MIKAH 3:2 - PATHIAN LEKHABU THIANGTHO (BSI)

² Thilpha doi lo in, thil phalo la dawi un, ka mite vun lip te haw, a guteu ah kipat in a pheu la âtthau in;

MIKAH 3:2 ပူးပေါင်းရင်းမြစ်များ

1 LENGTE 21:20

Ahab in Elijah kiang in, “Lei mudok tai maw, aw ka mêlmapa?” a tia. Ama chun a dawnhu a, “Ka hun mudok tai! Lalpa mit mu ah thil phalo bawl ding ah la kizokdaw tâk ziakin,

2 KHANGTHU 19:2

Hanani chapa Jehu, thiamgau chu ama mu dingin a chia ah, Lengpa Jehoshaphat kiangah chun, “Mi nunsiapa panpi in, Lalpa mu nuamlote chu ngaina zing nalai ding la hem? Zia gual ah la um ziak ah chun, la chung ah Lalpa hachang thak ding ahi.

SAM 15:4

a mit ua mi nunsiate simmaw a, Lalpa laute ngaisâng ah; ama liamna ding tiang ah le a thutiam ah ding det ah, a tiamsa hi’danglam kit ngailo mite;

SAM 53:4

Thil phalo bawlte chun hetthiamna neilo ah, vaithum a nêk gual un ka mite a ne zo tau ah, Pathian le ko diak lo a hiu em?

THUPILTE 28:4

Dan khawksalote chu migilo chawisâng a hiu a, ahi’n, dan zawmtu chun zia gual mite chu a dodâl sek ui.

ISAI 3:15

Migentheite la gawtnawi un, ka mipite la khet gawp uh chu, bang la ti’nau ahi em? Sepai honte Lalpa Pathian in a tii.

ISAI 5:20

Thil phalo phasa’, a pha phalo sate, a vakna ding thimsak ah, a thimna ding vaksak sek ah; a thum ding khâtsak ah, a kha ding thumsakte haw, la chung uh a gik hi!

ISAI 57:12

La diknau leh la thil bawlteu hun tâklang ding ka hi; maleh, ziate chu phachuam pua’n a.

EZEKIEL 11:7

Zaziakchun, Lalpa Pathian in zia gual hin a gen hi: Khawpi sung ah mithiluang la koi uh haw chu a sa hi’n tin; chuleh, zia khawpi hi a sahuanna bêl chu ahi; himaleh, zia kipat chun lak daw in um in lau.

EZEKIEL 22:27

A sung ah vaihawm hotute chu, ngei sane lai gual chu a hiu a; thisan a suau ah, diklo tak ah lawkna hawl in mi hinna a lau hi.

EZEKIEL 24:4

sa semsa chu thâk inla, a sapha zosia, a mal, a liang leh a gu pha pente chu thâk dim in.

EZEKIEL 34:3

A nawiteu la neu ah, a multeu kituam lumna’n la mang un, a thau cha cha la kithau in; himaleh, belamte chu la vâk puau hi.

AMOS 4:1

Zia thute hi ngai un, nang uh Bashan ah bawngpite haw: Samaria tâng chung ah um ah, michagate sugenthei ah, mi tasamte tawden ah, a pawsalteu kiang ah, “Bang a hem khat dawn ding hun lau in,” tite haw.

AMOS 5:15

Gitlona huau inla, phatna ngaina tau in; kul kotbul ah vaihawmna dik din tau in; Joseph Inkuan a um nalai sunte chung ah Lalpa, sepai honte Pathian chun lungsiatna a hun nei khâk leh.

MIKAH 2:8

Himaleh, nanghaw vang ka mite chung ah, mêlma gual in la hung dingdok tau in; kido nuam lo ah gâlmuang tak ah, vâkvêlte lak ah kipat in, a puanâk chualteu la sât thâk piak tau hi.

MIKAH 7:2

Lei chung ah hin mi ginum a um ta pua’n, mi diktat him him le a um ta puai; thisan sua ding châng in a um zo tau in, mitin in mi dang khat chiat lên in a ngîm tau hi.

MIKAH 7:3

A khutteu chu thil phalo bawl a thiam ma mau in; a milianteu leh thutanteu chun golgûkna a don un; mi thuneite chun a duthusam dungzui tak un a zikdaw sak un; tichun, dikna chu a heikawi tau hi.

ZEPHANIAH 3:3

A sung ah miliante chu, sakeibaknei kitum gual a hiu in; a vaihawmteu le nitâk lam ngei gilkial, jingkal tiang ah bangma khêkchâk nei lo gual a hiu.

LUKA 19:14

Himaleh, a gam mite chun ama chu a mu nuam puau ah, a chia nung ah chun palai a sawl zui un, ‘Zia pa hi ka chung ua vaihawm dingin ka doi puau hi,’ a tiu a.

JOHAN 18:40

A hung kiko ua, “Zia pa hi hilo in, Barabba kha hun thâdok zaw’n,” a tiu a. Zia Barabba chu suammang ahi.

JOHAN 7:7

Nang uh khawvel in a hun hawthei pua’n, keima ka hileh chu ei huau ahi, a thil phalo bawlteu a phatlo dan ka gendaw piak ziakin.

ROMTE 1:32

Pathian in zia tawhbang mite chung thu chu a tan piak tak leh, thi tâk ah vaihawm piak ah um ding a hiu ti a hezing tho ui; himaleh, amau thil diklo bawlte bep le tongkhop lo in, zia gual ah bawl sek, midangte chule a kipakpi nalai sêt ui.

ROMTE 12:9

Hepina chu dawha panglo hihen la. Thil phalo chu huau inla, a pha chu tudet tau in.

2 TIMOTHI 3:3

hepina pianpi neilote, kihochampi theilote, migensiat hatte, kisûm theilote, mi huhamte, phatna doilote,