MIKAH 6:4 - PATHIAN LEKHABU THIANGTHO (BSI)

⁴ Aigupta gam ah kipat in ka hun puidok la hi’ngal un, suak la hi’nau ah kipat ka hun tatdok la hiu; a hun pui dingin, Mosi, Aron leh Miriam ka hun sawl ta kha.

MIKAH 6:4 ပူးပေါင်းရင်းမြစ်များ

2 SAMUEL 7:23

La mipi Israelte tawhbang kua dang a um em? Lei chung ah kua nam le a Pathian, amau hukdok ding ah pui huai, ama min ding ah kisiam thil lopi leh tizat um takte bawl piak, amau â ding ah nam dangte leh a pathianteu nawdaw piak kua a um ah a hem?

SAM 77:20

Mosi leh Aron khut in la mite chu, belamhon gual in la puidok tai.

PAWTDAWNA THU 12:51

Zia nikhua ma ma chun Lalpa chun Aigupta gam ah kipat in Israelte chu a hon hon in a hun puidok ta ahi.

PAWTDAWNA THU 20:2

Keima hi Lalpa la Pathian uh, Aigupta gam ah la saltânnau In ah kipat hun puidokpa chu ka hi.

PAWTDAWNA THU 3:10

Tichun, hung inla, ka mipi Israelte chu Aigupta gam ah kipat puidok ding ah Pharaoh kiang ah chia dingin nangma hun sawl ding ka hi,” a tia.

PAWTDAWNA THU 4:10

Himaleh, Mosi chun Lalpa kiang in, “Aw ka Lalpa, la suak kiang ah bangma la gen masang inle dan gual lo leh la gen nung ah hinle, kei chu thu genthei lo leh dangawk ka hi,” a tia.

PAWTDAWNA THU 4:16

Ama chun nangma thasâng in mipite kiang ah thu gen intin; ama chu nang â dingin la kam sik in pang intin; chuleh, nang chu ama â dingin Pathian sik hi’n la.

PAWTDAWNA THU 6:27

Amau hi Aigupta lengpa Pharaoh kiang ah Israel mipite chu Aigupta gam ah kipat puidok ding thu vagen ah, Mosi tawh Aron ma ma vachianate kha a hiu hi.

JEREMIAH 32:21

Nang in teptênate, thilmakte, khut hat tak leh bantha jak huaisia tak in la mipi Israelte chu Aigupta gam ah kipat in la la puidok ta’n;

AMOS 2:10

Amorte gam lua dingin Aigupta gam ah kipat in ka hun puidok a, gamthip ah kum sawmli sung ka hun pui hi.

KISIMNA LEKHABU 12:1

Chun, Hazeroth mun ah a um lai un, Miriam tawh Aron in Mosi’n Kush numei khat ji’ a nei ziakin a gensia tau a (ama’n Kush numei chu ji’n a la nei tak tak ahi ngâl a;)

KISIMNA LEKHABU 33:1

Mosi tawh Aron mapuina’n, Israelte chu Aigupta gam ah kipat in sepai hon gual in a hung pawtdok un, a chia dan uh chu zia gual hi ahi:

NASEPTE 7:36

Ama chun Aigupta gam ah kipat, Tuipi San ah te leh kum sawmli gamthip ah a châm sung ua chun, thilmakte leh tepte’nate etsak pek in, a puidok a.

DAN LEKHABU 15:15

Nang hawle Aigupta gam ah suak leh sal tânna kipat, Lalpa la Pathian un a hun tatdaw la hiu ti kha kihe zing tau in;

DAN LEKHABU 24:18

Nang hawle Aigupta gam ah khan suak la la hiu a, Lalpa la Pathian un zia tak mun ah kipat khan a hun tatdaw la hiu kha hezing ta un; ziaziakchun, zia thil hi la bawl ding un thu ka hun piak la hiu.

DAN LEKHABU 4:20

Himaleh, tu’ni hun ah Lalpa golua mite la hi gual ua la hung um theina ding un, ama’n thîk haltuina lak ah kipat, Aiguptate khut ah kipat ngei khan a hun hukdok la hiu kha.

DAN LEKHABU 4:34

Ahiloleh, nam dangte lak ah patepnate, teptênate, thilmakte, kidona ah a khut thahât takte bânjak ah, tizat um tak ah Aiguptate khut ah kipat Lalpa la Pathian un la mit mu ngei ua, ama â ding bîk ah a hun kipui daw gual ah hin, Pathian dang, zia gual bawlthei leh bawl kha hi la he’kha ngai him him awm?

DAN LEKHABU 5:6

Keima hi Lalpa la Pathian uh, Aigupta gam ah suak leh sal ah la tânnau ah kipat hun puidokpa kha ka hi’n;

DAN LEKHABU 7:8

Lalpa‘n a hun hepi ziakin, la pu leh pateu kiang ah a la kipau tiamna thu chu a vop det ziakin, Aigupta lengpa Pharaoh khut ah kipat leh, la suak channau In sung ah kipat hun hi’thiangtho in, Lalpa‘n a khut hât tak in a hun pui daw la hi zawu hi.

DAN LEKHABU 9:26

Lalpa kiang in, “Aw Lalpa Pathian, la lopina la tatdaw, khut hât tak mai ah Aigupta gam ah kipat nangma mite leh la gochan ding ah la puidawte hi’mangthai ziang kin.

1 SAMUEL 12:6

Samuel in mipite kiang ah chun, “Mosi leh Aron a la têldok ah, a pu leh pateu Aigupta gam ah kipat a la puidokpa Lalpa chu ei hiatpitu ahi.