MIKAH 4:1 - PATHIAN LEKHABU THIANGTHO (BSI)

¹ Tu’nung tak leh Lalpa In umna tâng chu, tângte lak ah a sâng pen, mualte chung lam ah chun sukdet in hung um in a. Namtin zia chun chia khawm in,

MIKAH 4:1 ပူးပေါင်းရင်းမြစ်များ

THILSIAM THU 49:1

Chun, Jakob in a chate zosia a ko khawm ah, zia gual hin a gen a: “Ni nunung lam leh, la chung ua thil hung tung dingte ka hun gen piak theina dingin hung khawm un:” a tia.

THILSIAM THU 49:10

Laltiang chu Judah lak ah mang pua’n tin, vaihawmna laltiang chu a kêngkâl ah kipat bei diak pua’n a;

SAM 110:3

La tâng thiangtho ah la sepaite ma la hun pui phat leh, la mipite chu nang â ding ah, thanuam tak in hung kipia’n tiu in; jingkal matak ah daichîm gual in, la khanglaite chu la kiang in hung in au.

SAM 22:27

Kawlkil tiang ah mite’n hezing in, Lalpa lam hun nga ta’n au; namtin ah kipat chitinte a ma’n kûn ta’n au.

SAM 48:1

I Pathian khawpi Lalpa chu a lopi hen, lopi tak ah chawihoi ding ahi!

SAM 86:9

Aw Lalpa, la siamsa nam dang zosia chu, hung intiu in, la ma’n hung kûn intiu in, la min hun chawihoi ta’n au.

ISAI 27:13

Chuleh, zia ni phat chuleh, pengkul lian tak chu mût hita’n a. Ziaphat chuleh, Assuria gam ah matsua ah umte leh, Aigupta gam ah nawmang ah um zosia chu hung khawm in, Jerusalem ah tâng Thiangtho ah chun Lalpa hung ho ta’n au.

ISAI 43:6

mal gam kiang in, “Hun pedok un,” ti’ng ka tin; sim gam kiang inle, “Tuchak ta kiu in, gamla tak ah kipat in ka chapate chu hun pui unla, leimong lam ah kipat in, ka chanute hun pui khawm tau in,

ISAI 49:6

Israelte lak ah a suakcha sunte tundin kit ah, Jakob namte photdin kitna ding ah, ka suak ah la pan hi thil bailam ahi puai; kawlkil tiang ah mite kiang chan ah, ka hukdamna a tun theina dingin, namtin salvâk dingin hun siam ding ka hi.

ISAI 54:2

La puan In mun chu kêk lian inla, la chênna puanjakte chu jak pal in; îtcha kin la, la khauhualte chu zopbe inla, a hênnate chule khêndet in.

ISAI 56:7

amau chu ka tâng thiangtho ah pui tung ing ka tin, ka In pauchapna In ah chun, kipak tak ah um dingin siam ing ka. A hâlmang thillatteu leh a kithoinateu chu, ka mâichâm ah pom hita’n a. Ka In chu mi zosia â ding ah pauchapna In, hung hiding ahi ngal a.

JEREMIAH 16:19

Aw Lalpa, ka hatna leh ka kulpi, buai lai ah ka kisêlna; kawl kîmvêl ah kipat namtin hung khawm in, la kiang in: Ka pu leh pateu in zuau thu leh, thil manlote tilo ngal, bangma a la lemlaw puau hi.

JEREMIAH 26:18

“Moreseth khua jawlnei Mikah in, Judai gam ah Lengpa Hezekiah dam lai in thu a gen a, Judai gam ah mipi zosiate kiang in: ‘Sepai honte Lalpa‘n zia gual hin thu a gen hi,’ a ti’n: ‘Zion chu lou gual ah kai hi’n a; Jerusalem khua chu ki’dak kipaikhawm vûm gual hi’ntin, tempul umna tâng le gammâng hung suak in a,’ ti in,” a tia.

