MIKAH 3:4 - PATHIAN LEKHABU THIANGTHO (BSI)

⁴ Ziaphat chuleh, Lalpa hun ko intiu in, ahi’n la, hun dawnhu ta pua’n a; ziaphat chuleh, nunsia tak ah a tawi ziak un, amau kisêl mangsan ta’n a.

MIKAH 3:4 ပူးပေါင်းရင်းမြစ်များ

JOB LEKHABU 27:9

Buaina a hun tuak phat ua leh a kiko’na thawm uh, Pathian in hun ngaitha ding a hem?

JOB LEKHABU 35:13

Mawk pauchap mai maite chu, Pathian in dawnhu ngai pua’n a, Hat Chungnung Pathian chun a ngaisak ngai puai.

SAM 18:41

Panpitu ding a ko un, himaleh, a hukdok ding kuama a um puai; Lalpa a ko un, ahi’n, a dawnhu ta puai.

THUPILTE 1:28

Ziaphat chuleh, ei hun ko in la tiu in, himaleh, hun dawnhu ta pua’ng ka; gunchu tak in ei hun hawl in la tiu in, himaleh, ei mupha ta pua’n lau.

THUPILTE 28:9

Dan le ngaisak talo mi chu, a pauchapna le ki’dak um ahi.

ISAI 1:15

La khut ua lei hun bat phat ua leh, nang uh mu lo dingin, ka mit sêlmang ing ka; tam veipi pauchap maleu chin, ngaitha pua’ng ka; la khut uh thisan in a dim ta ngâl a.

ISAI 3:11

Thil bawlkhialte chung a gik na e! A thil bawl khial uh tawh kigûn in, a chung un bawl thuk hiding a hiziak un, mi vangsia ahi nau e!

JEREMIAH 11:11

Ziaziakchun, Lalpa‘n zia gual hin a gen hi: A pumpel theilo hial ding un a chung un siatna hun tunsak tei tei ding ka hi; ei hun ko maleu le a la ngaitha lo ding ka hi.

JEREMIAH 14:12

Anngawl in pauchap maleu le, a dotnau ngaitha lo ding ka hi; hâlmang thilpiak leh thâilat thilpiakte hun lân maleule a la pom lo ding ka hi; himaleh, chemjam a hem, kialna a hem leh natpi a hem in a leng un hi’mangthai ing ka, ti in.

JEREMIAH 33:5

Ka lungnatna leh thangtawmna ziak ah ka thâlup dingte hung do ah, mithiluang ah hi’dim dingin Kaldaite hung ding a hiu; a gitlonau ziakin zia khawpi hi ka nungngatsan ahi tai.

JEREMIAH 5:31

Jawlneite’n diklo tak in thu a gen un, thiampute’n le jawlneite thupiak dungzui in vai a hawm ui; ka mite chun la zia gual nei chu a nuam un, a tawpna hung tung ta leh, bangti’n la bawl ta diam uh?

EZEKIEL 8:18

Ziaziakchun, lungna tak in thuk ing ka; kimulosak ta pua’ng ka tin, daidawp pua’ng ka; ka het in ngai tak in kap maleule, limsak ta pua’ng ka,” a ti tai.

MIKAH 3:7

thiamgau kisate chu zakcha ta’n tiu in, âisân thiam kisate chule mualpho ta’n au; a leng un a mûk uh humbit ta’n au, Pathian in amau hun dawnhu talo ding ahi ngal a.

MIKAH 7:13

Ahi’n, gam chu a sung ah chêngte ziak leh, a thilbawl gateu ziak ah chun nutsia in um ta’n au.

ZEKARIAH 7:13

Amau ka ko lai ah ei ngaisak lo gual un, ke’nle ei hun ko phat uh leh ngaisak lo ding ka hi, sepai honte Lalpa chun a tii;

MATTHAI 7:22

Zia ni tak chuleh mi tam tak in, “Lalpa, Lalpa, la min in thute ka gen sek in, la min in thithate ka deldok sek in, la min in thilmak tam tak le ka hisek hilo a hem?” a la ti’n au.

LUKA 13:25

Inneipa chu a hung kipat tak leh, a kot chu hun khak pai ngal intin, ziaphat chuleh, a pawlam ah kipat in, ‘Lalpa, Lalpa, kot ei hon in’ ti’n kot hun kiu intiu in; himaleh, ama chun, ‘Khoilam mi la hiu em ka hun hekha puai’ a la ti ta’n a.

JOHAN 9:31

Pathian in migilo thu a ngai pua’n; ahi’n la, kua’nle Pathian a ho ah, a doigual a bawl chun a ngaithâk piak sek hi.

JAKOB 2:13

Jangaina neilo chu jangaina bei ma’n vaihawm piak hi’n ah; jangaina chun vaihawmna a zo sek hi.

1 SAMUEL 8:18

Ziaphat chuleh, nangmau in la kitêl uh la lengpau ziakin hung kap ta’n la tiu in; himaleh, Lalpa‘n hun dawnhu ta pua’n ah,” ti’n a gen hi.