MIKAH 5:5 - PATHIAN LEKHABU THIANGTHO (BSI)

⁵ Chuleh, ama chu I kichamnau hita’n a. Assuriate’n I gam uh a hung sim ua, I lei chang uh a chotden phat uh leh, ei un amau do dingin belampu pasagi leh, vaihawmtu pagiat tungdok hitiu.

MIKAH 5:5 ပူးပေါင်းရင်းမြစ်များ

JOB LEKHABU 5:19

Buaina paguk lak ah kipat in hun hukdok intin; pasagi lak inle bangma’n hun sukha pua’n a.

SAM 72:7

Thapi a bei masia, ama damsung in dikna leh, chamna’n a gam lua dim hen.

THUPILTE 30:18

Thil pathum mak ka sak tâk luat leh, thil pali ka het thei lo a um hi:

THUPILTE 30:29

Kalsuan dan ah kituak pathum a um un, a khawhei dan ah ja um pali a um ui:

THUPILTE 6:16

Lalpa huat lam thil paguk a um in, a ki’dak lam tak thil pasagi a um hi:

THUGENTU 11:2

La thilneite chu mun sagi a hem, mun giat tiang in hawm jak in; lei chung ah hin bang gual hun phalo in, hun tun khum ding a hem ti, la hepaw ngal a.

ISAI 14:25

Ka gam sung ah chun Assuriate chu hi’chimit ing ka tin; ka mualte chung ah chun palchek ding ka hi; ziaphat chuleh, a ngawngkol uh lâk thâk hita’n tin, a liangko ua kipat a puakgik uh lâk thâk hita’n a.

ISAI 44:28

Kuras chung thu in: “Ama chu belam gual ah ei chingpa ahi’n, ka thil guanggal zosia hun bawldok ding ahi,” ti’pa leh, Jerusalem chung thu ah: “Bawl thak ah um kit ding la hi,” ti leh, tempul chung thu ah: “La suangphûmte lep thak ah um kit ding ahi,” ti’pa chu ka hi, ti’n a gen tai.

ISAI 59:19

Tichun, tumlam ah mite chun, Lalpa min hun kicha ta’n tiu in, sualam ah mite chunle, a lopina hun kicha ta’n au; luicha tuilian leh Lalpa hui in a mût, gual in hung ding ahi ngal a.

ISAI 65:8

Lalpa‘n zia gual hin a gen ah: Grep bawk lak ah a pha khen khat a um ziakin, min, “A lak ah pha khenkhat a um ziakin, susia sik sek ziang kin?” a tiu a; tichun, zia gual chun hawi ing ka tin, a leng in hise suak ziang pua’ng ka.

ISAI 7:14

Ziaziakchun, Lalpa ma ma chun tepte’na hun pia ding ahi. Ngai un, nungak thiangtho chun nau hun vop intin, chapa hun hing intin, a min in Immanuel ti sak hiding ahi.

JEREMIAH 33:15

Zia nite chu a hung tun phat leh, David â dingin Bâk dik tak hun seldawsak ding ka hi; ama chun a gam ah thu tak leh dikna’n vaihawm in a.

AMOS 1:3

Lalpa‘n zia gual hin a gen hi: Damaska bawsiatna pathumte ziak leh, palite ziakin a chung ua gawtna ding chu lamang pua’ng ka; amau in Gilead gam chu bu vokna thik ah a vok tâk ziak un.

AMOS 1:6

Lalpa‘n zia gual hin a gen hi: Gaza bawsiatna pathumte ziak leh, palite ziakin, a chung ua gawtna ding chu lamang pua’ng ka; amau in Edomte kiang ah piak dingin nam pumpi chu, sal in a pui lût ngal un.

ZEKARIAH 10:11

Lungngaina tuisuagiat chu pal gâl kâi intiu in, a tuisuagiat kinawkte chu vaw niam intiu in, Nail luipi tuili thûk te chule kang tan in a. Assuria kiletsakna chu hi’niam hi’ntin, Aigupta lal tiang chunle nusia ta’n a.

ZEKARIAH 10:3

Belampute chung ah chun ka lung a na ma ma a; tichun, a puituteu chu gawt ding ka hi; Lalpa‘n a gan-gual Judah Inkuante chu a khawtua ma ma ziakin, kidona sakol hat takte gual in hun siam ding ahi.

ZEKARIAH 12:6

Ziaphat chuleh, Judah Inkuante chu thing siakhawm lak ah beltaw’ meikuang gual in siam ing ka tin; buvui lak ah meisel gual hi’n au; tichun, a kîmvêl ua, a vei leh chang ua um namtinte chu kâng tum ta’n tin, Jerusalem chun ama mun, Jerusalem khawmun chu lua kit ta’n a.

ZEKARIAH 9:10

Ephraim ah kipat kângtalai leh, Jerusalem ah kipat kido’na sakol chu hi’mang in a; kidona thalngul chu hi’bong in, namtin kichamna ding thu pia’n a; a lenggam chu tuisuagiat langkhat ah kipat, langkhat lam tiang hi’ntin; Lui lian ah kipat, lei mong langkhat lam tawp tiang huap in a.

ZEKARIAH 9:13

Judah chu kei â ding ah thalpi gual in, ka kai khûn ta’ngâl a; Ephraim chu a thalchang in ka mang tai. Aw Zion, la chapate choktho ing ka tin, aw Grikte haw, la chapateu hun dosak ing ka; tichun, mi gâlhatte chemjam gual in, hun leksak ding ka hi.

LUKA 2:14

“Chungnung pen ah Pathian chu, lopi tak in um hen la, lei chung ah a doisak ma ma mihingte kiang hin, chamna um ta hen!” a tiu a.

JOHAN 14:27

Thamuanna ka nutsia piak la hiu; keima thamuanna ngei chu ka hun piak la hiu; khawvel in a hun piak gual in ka hun pia puai. La lungthim uh lungkham ki’hen la, lau le lau diak ki’hen.

JOHAN 16:33

Keima ah thamuanna la neitheina ding un, zia thute hi ka hun hil la hiu. Khawvel ah hin gim genthei thuak in lau. Himaleh, thamuang tak in um un; keima’n khawvel ka zo tai,” a tia.

THUPUAN 17:14

Amau chun Belamno chu do intiu in; himaleh, Belamno chun amau chu zo in a; lalte Lal leh hotute Hotu ahi ngal a; tichun, a ko te leh a têl te leh ginumte chu a kiang ah chun um ta’n au, a tia.

THUPUAN 19:14

Van sepaite chun puan malngat thiang leh vâm sil in, sakol kâng chung ah chuang chiat in ama chu a zui ua.