MIKAH 3:11 - PATHIAN LEKHABU THIANGTHO (BSI)

¹¹ A vaihawmteu in golgûkna’n vai a hawm un, a thiamputeu inle law mu’na ding bep in a zilsak un; a jawlneiteu inle sum mu ding kinem in thu a gen sek ui; chutisapi’nle, Lalpa chung ah a ki-ngau in “Lalpaei umpi ngei hi! I chung ua siatna bangma hung tung pua’n ah,” ti’n thu a gen sek ui.

MIKAH 3:11 ပူးပေါင်းရင်းမြစ်များ

THUPILTE 17:23

Mi nunsia chun vaihawmna dik pêtsanna dingin, golgûkna a la sek hi.

ISAI 1:23

La lal chapateu chu a huhel zo tau a, guchate lawipha a suak zo tau hi. Mitin in golgûkna a ngainau ah, a thawn ah thil mu a del ui. Nauchaga a ngaisak puau a, meithâite buaina le a ngaisak ta puau hi.

ISAI 48:2

Khawpi thiangtho min ah kiminvua te, Israelte Pathian ah kinga ah, la kisaktheipi ma mau chu; a min, sepai honte Lalpa ahi.

ISAI 5:23

a thiamlote golgûkna ziak ah thiam chansak ah, bawlkhial neilote a diknau lâkpiakte haw, la chung uh a gik hi!

ISAI 56:11

Uicha chu a gawlsan un, vâ chintawk a nei puau hi. Belampute’nle hiatthiamna a nei puau in; a leng un amau lawkna ding bep ngaitua in, amau lampi chiat a zui zo tau hi.

JEREMIAH 23:17

Lalpa thu bangma ngailote kiang in, “Thil phalo bangma tuak pua’n lau,” a tipiak zing un; chuleh, amau ngaituana bep lochal tak ah zuite kiang ah chun, “La chung un siatna hung tung pua’n a,” a ti sek ui.

JEREMIAH 26:7

Thiampute, jawlneite leh mipite zosia chun, Lalpa In ah Jeremiah in zia thu a gente zosia chu a hechiat tau a.

JEREMIAH 5:12

Lalpa chu lepchia in a ngawu a, “Bangma bawl lo hial in a. I chung un siatna bangma tung pua’n tin, chemjam a hem kialna a hem tuak puai tiu,” a tiu a.

JEREMIAH 6:13

A neu pen ah kipat a lian pen tiang in, lawkna lam in a huaihap un; jawlnei ah kipat thiampute tiang in, mitin in diklo tak in a bawl chiat tau hi.

JEREMIAH 7:4

“Zia hi Lalpa tempul ahi, Lalpa tempul ahi, Lalpa tempul ahi! Kuama’n bangma ei law pua’n au,” ti ah kithepna thute hi taksang kiu in.

JEREMIAH 8:10

Ziaziakchun, a jiteu chu midang pia’ng ka tin, a louteu chule a gâlteu pia’ng ka; a lak ua a neu pen ah kipat a lian pen tiang in, lawkna diklo ah huaihap ngen a hiziak un; jawlnei ah kipat thiampu tiang in, zuau thu ngen in thil a bawl tau hi.

EZEKIEL 22:12

Nangma ah thisan sua’na dingin golgûkna a lau ah; sum bat man ding leh a sum pung la lau a; chuleh, la Invêngte neisa lâkpiak in kihihausat la guau a; tichun, keima lei hemil tau hi, Lalpa Pathian in a tii.

EZEKIEL 22:27

A sung ah vaihawm hotute chu, ngei sane lai gual chu a hiu a; thisan a suau ah, diklo tak ah lawkna hawl in mi hinna a lau hi.

EZEKIEL 34:2

Mihing, Israelte chung ah belampute dem in thu gen inla, puitute kiang ah zia gual hin vagen in: Lalpa Pathian in zia gual hin a gen hi: Katei, nanghaw Israel belampu, nangmau bep kivâk ziang tate haw! Belampute chun a belamteu a vâk ding uh hilo a hem?

