangkho intiu in, kei vang ama â dingin hing ing ka.

SAM 95:2

Kipak thu gen kawm in a ma ah chun, chia khawm hitiu in; ama chawihoi ah pâkna La sa’n, lim tak in aw sua hitiu!

SAM 95:6

Aw hung unla, a ma-âng ah bokkhup in ho hitiu, Lalpa ei Siampa ma ah hin khiangkho hitiu!

PAWTDAWNA THU 12:5

La belam tha diu chu demna umlo, a chaltuai, kum khat mi bep hi hen: belam hon lak leh kêl hon lakah kipat in la la’thei hi.

PAWTDAWNA THU 23:15

Thawipanglo Kût la bawl diu ahi: a hunbî ding ah ka guatna Abib tha leh, thu ka hun piak gual in ni sagi thawipanglo vaithum la nêk diu ahi: zia tha hin Aigupta gam ah kipat hung pawtdok la hiziak un. Kuama khutngawn in ka kiang ah a hung kilat lo ding uh ahi.

THUPILTE 15:8

Mi nunsia kithoina chu Lalpa ki’dak lam tak ahi’n; mi lamzang pauchapna vang, a kipakna lam tak ahi.

THUPILTE 21:3

Dikna leh thutakna chu, Lalpa‘n kithoina sâng in pom tâk a sa zawi.

ISAI 40:16

Lebanon tânggam ah thing in, a mâichâm thing ding dai pua’n tin, a gam ah gancha umte’n le, hâlmang kithoina ding dai zo pua’n au.

JEREMIAH 6:20

Sheba ah kipat begaw a hun puau a, gamla tak ah kipat kêlzu thum tak a hun puak uh haw hi; kei â dingin bang ah pang ding a hem? La hâlmang thilpiakteu pom tâk a hipua’n, la kithoinateu le kipak um ahi diak puai.

EZEKIEL 46:9

Gam sung ah mipite chu, kût ni kiguat dungzui ah Lalpa ho ding ah a hung phat uh leh, mallam kotpi lûtte chu simlam kotpi’ a pawt diu ahi; chuleh, simlam kotpi lûtte chu mallam kotpi’ a pawt diu ahi; kuama a hung lûtnau kotpi’ chu a pawtkit lo ding uh ahi; mitin ama zawn chiat un a chia theng ngal diu ahi.

DANIAL 3:26

Nebukadnezar in meipi kuang lûtna kotkhak chu a nai phei ah, “Chungnung pen ah Pathian nasêmte Sadrak, Meshak leh Abednego hung pawt un! Zia hin hungdok un!” ti’n a ko a. Tichun, Sadrak, Meshak leh Abednegote chu meipi kuang lakah kipat chun a hung pawtdok tau a.

DANIAL 4:9

“Aw Belteshazzar, mitvaidawi thiamte hotupa, nangma ah chun pathiante thagau thiangtho a chêng hi ti ka hia’n, nang â dingin thugûk hetdaw haksa a um puai. Ka mang hi ngai inla, ei hilchian piak ngal in:

DANIAL 5:18

Aw lengpa, Chungnung pen ah Pathian in, la pa Nebukadnezar kiang in lalna, thupi’na, minthanna leh ja’umna a la pia’i.

DANIAL 5:21

Mihing lak ah nawdaw ah um in, ganchate ngaituana lungthim piak in a um tai. Chungnung pen ah Pathian in mihingte lenggam chung in vai a hawm in, a nop nop a tungding sek hi, ti a hun hetdaw masangsia, gam sabiltungte tawh kipawl in, bawngchal gual in hampa’n a kivak tai.

HOSEA 5:6

Lalpa hawl dingin a belam honteu leh, a bawng honteu tawh chia intiu in, himaleh, mu zo pua’n au; amau a kilepdok san ta’ngal a.

AMOS 5:22

Hâlmang thillat leh thâi thillatte hun lân maleu chin, a la pom lo ding ka hi; la chamna thillat uh gancha thau tak takte chule, hun ngaisak diak pua’ng ka.

MATTHAI 19:16

Mi pakhat a kiang in a hung ah, “Hotupa, kumtuang hinna ka nei theina dingin bang thilpha ka bawl diam?” ti’n a hung dong a.

MARKA 12:33

ama chu lunggil zosia, hetthiamna zosia, thagau zosia leh hatna zosia ah hepi ah, eima kihepi gual ah vêngte hepi chu hâlmang thillat leh kithoina sâng inle a thupi zaw ma ma hi, ti la gen dik hi,” a tia.

MARKA 5:7

“Tichun, aw ngai tak in a hung kiko a; Jesu, Chungnung pen Pathian Chapa, bang ei law ding ah hung la hem? Ei sawisa lo ham ham dingin Pathian min in ka don la hi,” a tia.

LUKA 10:25

Zia lai tak ah chun, danthiam mi pakhat a hung dingdok a, ama patepna dingin, “Hotupa, kumtuang hinna ka neitheina dingin bang ka bawl diam?” ti’n a hun dong a.

JOHAN 6:26

Jesu’n a dawnhu a, “Titakzet in ka hil la hiu, thilmakte la mu ziak ua ei hawl la hipuau in, vaithum la nekvâ ziak ua ei hawl la hizawu hi;

NASEPTE 16:17

Zia nu chun Paul leh kei uh chu ei hun zui ah, “Zia mite hi Chungnungpen Pathian nasemte a hiu in, eimau kiang ah hukdamna lampi ei kawkmu ding ah hung a hiu hi,” ti’n a hung kiko zui pek a.

NASEPTE 16:30

Amau chu a puidok ah, a kiang ua chun, “Pute haw, hukdam ah ka um theina dingin bang ka hi diam?” ti’n a dong tai.

NASEPTE 2:37

Zia thute chu a het phat un, a lung uh chu a kisun gual a hung hi ta’n; Peter leh sawlchâk dangte kiang ah chun, “Suapite haw, bangti ding ka hitau em?” a hun tiu a.

EPHESA 3:14

Ziaziakchun, Pa ma-âng ah chun ka khupdin sek ahi;

HEBRAITE 10:11

Thiampu zosia’n nisi’n leh na sêm in, gitlonate lamang theilo kithoina chu lân in a ding zing ui.

1 SAMUEL 15:22

Ziaphatchun Samuel in: “Lalpa‘n a thu mat sâng ah, hâlmang thilpiak leh kithoina kipakpi zaw a hem? Ahi’pen chu, kithoina sâng in thumat a phazaw’n, a thu ngaisak chu belamchal thau tak, piak sâng ah le phazaw ma ma ahi.