MIKAH 6:1 - PATHIAN LEKHABU THIANGTHO (BSI)

¹ Lalpabang thu gen ahi em ti ngai hitiu: Kipan inla, mualte kiang in la chungthuu vagen unla, chuleh tângte chun la aw he tau hen.

MIKAH 6:1 ပူးပေါင်းရင်းမြစ်များ

SAM 50:1

Hat Chungnung, Lalpa Pathian chun thu a gen a, leilung hi ni sua’na lam ah kipat, a tumna lam tiang in a ko tai.

SAM 50:4

A mite vai a hawm piak theina dingin, chung lam vante leh lei hi a ko ah:

ISAI 1:2

Aw vante, hiau inla, aw lei chung, ngai in; Lalpa‘n thu a gen ta ngâl a: Chate ka hing ah, ka dontei ta’n, ahi’n, ei do in a hung pang tau hi.

ISAI 3:13

Thupi gen dingin Lalpa a kipan tai; a mipite chung thu tan dingin a dingdok hi.

JEREMIAH 13:15

Ngai unla, hiau in, chapo kiu in, Lalpa‘n a tii.

JEREMIAH 22:29

Aw gam, gam, gam! Lalpa thu hi ngai tiam un!

EZEKIEL 36:1

Aw, nang mihing, Israel tâng sangte kiang in, zia gual hin vagen in: Aw Israel tâng sangte haw, Lalpa thu hi ngai tiam un.

EZEKIEL 36:8

Himaleh, nanghaw Israel mualte haw, ka mipi Israelte â dingin la bâk jamteu in ga hun sua ding la hiu; In lam ah hung kit pai ding la hi’ngal un.

EZEKIEL 37:4

Ziaphatchun, ka kiang in, “Zia gukeute kiang ah hin zia gual hin gen in: Aw gukeu gawpte haw, Lalpa thu hi ngai tiam un.

EZEKIEL 6:3

a kiang un: Nanghaw Israel tâng sangte haw, Lalpa Pathian thugen hi ngai un! Lalpa Pathian in, mual leh tâng, guam leh phâijawlte kiang in zia gual hin thu a gen hi: Kei, Keima’n la chung un chemjam lek ding ka hi; tichun, la thoimualteu susia ding ka hi.

AMOS 3:1

Aw Israel mipite, Aigupta gam ah kipat ka puidaw Inkuan zosiate haw, nang uh demna thu Lalpa‘n a gen hi ngaitha tau in:

MIKAH 1:2

Nang uh chitinte leh lei lung leh, a sung ah um zosiate haw, ngai un; Lalpa chu a biak In thiangtho ah kipat in a hung pawt in, Lalpa Pathian chu nang uh kãl ah hiatpitu hita hen.

MIKAH 1:4

Mei lak ah khuailu gual leh, kênliang ah tui kisungbua gual in, tângte chu a nuai ah tuitha zo in, phâiguamte chule puakkek ta’n a.

MIKAH 5:15

Chuleh, ka thu mang lo namte chung ah lungnatna leh, thangtawmna phuba lâkna supiting tâng ka, a ti’n.

MIKAH 6:2

Mualte haw, Lalpa demna thu hi la ngaitha tau in; nanghaw lei kingaknate haw, ngaitha tau in; Lalpa’n a mite a nial tai. Israelte chule hun nial ding ahi ngal a.

LUKA 19:40

Ama chun a kiang un, “Ka hil la hiu, zia mite hi a thip ua leh le, suangchang bêk kikodok ding ahi,” a tia.

DAN LEKHABU 32:1

Aw vante haw, la bil a ladaw un, thu hun gen ding ka hi; lei in ka thugente hi a la he tau hen.

DAN LEKHABU 4:26

Jordan lui gâl kâi ah, la hun luana ding gam ua kipat hi’mangthai ah um ding la hiu ti ei hiatpitu hi dingin lei leh van ka ko ahi; chêng sawt pua’n la tiu in, mangthai sik sek ding la hiu.

1 SAMUEL 12:7

Ziaziakchun, tu’hin la umna mun chiat un a la um zing un, nanghaw leh la pu leh pateu Lalpa‘n a la hukdaw dante hun hil in, Lalpa âng ah nanghaw hun sûtpi ding ka hi.

1 SAMUEL 15:16

Ziaphatchun, Samuel in Saul kiang in, “Thip ta’n! Tu’jan ah Lalpa‘n ka kiang ah a thugen hun hil ing ka,” a tia. Ama’nle, “Hun gen in,” a ti tai.