MIKAH 3:6 - PATHIAN LEKHABU THIANGTHO (BSI)

⁶ Ziaziakchun, kilâkna la mutheilona ding ah, jan hung hi’ntin; kilâkna him him la mutheilona ding ua, thim hun jin khumsak ding ka hi; jawlneite â dingin nisa’n mual khum ta’n tin, sûnle amau chung in khawthim hita’n a;

MIKAH 3:6 ပူးပေါင်းရင်းမြစ်များ

SAM 74:9

I teptênateu I mu zo ta puau a; jawlnei him him a um ta puau in, a sawt ding dan he him himle, I lak un a um ta puai.

ISAI 29:10

Lalpa‘n i-mut thûtna thagau la chung un, a hun buntha ta’n, nang uh jawlneite, la mit uh a hun tuam piak tai; nang uh mulawk theite, la luchang uh a tuam piak tai.

ISAI 59:10

Mitthûm gual in bâng ka jût un, mit beite gual in ka kimai ui; thim lak ah kisui gual in, sûnchang lai tak inle ka kisui un, mi thatho takte lak in, mithi ka bang bep ui.

JEREMIAH 13:16

Thimna a hun tunsak ah, phalvak ah mualte ah la keng uh la kisui masang un, Lalpa la Pathian uh chu choihoina piau in; vâk la hawl lai un ama’n lungjinna leh, thimpi a hun suaksak ta hi.

JEREMIAH 15:9

Cha sagi neinu chu hatsam ah chausia’n, a hat lâk ding bep a buaipi tai; sûn lai tak in a nisa chu a tum tai; zakcha leh mualpho tak in a um tai. A dang cheng chu a mêlmateu âng ah chemjam ah, thalup dingin pia ta’ng ka, Lalpa‘n a tii.

JEREMIAH 18:18

Ziaphatchun amau in, “Hung tiam un, Jeremiah chung thu ngaitua hitiu, ei zilsak ding thiampu leh ei hil ding mipil tasam pua’n tin, thugen ding jawlnei le tasam diak pua’n a. Hung unla, ama do in hêk hitiu in, a thugen him him ngaisak ta puai tiu,” a tiu a.

EZEKIEL 13:9

Ka khut in jawlnei lêmte zuau thil mu, zuau thu gente hun do ding ka hi; ka mipite vaihawmna lak in pang pua’n tiu in, Israel Inkuante min ziklutna’nle pang pua’n tiu in, Israelte gam inle lût diak pua’n au; chuleh, Lalpa Pathian ka hi’dan hun he ta’n lau.

EZEKIEL 7:26

Siatna a sawn sawn in tung intin, gâl thuthang a sawn sawn in tung in a; jawlnei ah kipat kilâkna hawl veng vung ta’n au, thiampute ah kipat zilsakna bei ta’n tin, upate ah kipat puihuaina thugen le um diak ta pua’n a.

AMOS 8:11

Lalpa Pathian in: Gam sung ah kial ka tun sakna ding hun chu, matheilo in a hung tung ding ahi tai; an ah kialna hilo, tui du ah kialna le hi diak lo in, Lalpa thu hetna ah kialna ahi.

MIKAH 2:6

Mipite chun, “Ka chungthuu ah hin thu gen kin, zia gual thilte chu gen him him kin. Pathian in ei mualphosak lo ding ahi.