MIKAH 6:12 - PATHIAN LEKHABU THIANGTHO (BSI)

¹² La mi hausateu chu kipawngbawlna’n a dim un, zia chêngte chun a kam un thep hatna lei in zuau thu a gen un.

MIKAH 6:12 ပူးပေါင်းရင်းမြစ်များ

SAM 120:2

“Aw Lalpa, mûk zuauthei te lak leh, mi bummang lei lak ah kipat in ei hukdok in,” ka tin.

SAM 35:20

Kichamna thu him him a gen puau in, zia gam ah um muang hiat hiatte siatna ding, thu phalo ngen a gen ngal un.

SAM 78:36

Ahi’n, a kam un a pâkchau ah, a lei un a kiang ah zuau thu a gen ui.

ISAI 1:23

La lal chapateu chu a huhel zo tau a, guchate lawipha a suak zo tau hi. Mitin in golgûkna a ngainau ah, a thawn ah thil mu a del ui. Nauchaga a ngaisak puau a, meithâite buaina le a ngaisak ta puau hi.

ISAI 3:8

A kamsuak leh a thilbawl dan uh, Lalpa dodâlna leh pâmpaina ngen ahiziak in, Jerusalem chu a kisui ta’n, Judah chu a kipûk tai.

ISAI 5:7

Sepai honte Lalpa grep huan chu, Israel Inkuante a hiu a; doichuam tak ah a phute chu, Judah mite chu a hiu; a lak un vaihawmna dik kineppi ma leng, thisan sua’na ngen a um in; dikna kineppi maleng, thavai kiko thawm het ahi tai!

JEREMIAH 9:8

A Lei uh chu mi kâplupna thalchang gual ahi’n, a kam ua kipat in zuau thu a sêkdok ui. A sunggil un kichanggu zing maleu, a Invêngteu kiang in kam dam in a gen ui.

HOSEA 7:1

Israel sukdam ka guat leh, Ephraim thulimlo’na tawh, Samaria nunsiatna a hung kilang hi; zuauthei tak in a bawl un, gucha’n a phevang in, pawlam ah suammang hawn a suam kit ui.

HOSEA 7:13

Ka kiang ah kipat a vâk mang ziak un, a chung uh a gik hi! Ka chung ah a helnau ziakin, a chung un siatna tung in a! Amau hukdok nuam maleng, ka chung ah zuau thu bep a gen ui!

AMOS 2:4

Lalpa‘n zia gual hin a gen hi: Judah bawsiatna pathumte ziak leh palite ziakin, a chung ua gawtna ding chu lamang pua’ng ka; amau in Lalpa dan a nol un, a thuguatte zui nuam lo in, a pu leh pateu a zuausan gual mau ah, pui mang in a um ta’ngal un.

AMOS 6:4

Saiha jalkhun chung ah lum ah, chutnasau chung ah nuam tak ah kichawl ah, belam hon lak ah belamno sate ne ah, kul ah kipat bawng tuaite kinêk ah;

ZEPHANIAH 1:9

Zia ni chun, buphual chopkân ah, huhamna leh thepna a pu In hi’dim zosiate chu gawt ding ka hi.

ZEPHANIAH 3:3

A sung ah miliante chu, sakeibaknei kitum gual a hiu in; a vaihawmteu le nitâk lam ngei gilkial, jingkal tiang ah bangma khêkchâk nei lo gual a hiu.

NASEPTE 24:9

Judate chunle zia thu chu a dik hi ti’n a panpiu a.

ROMTE 3:13

A gawl uh chu thân kihongsa ahi’n, a lei un thepna thu a gen un; a kam sung un gulgu a um hi;