HOSEA 4:18

A zudawn uh a kichai phat leh, thanghuai tak in a kimang un; a lopinau sâng in a thanghuainau a ngaina zawu hi.

HOSEA 4:8

Ka mite gitlona chu kivâkna’n a mang un, a thulim lo’nau ah chun a huaihap ui.

AMOS 5:14

La hintheina ding un gitlona hilo, phatna chu hawl tau in; tichun, la gensa gual in, Lalpa, sepai honte Pathian chun hun umpi ta’n a.

AMOS 9:10

Ka mipite lak ah, “Siatna’n ei delpha pua’n tin, I chung unle tung pua’n a,” ti ah gilo zosia chu chemjam ah satlum in um in au.

MIKAH 3:5

A kam ua nêk ding a um lai sia, “Muanna,” ti ah kiko ah, a kam ua nêk ding hun koilote chu, do ding ah kisa ziang sek, ka mipite pui kawi bep jawlneite kiang ah chun, Lalpazia gual hin thu a gen hi.

MIKAH 7:3

A khutteu chu thil phalo bawl a thiam ma mau in; a milianteu leh thutanteu chun golgûkna a don un; mi thuneite chun a duthusam dungzui tak un a zikdaw sak un; tichun, dikna chu a heikawi tau hi.

ZEPHANIAH 3:3

A sung ah miliante chu, sakeibaknei kitum gual a hiu in; a vaihawmteu le nitâk lam ngei gilkial, jingkal tiang ah bangma khêkchâk nei lo gual a hiu.

ZEPHANIAH 3:4

A jawlneiteu chu khawni ngailo leh ginumlote a hiu a; a thiamputeu in thilzek a subuak un, dan a botsiau a.

MALAKI 1:10

Nanghaw lak ah mi pakhat bêk ka mâichâm ah a thawn mai ah mei sêm ahilo’na ding ah, ka tempul kotkhak vakhâk ding um maileu chin aw! La chung ua kipakna him ka nei pua’n, la khut ua kipat thillat chu pom him him pua’ng ka, sepai honte Lalpa chun a ti ahi.

MALAKI 2:9

Ka lampite zui lo ah, la zilsaknau ah doichuam la nei dungzui tak un, mitin lak ah tawden leh musit in hun umsak ding ka hi.

KISIMNA LEKHABU 16:15

A chung un Mosi a lungna ma ma ta’n, Lalpa kiang in, “A thillat uh bang ma pom piak kin. A sabiltung uh khat chale ka lâkpiak kha pua’n, a lak ua mi pakhatle ka gentheisak kha diak puai,” a tia.

KISIMNA LEKHABU 22:7

Tichun, Moab upate tawh Midian upate chu a khut ua âisân man ding chawi in a pawt tau a; chuleh, Balaam kiang a hung tun phat un, Balak thugente chu a hil tau a.

MATTHAI 3:9

Abraham chu ei suanpa ahi ti ziang kiu in, Pathian in zia suangte hi le Abraham suante a chansak thei hi ti ka hil la hiu.

1 TIMOTHI 3:3

zudawn mi hilo, khutthâk chîng lo ah mi nunnem hizaw, kinak chîng lo leh dangka ngaina lo ahi ding ahi.

TITA 1:11

Zia gual mite chun lawkna dik lo ngaitua in, thu hilo lo gen in mi a Inkuan kuan in a susia sek ua, ziate chu a kam uh huk piak ding a hiu.

1 PETER 5:2

La khut ua vopsak ah um, Pathian belam hon chu chingtup un; hi’ ding a hiziak bep hilo in, Pathian thu gual ah thanuam tak zaw’n, lawkna hawl ziak le hilo in, lungthim ah dawi tak zaw’n,

JUDA 1:11

A chung uh a gik hi! Kaina lampi a zui un, lawkna del ah Balaam dik lona chun ha’tai in a tai un; Korah helna chun a mangthai khawm tau hi.

1 SAMUEL 8:3

Himaleh, a chate hin ama umchan zui lo in, amau lawkna ding bep a ngaituau ah; golgûkna a lau ah, diklo tak in vai a hawm tau hi.