MIKAH 5:2 - PATHIAN LEKHABU THIANGTHO (BSI)

² Himaleh, nang Ephrath ah Beth-lehem, Judah phungneute lak ah khat himale chinle, nangma ah kipat in Israelte vaihawm piak ding, mi pakhat hung pawt ding ahi ngal a; a hung kipatna chu nidang lai ah, khanglui hun ah kipat ahi.

MIKAH 5:2 ပူးပေါင်းရင်းမြစ်များ

THILSIAM THU 35:16

Bethel ah kipat chia pek in, Ephrath khua a tunna ding uh gamla thim tak hi nalai in, Rakhel chun nau a vei ah, a gim ma ma ta’n.

THILSIAM THU 35:19

Rakhel chu a thi ta’n, Ephrath khaw zotna lampi chun a vui tau a. (Ephrath khua chu Beth-lehem ahi.)

THILSIAM THU 48:7

Kei ka hileh chu, Paddan gam ah kipat ka hung lai khan Rakhel chu Kanaan gam lampi, Ephrath khua chu gamla thim tak a hinak lai ziakin ka kiang in a thi ta’n. Zia Ephrath lampi chun ka hun vui malam tai,” a ti’n; (zia Ephrath chu Beth-lehem khua ahi.)

THILSIAM THU 49:10

Laltiang chu Judah lak ah mang pua’n tin, vaihawmna laltiang chu a kêngkâl ah kipat bei diak pua’n a;

1 KHANGTHU 2:54

Salma chate chu: Beth-lehem, Netophath, Atroth-beth-joab tawh Manahath kimkhatte tawh, Zorte hi a hiu hi.

1 KHANGTHU 4:4

chuleh, Penuel in Gedor a hing ah, Ezer in Hushah a hing hi. Ziate chu Beth-lehem pa Ephrathah chapa upa pen Hur chate chu a hiu hi.

1 KHANGTHU 5:2

Judah chu a suapite lak ah chungnung pen leh ama ah kipat leng chi pawtdok maleh, u’pa hi’na vang Joseph a chang tai.)

SAM 132:6

A thu Ephrathah ah I hiau a, Jaar lou munte ah chun I la mu tau hi.

SAM 90:2

Tângte la siam masang leh, khawvel leh leilung la siam ma’nle, kumtuang ah kipat kumtuang tiang in, Pathian la hi.

PAWTDAWNA THU 18:21

Chuleh, mipite lak ah kipat mi matthei, Pathian lau, mi thudik, golgûkna doilote chu têldok inla: zia gual mite chu sang khat chung ah te, za khat chung ah te, sawmnga ah chung ah te leh sawm khat chung ah te vaihawm dingin a chung un koi inla;

PAWTDAWNA THU 18:25

Mosi chun Israelte zosia lak ah kipat in mi matthei dawmte chu a têldok ah, amau chu mipite chung ah luchang in, sang khat chung ah te, za khat chung ah te, sawmnga chung ah te leh sawmkhat chung ah te vaihawm dingin a siam tai.

ISAI 11:1

Jesse bulsum hung sel intin, a zung ah kipat in bâk khat hung khangdok in a.

ISAI 53:2

Ama chu tâng gawchâk ah thâichi no kek, zung thadok ah hung khangdok gual hi’ntin, vak etlâna ding ah mêl lat dan chuam bîk leh, za umna a nei pua’n; doichuam ahi’na ding ah mêl putdan chuam le, a nei puai.

ISAI 55:4

Ngai un, ama chu mipite â ding ah hiatpitu ding leh, mipite chung ah puitu leh thupetu hiding in, hun siam ding ka hi.

ISAI 7:14

Ziaziakchun, Lalpa ma ma chun tepte’na hun pia ding ahi. Ngai un, nungak thiangtho chun nau hun vop intin, chapa hun hing intin, a min in Immanuel ti sak hiding ahi.

JEREMIAH 30:21

A lalteu chu amau lak ah mi hi’ntin uh, a chung ua vaihawm dingte chule, a lak ua kipat hung pawt hi’n au; hun puinai ing ka tin, tichun, ama’nle ei hun nai in a; achutiloleh, kua a hem ei nai ngam ding? Lalpa‘n a tii.

HOSEA 6:3

Lalpa chu hia’i tiu in, hetzing gaw tai tiu; a hung kilatna ding chu phalvak gual ah kichian ahi; ama chu I kiang un gawtui gual in hung intin, khâl gawtui in lei a chap no gual in hung tung in a.”

AMOS 9:11

Zia ni chuleh, David bawkcha a la pûk ta chu, tungding kit ing ka tin, a siatnate siampha’ng ka tin, a chipnate lem to ing ka tin, masang lai ah gual khan sapha kit ing ka tin;

MIKAH 4:10

Aw Zion chanu, numei nauvei gual in thûm in, hagial in; tu’hin, khawpi ah kipat pawtdok in, gamlak ah giak ding la hi tai; Babulon tiang in chia pek ding la hi. Zia tak ah chun la mêlmate khut ah kipat in, hukdok in um in la tin, Lalpanangma hun tandok ding ahi.

ZEKARIAH 13:7

“Aw chemjam, hung tho inla, ka belampu leh keima ei kithuapipa chu hun sât in,” sepai honte Lalpa chun a ti ahi. Belam honte a taijak theina ding un belampu chu sât inla; a note chung ah ka khut tha ta’ng ka.

ZEKARIAH 9:9

Aw Zion chanu, nasa tak in lim in! Aw Jerusalem chanu, ngai tak in kiko in! En in, la lal chu a hung hi; gâl zotu leh hat chu ama ahi’n; kingaitawm tak in sabiltung chung ah, sabiltungno tuaidawng chung ngei ah chuang in a hung hi.

