MIKAH 4:11 - PATHIAN LEKHABU THIANGTHO (BSI)

¹¹ Tu’hin, nam tam tak nangma do dingin a hung khawm un: “Hi’buak in um hen la, I mit un Zion chung chu en zing hen,” a tiu a.

MIKAH 4:11 ပူးပေါင်းရင်းမြစ်များ

SAM 129:5

Zion mudate zosia chu sukmualpho ah um in, jamsiatsak in um tau hen.

SAM 83:5

Kithu gual tak in a guanggal un, la chung ah thil phalo bawl dingin, thuthung a siam un:

ISAI 10:7

Ahi’n, zia gual chu a lungtup leh, lunggêl a hikhel pua’n, a lungthim inle a ngaitua kha puai; himaleh, a lungtup chu, nam tawmchate sukbei ding a hizawi.

ISAI 17:12

Katei, mipi tam tak tuisuagiat gi gual in, a so veng vung ui! Katei, namtin kitum in, tuisânglet husa gual in a kitum ui!

ISAI 29:7

Chuleh, Ariel hung do zosia, a kul dette do a, hi’lungjing ah hung pang nam zosiate chu, mang lam gual leh jan ah lunggêl gual bep in, hung um ta’n au.

JEREMIAH 52:4

A lal kum kua’na, tha sawmna leh a ni sawm tin ni chun, Babulon Lengpa Nebukadrezar chu Jerusalem do dingin a sepai zosia tawh hung in, khawpi kîmvêl ah panmun siam in a châng tau a.

EZEKIEL 26:3

Ziaziakchun, Lalpa Pathian in zia gual hin a gen hi: Aw Tura, ngai in ka hun kãl hi! tuisuagiat in a fawn a nawk khawm gual in, nang do dingin nam tam tak hun chok phûl ding ka hi.

EZEKIEL 38:17

Lalpa Pathian in zia gual hin a gen ah: Masang lai ah ka suak, Israel jawlneite’n a la gen uh, tu’nung leh amau hun do ding ah ka pui ding, a la titeu chu nang uh la hiu em?

OBADIAH 1:12

La suapipa vangsiat ni ah chun eulau kin la; Judah mipite’n siatna a tuak niu in, kipak diak kin; a buainau hun ah chun, kisathei tak in um kin.

MIKAH 7:10

Ziaphat chuleh, ka mêlma: “Lalpa la Pathian chu khoi ah um a hem?” ei tite chun mu ta’n tin, mualpho ta’n a. A pukna chu ka mit in mu’n tin; tu’hin chu lam dung ah buanthuak gual ah, chotden in um ta’n a.

ZEKARIAH 12:3

Ziaphat chuleh, Jerusalem chu mizosia â dingin suangtum puakgik in siam ing ka tin; zia suang dom kâng taphot chu huaisia tak in kisuliam in au. Khawvel ah nam zosia a do dingin hung khawm ta’n au.