MIKAH 5:4 - PATHIAN LEKHABU THIANGTHO (BSI)

⁴ Lalpa hatna ziak leh Lalpa a Pathian min lopina ziakin, hung dingdok in, a gan-gualte chu vâk ta’n a. Amau chu bit tak ah chêng in, kawl kîmvêl tiang chan pha’n a lopi pen hita’n au.

MIKAH 5:4 ပူးပေါင်းရင်းမြစ်များ

SAM 145:12

mihing chate zosia kiang ah, la thilbawl lopi takte leh, la gam hoina lopi zia hetsak uh hen.

SAM 22:27

Kawlkil tiang ah mite’n hezing in, Lalpa lam hun nga ta’n au; namtin ah kipat chitinte a ma’n kûn ta’n au.

SAM 72:19

A min lopi tak kumkhua’n pâk in um hen la; khawvel pumpi hi a lopina’n lua dim suak ta hen. Amen! Amen!

SAM 72:8

Ama’n langkhat lam ah tuisuagiat ah kipat, langkhat lam tuisuagiat tiang leh, Luipi Lian ah kipat kawl kîmvêl tiang in vaihawm hen.

SAM 93:1

Lalpa chu lengpa ahi’n, lopina’n a kithuam hi; Lalpa chun hatna’n a kawng a gâk hi. Khawvel hi a phudet ta’n, kilîng ta pua’n a;

SAM 98:3

Israel Inkuante chung ah a ngilneina leh, a thutakna a hezing hi. Kawl kîmvêl tiang ah mi zosia’n le, I Pathian zaw’na a mu tau hi.

PAWTDAWNA THU 23:21

Ama thu chu ngaisak inla, a thu mang in: hilungna kin la, ama’n la bawlkhialnate chu hun ngaidam lo hial ding ahi ngal in: ka min le ama ah chun a um ngal a.

ISAI 45:22

Nanghaw, kawlkil tiang ah umte haw, keima lam hun ngau inla, hukdam in um tau in! Keima bep hi Pathian ka hi’n, a dang a um puai.

ISAI 49:5

Chuleh, tu’hin, a suak hiding ah, sûl ah ei la siampa Lalpa chun, Jakob a kiang ah puikitna ding leh, Israel a kiang ah pui khawm kit theina dingin, Lalpa mit mu ah lûl tak ka hiziak leh, Pathian chu ka hâtna ahi tâk ziakin, ka kiang ah zia gual hin a gen hi:

ISAI 52:10

Nam tinte mit mu in Lalpa‘n, a khutbân thiangtho chu a lâmdok ta’n; tichun, kawl kîmvêl tiang ah mi zosia’n, I Pathian hukdamna chu hun mu ding a hiu.

ISAI 52:13

En un, ka nasempa chu lawting in a; ama chu chawihoi leh choisân ah um in, sâng tak ah koisân in hung um ding ahi.

ISAI 8:7

Lalpa chun Luipi tui hat tak leh tam tak, Assuria lengpa ngei chu, a lopina zosia tawh, a guam leh a luikam zosia luanglet gual in hun luan lutsak ding ahi;

MIKAH 7:14

Muan umna huan gam lailung ah, gammâng lak ah chang tat la gochan belam hon la mite chu, la khetbûk mang in ching tup inla; masang lai gual ah khan Bashan leh, Gilead ah vâk in um chiat tau hen.

ZEKARIAH 13:7

“Aw chemjam, hung tho inla, ka belampu leh keima ei kithuapipa chu hun sât in,” sepai honte Lalpa chun a ti ahi. Belam honte a taijak theina ding un belampu chu sât inla; a note chung ah ka khut tha ta’ng ka.

ZEKARIAH 9:10

Ephraim ah kipat kângtalai leh, Jerusalem ah kipat kido’na sakol chu hi’mang in a; kidona thalngul chu hi’bong in, namtin kichamna ding thu pia’n a; a lenggam chu tuisuagiat langkhat ah kipat, langkhat lam tiang hi’ntin; Lui lian ah kipat, lei mong langkhat lam tawp tiang huap in a.

MALAKI 1:5

La mit ngei un zia chu mu’n la tiu in; tichun, “Israel gamgi pawlam tiang inle Lalpa chu a nasa na e! ti ta’n lau,” a tia.

MATTHAI 16:18

Nang Peter la hi, ti ka hun hil belap hi; ahi’n, zia suangpi chung ah hin ka kochuam chu lem ing ka tin; mithi kul kotkhak chun lang zo pua’n a.

MATTHAI 2:6

‘Aw, nang Judai gam ah Beth-lehem khua, Judai gam ah thuneite lak in neupen pua’n la; la sung ah kipat in vaihawmpa hung pawt ding ahi ngal in, ka mi Israelte chingpa ding chu,’ ti hi,” a tiu a.

MATTHAI 25:31

Mihing Chapa chu a vansawlchâkte tawh, a lopina kithuam ah a hung tak leh, a lopina lalchutpha chung ah hung kichu’n tin;

LUKA 1:32

Ama chu milopi hung hi’ntin, Chungnung pen Chapa ti hung hi ding ahi; chuleh, Lalpa Pathian in a pa David lalchutpha chu ama hun pia ding ahi.

JOHAN 10:38

Ahi’n la, ka sep ahi chun, kei ei taksang lo maleu chinle, thil kibawlte bêk hi taksang un; Pa keima ah um ti leh, keima Pa ah ka um ti la het ua, la taksan theina ding un,” a tia.

JOHAN 20:17

Jesu’n a kiang in, “Ei tu kin, tu’tiang hinle Pa kiang ah ka kal to nai puai; himaleh, ka unaute kiang ah vachia’n la, a kiang un, ‘Ka Pa, la Pau, ka Pathian, la Pathian kiang un kal to ding ka hi, a tii,’ vati’n,” a tia.

EPHESA 1:3

I Lalpau Jesu Khrista Pa leh Pathian chu pâk in um ta hen. Ama chun van mun ah te’n thagau lam maljawlna chitin in Khrista ah chun ei maljawl a,

1 PETER 1:5

hukdamna hun nunung ah hung kilang ding ah guat zawsa chu mu dingin, ginna ziak ah Pathian thilhitheina ah vên la hiu hi.

JUDA 1:1

Juda, Jesu Khrista suak leh Jakob suapipa hin, ko ah um, Pa Pathian doitak leh Jesu Khrista vên bit ah umte kiang ah chun,

THUPUAN 11:15

Chun, vansawlchâk pasagina chun a pengkul chu a mût leh, van ah aw thupi tak a hung gi’, “Zia khawvel lenggam hi Lalpa leh, a Khrista gam a hita hen; ama chun kumtuang in vaihawm ta’n a,” a hun tia.