MIKAH 5:8 - PATHIAN LEKHABU THIANGTHO (BSI)

⁸ Chuleh, Jakob mi um nalai sunte chu, nam tam tak in hualvêl ziang maleu, gammâng ah gamsate lak ah sakeibaknei gual leh, belam hon lak ah sakeibaknei vanglai gual in um in au; a pawt daw phat leh chuanchil pek in, bottel malam pek intin, ama ah kipat hukdok ding kuama a um puai.

MIKAH 5:8 ပူးပေါင်းရင်းမြစ်များ

THILSIAM THU 49:9

Judah hi sakeibaknei no ahi’n; ka chapa, la sa mat chu la nusia ta’n: sakeibakneichal gual ah bok in, a kije hen; sakeibakneinu gual ma’n, kua’n kaitho ngam ding a hem?

SAM 104:20

Nang in thim la siam ah, zia chu jan a hung hisek in, ziaphat chuleh, gammâng ah zu leh va zosia, a hung tadok sek ui.

SAM 44:5

Nangma ziakin ka mêlmateu ka sawnpâi sek un; la min ziakin ei do-te ka chuan chil sek ui.

SAM 50:22

Nanghaw Pathian hemilte haw, zia hi ngaituau in; ahiloleh, hun bawt tel ah, a hukdok thei ding umlo ah hun bawl mai ding ka hi.

THUPILTE 30:30

Sakeibaknei hi gamsa lak in a hat pen in, kuama âng ah jam ngai lo ahi;

ISAI 5:29

A thawm uh sakeibaknei hâm a bang in, sakeibaknei note gual in a ngîk ui; a samat ding uh ngîm ah mat gual in, kipuak mang in au. Kuama’n a lâkpiak thei ta puau hi.

EZEKIEL 39:10

tichun, gamlak ah thing a puak uh ngai ta pua’n tin, gammâng thing a phûk uh le ngai diak pua’n a; gâlvante chu thing ah tik ta ding a hiziak un; amau sim ah hungte chu amau in sim zaw ta’n tiu in; chuleh, amau suam ah hung kuante chu amau in a la suam zaw ta’n au, Lalpa Pathian in a tii.

HOSEA 5:14

Ephraim â dingin sakeibaknei gual hi’ng ka tin, Judah Inkuante â dingin sakeibaknei vânglai gual hi’ng ka. Keima’n bottel in chia mang ta’ng ka; paw mang ing ka tin, kuama’n hukdok pua’n a.

MIKAH 2:12

Aw Jakob, la leng un hun pui khawm ngei ngei ing ka tin, Israel um nalai sunte chu hun pui khawm ding ka hi; belam hon a kul ah um khawm gual in, bawng hon hampa mun ah tâ gual in, hun pui khawm ngei ngei ding ka hi; zia ni chuleh, mipi husa chiak veng vung ta’n a.

MIKAH 4:13

Aw Zion chanu, kipan inla, chil in; la kî chu thik gual leh, la tinte chu sum-eng gual in siam ding ka hi’ngal a; mi tam takte chu vaw gawp in la tin; zia chung ah punna chu Lalpa â dingin koi chuam inla, a hausaknau zosia chu leilung pumpi, Lalpa â dingin koi chuam ta’n lau.

MIKAH 4:7

A kengbaite chu a um sun dingin hawi ing ka tin, pai mang ah umte chu, nam hat tak hiding in siam kit ing ka; LalpaZion tâng ah kipat in, a chung un tu’ kipat kumtuang tiang in vaihawm ta’n a.

MIKAH 5:3

Ziaziakchun, nauvei nu’n nau a hun hin masang sia chu, amau chu Lalpa’n kiheisan in a; ziaphat chuleh, a chanau la umsun te chu, Israel mite kiang in kile’kit ta’n au.

MIKAH 7:18

Nangma gual ah gitlo’na ngaidam leh, la gochan umsun te gitlo’na melkhu pei Pathian dang, kua a hem um ngai? A lungnatna kumkhua’n a vop zing pua’n, a hepina danglam ngai lo a suklat ziakin a kipak sek ngal a.

ZEKARIAH 10:5

A leng un kido’na gâlhat gual in, a mêlmateu kotzing buanthuak lak ah chuanchil in, gâldo jel ta’n au, Lalpa‘n a umpi ngâl a; tichun, sakol chungchuang mite chu, mualphosak ngei ngei ding a hiu.

ZEKARIAH 11:6

Lei chung ah chêngte chu lainat ta pua’ng ka, Lalpa‘n a tii. Mitin a Invêngteu leh a lengpau khut in pûksak ing ka tin, a gam uh susia’n tiu in, a khut ua kipat in pakhat chale hukdok lo ding ka hi atii,” ti in.

ZEKARIAH 12:3

Ziaphat chuleh, Jerusalem chu mizosia â dingin suangtum puakgik in siam ing ka tin; zia suang dom kâng taphot chu huaisia tak in kisuliam in au. Khawvel ah nam zosia a do dingin hung khawm ta’n au.

ZEKARIAH 14:18

Aigupta gam mite lak ah kua Inkuan le a chia to lo a um chun, Bawkcha Kût mang ding ah chia lo namte, Lalpa gawtna hipi chu a chung un tung ding ahi.

ZEKARIAH 9:15

Sepai honte Lalpa chun, amau humbit ta’n tin, amau in vaisuangse septe chu, tawden in val zo ngâl ding a hiu; a thisan uh belbu ah dim zu gual ah dawn in, mâichâm bul ah kileibua gual chu hi’n a.

MALAKI 4:3

Migilote chu tawden ta’n lau; zia ka hun bawl guatna ni ah chun amau chu la kengpêk nuai ua leivui gual bep hita ding a hiu, sepai honte Lalpa chun a tii.

KISIMNA LEKHABU 24:9

Ama chu sakeibaknei gual in a kual ah, sakeibakneipi ipmu gual ahi; kua’n phawng tho ngam ding a hem? Nang hun maljawl taphot maljawl in um hen la, nang hânsia hun law taphot hânsia dong in um tau hen,” a ti tai.

MATTHAI 10:14

Chun, a khua a hem, a In ah umte a hem chun a la lawp lo ua, la thugen uh le a la lawp lo ua leh, la keng ua leivui chu tât thâk khum malam un.

NASEPTE 18:6

Amau hawn dodâl ah, a gensiat phat un, Paul in a puan ah kipat leivui thingtha’n, a kiang un, “La thisan uh chu la chung un um hen! Kei ka hileh ka thiang hi. Tu’ ah kipat hin Jentelte kiang in chia ta’ng ka,” a tia.

HEBRAITE 12:25

Zia thugente chu doi lo ah la la um lona ding un chingthei un. Lei ah a kiang ua thugente doilote bawn in gawtna a pumpel lo ua leh, van ah kipat thu hung genpa chu a la kiheimang san leu hin, bangti suachât ding I hiu em!

HEBRAITE 2:3

zia gual lawm ah hukdamna lopi hi ngaisak lo in um leu hin, bangti’n suakcha thei ding I hiu em? Zia chu a tîl in Lalpa kam ah gen ahi tangal ah, a hete chun ei namdet piak uh ahi.