MIKAH 6:2 - PATHIAN LEKHABU THIANGTHO (BSI)

² Mualte haw, Lalpa demna thu hi la ngaitha tau in; nanghaw lei kingaknate haw, ngaitha tau in; Lalpa’n a mite a nial tai. Israelte chule hun nial ding ahi ngal a.

MIKAH 6:2 ပူးပေါင်းရင်းမြစ်များ

2 SAMUEL 22:16

Ziaphatchun, tuisuagiat lampite chu a hung kilang ta’n, Lalpa‘n a nâk hawm ah a hu thâdaw ah, a vauna ziakin, khawvel leilung kingaknate chu suklat ahi tai.

2 SAMUEL 22:8

Ziaphatchun, lei chu a kizial in a kilîng ah; ama lungnat ziakin van kingaknate chu a kithing in, a kilîng tau hi.

SAM 104:5

Leilung a kilînlona ding in a kingakna chung in la lem hi.

THUPILTE 8:29

tuisuagiatte’n a thupiak a bawsiat lona ding ua, gamgite a siam piak lai leh, leilung kingakna ding a la guanggal lai ah khanle, ka la um ta’n;

ISAI 1:18

Lalpa‘n, “Tu’hin hung unla, ngaitua khawm hitiu, la gitlonateu chu puan sandup gual in um maleh, vûk gual in vâm in a; santhîp ziang ta maleh, samul vâm gual hung hi’n a.

ISAI 3:13

Thupi gen dingin Lalpa a kipan tai; a mipite chung thu tan dingin a dingdok hi.

ISAI 43:26

Ei hun hêk inla, thutanna mun ah chia hi ti; la dikna hi’lang dingin, la thiamchanna thu hun gen in.

ISAI 5:3

Tu’hin, nanghaw Jerusalem leh, Judai gam ah chêngte haw, keima leh ka grep huan chung thu hi, ei ngaitua piak tiam un.

JEREMIAH 2:9

Ziaziakchun, ka hun ngaw nalai la hiu, la tu leh chateu tiang in ngaw nalai ding ka hi, Lalpa‘n a tii.

JEREMIAH 25:31

Lalpa‘n nam tinte chung ah lung damlo na a nei ziakin, a kiko husa chun lei kil zosia thawng pha hial in a; mitin chung ah vaihawm di’n a kisa’n, thiamlo chang taphot chu, chemjam in that in a, Lalpa‘n a tii.

JEREMIAH 31:37

Zia gual hin Lalpa‘n a gen hi: Chung lam ah vante khi te’thei a hung hiu ah, lei kingakna nuailamte hile, suidaw sik sek thei ahi ding chun, a thilbawl zosiau ziakin, Israel suan leh pâk zosia chule, pâm pai ding ka hi, Lalpa‘n a tii.

HOSEA 12:2

Lalpa‘n Judah chu maw a chansak hi, Jakob chu a umdan dungzui in gawt intin, a thilbawl dungzui in thuk in a.

HOSEA 12:3

A nu sûl ah kipat khan a u makhel a gua’n, a hung pitin phatin Pathian a buan hi.

HOSEA 4:1

Israel mipite haw, Lalpa thu hi ngai un; zia gam ah chêngte hi, Lalpa‘n thiamlo chansak in a awimaw hi. Zia gam ah hin ginumna leh thutakna a um ta pua’n; Pathian hetna le a um ta puai.

MIKAH 6:1

Lalpabang thu gen ahi em ti ngai hitiu: Kipan inla, mualte kiang in la chungthuu vagen unla, chuleh tângte chun la aw he tau hen.

DAN LEKHABU 32:22

Ka lungnatna chu meikuang gual ah, chawthaw in hung um intin; Sheol mun nuainung pente chule kâng tum in ah; lei leh a sung ah um zosia le kâng tum ta’n tin, Mual leh tâng kingaknate chule a kâng hi.

DAN LEKHABU 4:26

Jordan lui gâl kâi ah, la hun luana ding gam ua kipat hi’mangthai ah um ding la hiu ti ei hiatpitu hi dingin lei leh van ka ko ahi; chêng sawt pua’n la tiu in, mangthai sik sek ding la hiu.