JEREMIAH 3:17

Ziaphat chuleh, Jerusalem chu Lalpa lalchutpha ti hung hita’n tin, Jerusalem ah Lalpa umna chun, nam tinte hung khawm in au; a lungthim ngaituanau phalo tak chu lochal tak in zui zing ta pua’n au.

JEREMIAH 31:12

Zion tângvûm ah hung in, Lâ ngai tak in hung sa ta’n au; a chung ua Lalpa a phatna ziak leh, bu leh uain leh sathau ah te, bawngnote leh belamnote ziakin, a mai uh tai ma ma ta’n a; a hinnau chu tui in a chapno zing, huan tawhbang hi’ntin, thavai tak in um ta pua’n au.

JEREMIAH 48:47

Ahi’n la, ni nunung lam tak leh, Moab vangphatna tungding kit ding ka hi, Lalpa‘n a tii.

EZEKIEL 38:16

sûmpi’n lei chung a khû gual in, ka mipi Israelte do dingin hung kuan in lau. Hun nunung lam leh, ka gam do ding in hun pui ing ka tin, ka thiantho’na a muthei ding ua nang chung ah ka hun hilat phat leh, aw Gog, namtin in Keima ei hun he ta’n au.

EZEKIEL 40:2

kilâkna’n Pathian in Israel gam ah ei la pui tung ah, tângsâng tak in ei koi ah, simlam kâi in khawpi tawh bang khat a um a.

EZEKIEL 43:12

Zia hi Tempul dan chu ahi: Tângvum kîmvêl zosia chu mun thiangtho pen hi’n a. Ngai in, zia hi Tempul dan chu ahi, ti’n a gen a.

DANIAL 10:14

ni tawp lam leh la mite chung ah bang gual thil hung tung ding a hem, ti hiatthiamsak ding ah la kiang ah hung ka hi,” ti’n a hun gen a.

DANIAL 2:28

himaleh, van ah Pathian pakhat, thugûk zosia taklang sek a um in, ama chun khawvel huntawp ding lam ah bang gual ah thil hung um ding ahi em ti Lengpa Nebukadnezar kiang in a hun hiatsak ahi chu. Lupna chung ah la lup ah, la mang leh kilâkna la mu chu ziate hi a hiu:” a tia.

DANIAL 2:35

Chuleh, thîk tawh, tung tawh, sum-eng tawh, sanate chu a leng un nipi lai ah buphual ah busi gual mai in a buang dim dem tau ah; chuleh, hui in a hun mût mang ta’n, a um nau him himle mu ding a um ta puai. Himaleh, zia milim hun sepnawn suangtum chu mual lian tak hung suak in, lei chung pumpi a hun lua suak tai.

DANIAL 2:44

Chuleh, zia gual ah lengte um sung ah chun, van Pathian in lenggam khat hun tungdok intin, zia chu kuama’n susia thei pua’n tiu in, zia lenggam chun kuama â ding khêk ta pua’n a. Zia lenggam chun lenggam dang zosia khen nawn dim dem in, subei zo ta’n a; ama chu vang kumtuang in umden ta’n a;

DANIAL 7:14

A kiang ah vaihawmna, lopina leh lalna piak ahi’n; tichun, mi zosia, nam zosia leh, pau zosia’n a na a septheina ding un. A vaihawmna’n kumtuang a dai in, tawp ngai ngai pua’n a; a lalna le hisiat thei hipua’n a.

DANIAL 7:18

Himaleh, Chungnung pen ah Mithiangtho chun lenggamte chang intin, kumtuang tiang in changden ta’n a,” a hun ti tai.

DANIAL 7:22

Tuan ah tâng ah mi a hung phat ah chun, Chungnung pen mithiangthote chung ah vaihawmna piak in a um ta’n; amau chu a zo ta mai a; chuleh, mithiangthote lenggam a channa ding hun uh a hung tung tai.

