MIKAH 4:10 - PATHIAN LEKHABU THIANGTHO (BSI)

¹⁰ Aw Zion chanu, numei nauvei gual in thûm in, hagial in; tu’hin, khawpi ah kipat pawtdok in, gamlak ah giak ding la hi tai; Babulon tiang in chia pek ding la hi. Zia tak ah chun la mêlmate khut ah kipat in, hukdok in um in la tin, Lalpanangma hun tandok ding ahi.

MIKAH 4:10 ပူးပေါင်းရင်းမြစ်များ

2 LENGTE 20:18

La chapate lak ah hung piang dingte natiang in, nangma ah kipat pui mang in hung um intin uh; tichun, Babulon lengpa In ah chun mi tilge in um ta ding a hiu,” a tia.

2 LENGTE 25:4

Ziaphatchun, khawpi kulbâng mun khat a phevang ua, Lengpa tawh a sepaite chu zia jan ah chun Lengpa huan pâm ah, kulbâng thua ni kikâl ah chia in kul kotkhak ah Kaldaite, amau ûm kîmvêlte lak chu hawtheng in a taidok ua, Arabah lam zuan in a tai pek tau a.

2 KHANGTHU 33:11

Ziaziakchun, Assuria lengpa sepaite hotu haw chu Lalpa‘n hun sawl in, Manasseh chu man in thikkhau lingnei leh kol busak in, Babulon khua lam in a pui mang tau hi.

2 KHANGTHU 36:20

Chemjam ah thi lo sunte chu Babulon lam ah a suak leh sal ding un a pui mang un; Persia lenggam a hung dindaw masangsia chu, a tu leh chateu tiang ah a suak un a pang tau hi.

2 KHANGTHU 36:23

“Persia gam ah Lengpa Kuras in zia gual hin a gen a: Van Pathian, Lalpa chun khawvel lenggam zosia hi ka khut in ei pia ta hen; ama chun Judai gam ah Jerusalem khua a In ding pakhat sadok dingin thu ei pia ta ahi. La lak ua kua kua hi ama mi la um awm? Lalpa la Pathian un hun umpi ta hen! Zia gual mi taphot chu chia to kit tau hen!” ti in.

SAM 106:10

A mêlmateu khut ah kipat in a hukhing a, gâlte khut ah kipat in a hukdok tai.

ISAI 43:14

Lalpa, nanghaw Tandokpa, Israel Mithiangtho chun: Nangmau ziakin Babulon ah mi sawl ing ka tin, a khawpi kul zosiau hisia’n, Kaldaite limna husa chu Kâ La’n theng ding ka hi.

ISAI 45:13

Dikna’n Kuras chu ka choktho in, a chiana ding lam zosia’ lawtin sak ding ka hi; a man leh kipak man a mu ding ziak le hilo in, ka khawpi chu tungding kit intin, ka mi saltângte chu hun thâdok ding ahi, ti’n sepai honte Lalpa chun a gen hi.

ISAI 48:20

Babulonte ah kipat pawtdok unla, Kaldaite ah kipat in tai mang un; kipak tak ah kiko in, “Lalpa‘n a suak Jakob chu a hukdok tai,” ti’n, kawlkil tiang in genjak unla, va puangjak tau in.

JEREMIAH 13:4

“La dialchen chawk, la kawng ah la chên kha chawi inla, Euphrates luipi’ chia inla, zia tak ah suang kêk kâl khat ah chun vasêlgu’n,” ei ti’n.

JEREMIAH 15:21

Mi nunsiate khut ah kipat hun hukdok ing ka tin, khawksak beite mat phâk lo dingin, hun hukdok ding ka hi.

JEREMIAH 29:20

Tu’hin vang, nanghaw Jerusalem ah kipat Babulon ah saltâng ding ah ka sawlmangte haw, Lalpa thugen hi a la ngai tau in:

JEREMIAH 4:31

Numei naunei gual ah gim aw ka hia’n, a chatil nei ding gual ah thuakgim aw gi gual ah, Zion chanu halâ tak ah a khut van ah kiko chun, “Ka chung a gik na lawm lawm e! Ei that dingte âng ah chun ka basam tai,” ti aw chu ka he ta ahi.

JEREMIAH 48:41

Khawpite chu lâk hi’ntin, kulpi dette chu lûdaw in um in a. Zia ni chuleh Moab sepai hangsante lungchang chu, numei naunei dingte lungchang gual in, lauthawng ta’n au.

JEREMIAH 52:27

Chuleh, Babulon Lengpa chun zia zosia chu Hamath gam ah Riblah ah chun a that sik sek tai. Chutichun, Judai gam ah mite chu a gam paw lam un sal ah puimang in a um zo tau hi.

HOSEA 1:10

Ahi’nla, Israel mipi chu tuisuagiat ah piaunêl te’ zaw gual lo leh simsên gual lo jat hi’n tiu in, a kiang un, “Ka mite la hipuau,” ti’na mun ah chun, amau kiang in, “Pathian hing chate,” ti hung hita’n au.

HOSEA 13:13

Numei nauvei natna gual a chung in a hung tung a; himaleh, ama chu chapa ngol ahi. A pian hun tak in nau pianna kot lam a hun zuan ta puai.

HOSEA 2:14

Ziaziakchun, tun ama jawl ing ka tin, gamthip ah pui ing ka tin, aw nem tak in ama jawl ing ka.

MIKAH 5:2

Himaleh, nang Ephrath ah Beth-lehem, Judah phungneute lak ah khat himale chinle, nangma ah kipat in Israelte vaihawm piak ding, mi pakhat hung pawt ding ahi ngal a; a hung kipatna chu nidang lai ah, khanglui hun ah kipat ahi.

MIKAH 5:3

Ziaziakchun, nauvei nu’n nau a hun hin masang sia chu, amau chu Lalpa’n kiheisan in a; ziaphat chuleh, a chanau la umsun te chu, Israel mite kiang in kile’kit ta’n au.

THUPUAN 12:14

Numei chu, hun khat, hunte leh hun kim khat sung, zia gûlpi ah kipat chu jam mang ah gamthip ah ama vâk ah a umna mun ah leng lut dingin mupi thâ pani a piau a.