MATTHAI 2:1

Lengpa Herod hun lai ah, Judea gam Beth-lehem khua Jesu a hung pian in, sualam ah mipilte Jerusalem ah a hung un:

MATTHAI 2:6

‘Aw, nang Judai gam ah Beth-lehem khua, Judai gam ah thuneite lak in neupen pua’n la; la sung ah kipat in vaihawmpa hung pawt ding ahi ngal in, ka mi Israelte chingpa ding chu,’ ti hi,” a tiu a.

MATTHAI 28:18

Jesu a hung ah, a kiang un, “Lei chung leh van ah thuneina zosia ka kiang ah piak ahi tai;

LUKA 23:2

Tichun, ama hêkna thu a gen pan tau a: “Zia pa hin, Messiah, Leng ka hi, a ti hen; Lengpa kiang ah sia choi ding a zada hen, ka nam uh a pui siai,” a tiu a.

LUKA 23:38

A chung ah lekha kizik a tâk un, “ZIA HI JUDATE LENGPA ahi,” ti in.

JOHAN 7:42

Pathian Lekha thu chun, ‘Messiah chu David suan ah kipat hung piang intin, David chênna khawpi Beth-lehem ah hung piang ding ahi,’ ti hilo a hem?” a tiu a.

DAN LEKHABU 1:15

Tichun, la phung lak ua kipat in mipil leh a ja-um deute sia ka ladok ah, nanghaw chung ah hotu ding bang, a sâng têl chung ah hotu ding leh, a za têl chung ah hotu dingte, sawmnga chung ah hotu dingte, a sawm têl chung ah hotu ding leh nanghaw phung chiat ah hotu dingte ka guat a.

KOLOSSA 1:17

Bangkim um masang in ama chu a la um ta’n, ama ah chun bangkim a kizop khawm ui.

HEBRAITE 13:8

Jesu Khrista chu jani leh tu’ni leh kumtuang in a ngai ngai ahi zing hi.

HEBRAITE 7:14

I Lalpau hi Juda nam ah mi ngei ahi, ti a kilang a; zia nam lak ah hin Mosi’n thiampu hi’na ding thu a gen khâk lo ziak ahi.

1 JOHAN 1:1

Hinna thu, a lim ah kipat a la umsa, kei un ka la het uh, ka mit ua ka muu, ka la et zing uh, ka khut ua ka khoi uh zia hinna chu a hung kilang ta’n, ka la mu tau a;

THUPUAN 19:16

A puan chung leh a malpi chung in min a kizik a, “LALTE LAL LEH HOTUTE HOTU,” ti in.

THUPUAN 2:8

Smurna khua kochuam vansawlchâk kiang ah chun, zia gual hin zik in: A masa pen leh a nunung pen, thi ta hung hing kit ta chun zia thu hi a gen hi:

THUPUAN 21:6

Chuleh, ka kiang in, “Zaw ahi tai. Kei Alpha leh Omega, a bul leh a tawp chu ka hi. Dangchâk tapo chu hinna tuinâk ah tui hi a thawn in pia’ng ka.

VAIHAWMTE 17:7

Chun, Judah gam ah Beth-lehem khua kipat tangval pakhat a um a. Ama chu Levi chi, zia tak ah chu chêng ahi’n.

RUTH 1:1

Vaihawmte hun lai in, Judah gam ah chun kial a tung ah; Judah gam ah Bethlehem khua mi pakhat a ji tawh, a chapa panite tawh Moab gam ah vaum vak dingin a chiauah.

RUTH 4:11

Ziaphatchun, kul kot bul ah mipi umte leh upa zosia chun, “Kei uh a hiatpite ka hiu; la Insung ah hung lût numei hi Lalpa‘n Israel nam tung dingte ni, Rakhel leh Leah gual in siam ta hen. Nang inle Ephrath ah hin suan leh pâk nei inla, Beth-lehem ah hin min nei tak in um ta’n;

1 SAMUEL 10:19

Himaleh, tu’ni hin la Pathian uh, la haksatnau leh la buainau zosia lak ah kipat hukdokpa lei dawi puau ah, nanghaw’n a kiang in, ‘Ahipuai, ka chung ua vaihawm ding leng pakhat ei pia’n,’ la tiu in. Zaziakchun, tu’hin la nam leh phung dungzui un Lalpa kiang ah hung kipechiat un a tii,” ti’n a gen a.

1 SAMUEL 17:12

David chu Ephrath ah Beth-lehem khua, Judai gam ah mi Jesse chapa ahi’n. Jesse chun chapa pagiat a nei ah. Saul hun lai ah chun Jesse chu teksia leh thachau lam ahi tai.

1 SAMUEL 17:18

Chuleh, zia bawngnawi khal hile sawm khat, sepai sangkhatte chung ah hotupa â dingin puak piak in. La u te chu bang a ti jel nau em le hun kantha’n la, amau ah kipat bang thu a hem khatle hun pawsawn in,” ti’n a sawl a.

1 SAMUEL 23:23

A kisêlna mun leh a panna mun zosia vahechian unla, la vahetchian zaw phat ua leh hung kit un. Ziaphat chuleh, kiton hi tiu in, zia bial ah chu um nalai a hinâk leh, Judah mi a sâng têlte lak ah kipat chun hawldok na’ng ka,” ti’n a gen tai.

1 SAMUEL 8:12

a khenkhatte chu sepai sang khat chung ah hotu dingte, sawmnga chung ah hotu ding bang in mang intin; a lak ua khenkhat chu a lou bawl ding, a bu-ât ding, a gâlvan bawl ding leh a sakol kângtalai siam ding bang in hun gawi ding ahi.