DANIAL 7:27

Van nuai khawvel ah lalna zosia leh thuneina zosia, Chungnung Penpa mi thiangthote kiang ah piak hita’n a; a lenggam chu kumtuang lenggam hita’n tin, thuneina zosia’n ama na sêm in, a thu mang ta’n au, ti in.

HOSEA 3:5

Zia nung chuleh, Israelte hung kile’kit in, Lalpa a Pathian uh leh David, a leng uh chu hun hawl ta’n au; ni nunung lam ah chun Lalpa leh a phatna chu lau kawm in zuan in au.

MIKAH 3:12

Ziaziakchun, nangma ziakin Zion chu, lou gual ah kaibuat in hung um in a; Jerusalem chu ki’dak buaksia paikhawmna mun hung hi’ntin, tempul umna mual chule gammâng thingbuk lak hung suak in a.

ZEKARIAH 14:10

Gam zosia chu Geba ah kipat Jerusalem simlam ah Rimmon tiang in, phâizawl hung hita’n a. Ahi’n, Jerusalem vang chawisa’n ah um in, Benjamin Kotpi a tiu ah kipat Kotpi umna masa a Kil ah Kotpi tiang; chuleh, Hananel In sâng ah kipat lengpa uain sûkna phual mun tiang chu bit tak in um ta’n a.

ZEKARIAH 2:11

Zia ni chuleh, nam tam tak in Lalpa zawm ta’n tiu in, ka mite hita’n au; chun, la lak un chêng ta’ng ka. Chuleh, sepai honte Lalpa chun ei sawl ka hi ti hun he ta’n lau.

ZEKARIAH 8:3

Chuleh, sepai honte Lalpa‘n zia gual hin a gen hi: Zion ah hung kit ing ka tin, Jerusalem lailung ah chêng ding ka hi; tichun, Jerusalem chu khawpi ginum leh sepai honte Lalpa umna tâng thiangtho hung hita’n a.

MALAKI 1:11

Ni suakna lam ah pat a tumna tiang in ka min namtin lak in a thang ta ngal a; muntin ah ka min in gimtui leh thillat thiangtho chu lat ahi ngal a; namtin lak in ka min chu a lopi ngal a, sepai honte Lalpa chun a ti ahi.

NASEPTE 2:17

Pathian in, ni nunung lam leh, mizosia chung in ka Thagau buntha’ng ka tin; chutichun, la chapateu leh la chanuteu in thu gen intiu in; la tangvalteu in kilâknate mu’n tiu in, la têkseteu chun mang in mat in au.

HEBRAITE 1:2

tu’hun nunung lam ah hin vang a Chapa in I kiang un thu a gen zaw tai; a Chapa chu bangkim golua dingin a têl ah, ama mang in Pathian in khawvel hi a la siam tai.

2 PETER 3:3

Zia hi he masau in: Ninunung lam leh mi simmaw hâtte chu amau nopna dungzui in simmaw ah ho kawm in hung intiu in:

THUPUAN 11:15

Chun, vansawlchâk pasagina chun a pengkul chu a mût leh, van ah aw thupi tak a hung gi’, “Zia khawvel lenggam hi Lalpa leh, a Khrista gam a hita hen; ama chun kumtuang in vaihawm ta’n a,” a hun tia.

THUPUAN 15:4

Aw Lalpa, kua a hem nang lau lo ah, la min chawihoi lo ding um? Nang bep chu thiangtho la hi’n, nam zosia hung intiu in, la ma’n hung bokkhup ding a hiu, la dikna nasepte chu a kilat tâk ziakin,” ti in.

THUPUAN 20:4

Chun, lalchutphate leh a chung ah kichute chu ka mu’n, a kiang un vaihawmna piak ahi’n. A khut ua a hem, a chal ua a hem ah tepte ding a la nuamlote, sahângle ho nuam lo ah, a limle ho nuam lo ah, Pathian thu leh Jesu hetpina ziak ah a ngawng uh tan ah a la umte thagau chule ka mu’n; amau chu Khrista tawh um khawm in, vai a hawm khawm un.