MIKAH 6:5 - PATHIAN LEKHABU THIANGTHO (BSI)

⁵ Aw ka mite haw, Lalpa’n a hun hukdaw’na ding ah, a thil bawlte kha la hiattheina ding un, Moab leh Balak thuguat leh Beor chapa Balaam dawnhu dante, Shittim tâng ah kipat Gilgal tiang ah thil umdante kha, tu’hin hezing tau in.

MIKAH 6:5 ပူးပေါင်းရင်းမြစ်များ

SAM 111:4

A thilbawl danglamte ziakin minthanna a law in; Lalpa chu hepina leh lainatna dim ahi.

SAM 143:11

Aw Lalpa, la min ziakin ka hinna vêngbit in. La dikna ziakin ka hinna, lungjinna lak ah kipat in puidok in.

SAM 36:10

Aw, nangma hun hete chung in, la ngilneina latsak pek inla; lungthim dik tak pute chung in, la hukdamna latsak pek in!

SAM 71:19

Aw Pathian, la thilhitheina leh, la dikna chun vante a tung hi. Aw Pathian, nangma, thil lopi takte bawlpa; nangma gual hi kua a hem um ngai?

ISAI 1:27

Vaihawmna dik ziakin Zion chu hukdaw in um intin, chuleh, a sung ah chun a gitlonau haisan ah lungheite chu, dikna hukdaw in um in au.

KISIMNA LEKHABU 22:41

A jing ah chun Balak in Balaam chu pui in, Bamoth-baal ah chun a chiatopi ta’n; zia’ kipat chun Israel mipi a hun nai lam deute chu vak gâl mu phâk ahi.

KISIMNA LEKHABU 23:27

Tichun, Balak in Balaam kiang in, “Tu’hin ei hun zui inla, mun chuam khat ah chia hi ti. Zia kipat chun amau hânsia lei law piak Lalpa‘n a hun phal piak khâk leh,” a ti’n.

KISIMNA LEKHABU 25:1

Israelte Shittim mun ah a châm sung un, Moab numeite tawh a hung thanghuai kha tau a.

KISIMNA LEKHABU 25:2

Zia kipat chun, a pathian kiang ua kithoina mun po in a chial un; mipite chun a pathian uh ho ah bok khup in, a kithoina sateu a vanêkpi tau a.

KISIMNA LEKHABU 31:16

Balaam thuhilna dungzui in, zia numeite haw ziak ah hin Israelte chun Peor chungchâng ah khan Lalpa jakda lam tak ah sual a la bawl uh khan, Lalpa mipite chung ah thi’na hisia a la tung ahi.

KISIMNA LEKHABU 31:8

Midiante tam tak a thalup bân un, Midiante lal panga a thalupteu chu: Evi, Rekem, Zur, Hur tawh Reba a hiu ah; chuleh, Beor chapa Balaam le chemjam in a satlum tau a.

KISIMNA LEKHABU 33:49

Jordan lui pang ah Beth-Jeshimoth ah kipat Moab phâicham Abel-shittim tiang in a giak malam pek ui.

EPHESA 2:11

Ziaziakchun, malai ah nanghaw taksa dan ah Jentel ah piang, taksa khut ah “Zektan,” kititen, “Zektanlo,” a la titeu haw:

DAN LEKHABU 16:3

Zia sa chu thawi tawh la nêk khawm lo ding uh ahi. Aigupta gam ah kipat kin tak ah la pawt daw niu chu la dam sungsiau ah la het zing theina ding un, thawipanglo, kihigimna an chu ni sagi sung la nêk ding uh ahi.

DAN LEKHABU 23:6

La damsung siau amau phatna ding leh khantona ding uh bangma la bawl lo ding uh ahi.

DAN LEKHABU 8:18

Lalpa la Pathian uh hezing un; tu’ni a hun bawl piak gual hin, la pu leh pateu kiang ah a la kikam tiamna thuthung namdetna dingin, hausakna go leh gamte lakkhawm theina a hun pia ahi zaw ngâl a.

DAN LEKHABU 8:2

A thupiakte zawm ding la hiu em zawm lo ding ti leh, la lungthim uh hetna ding ah patepna la tuak uh leh, la kingaitawm theina ding ua, gamthip ah kum sawmli hial a hun pui dan zosia kha hezing tau in.

DAN LEKHABU 9:7

Gamthip ah Lalpa la Pathian uh bang gual tuk ah a la hi’lungna la hiu em ti hezing unla; Aigupta gam ah kipat la hung pawt daw ua kipat, tu’ni zia tak mun la hung tun tiang ua Lalpa chung ah hel zing nalai la hiu hi.

JOSHUA 2:1

Ziaphatchun, Nun chapa Joshua’n, Shittim ah kipat in a gûk in mi pani a sawl ah, a kiang un, “Chia unla, a gam pha tak in vaen unla, a diak in Jeriko khawpi chu vaenchian un,” a tia. Tichun a chiau ah, nawchizuak khat, a min Rahab In ah lût in, a giak den tau a.

JOSHUA 3:1

Jingkal matak in Joshua a tho ah, Israelte zosia chu tawh Shittim ah kipat in a kitawldok tau ah. Jordan lui a gâl kâi masang un a giak tau a.

JOSHUA 4:19

Mipite chu dam tak in, tha khatna a ni sawm tin ni chun, Jordan lui a gâl kâi tau a; tichun, Jeriko sua lam ah Gilgal ah chun a giak tau hi.

2 PETER 2:15

Bosor chapa Balaam, diklo tak sum thangaipa lampi chu a haw tâk ziak un, lam dik pêtmangsan in a vâk mang tau hi.

1 JOHAN 1:9

I gitlonau thupha I choi uh chun, I gitlonateu ngaidam ding leh, I dik lona zosiau silthiang dingin ama chu a ginum in a dik hi.

JUDA 1:11

A chung uh a gik hi! Kaina lampi a zui un, lawkna del ah Balaam dik lona chun ha’tai in a tai un; Korah helna chun a mangthai khawm tau hi.

THUPUAN 2:14

Himaleh, demna neukhat ka nei hi; la lak ua Balaam thuhilna mang ah, Balak chu Israel chate kipalpâina ding ah milim hona sate ne ding ah, chuleh, thanghuai ding ah zilsakna kha zui la um ui.

VAIHAWMTE 11:25

Tu’hin, nang chu Moab Lengpa, Zippor chapa Balak sâng ah hatzaw leh phazaw la hia hem? Ama khan Israelte a la subuai in, a la kidopi kha ngai em?

VAIHAWMTE 5:11

Tui mun ah thil tumgite’n, Lalpa gualzawna chu a vêl vêl in a gen un; Israelte lak ah lou bawl mite gual zaw’na ngei chu ahi. Lalpa mite chu khawpi kotkhak bul tiang in a chia suk tau hi.

1 SAMUEL 12:7

Ziaziakchun, tu’hin la umna mun chiat un a la um zing un, nanghaw leh la pu leh pateu Lalpa‘n a la hukdaw dante hun hil in, Lalpa âng ah nanghaw hun sûtpi ding ka hi.