MIKAH 2:7 - PATHIAN LEKHABU THIANGTHO (BSI)

⁷ Israel mipite hi hânsia dong ah la bawl a hem? Lalpazaidaw zo lo a hita a hem? Zia gual tak ah chun bawl lawm lawm ding a hem? dik tak ah bawlte chu, nem tak in a kiang ua thu gen lo ding a hem?” a tiu a.

MIKAH 2:7 ပူးပေါင်းရင်းမြစ်များ

SAM 119:65

Aw Lalpa, la thu dungzui in la suak hi la bawl pha tai.

SAM 119:68

Nang vang la pha hen, thilpha ngen la bawl hi; la thuguatte chu ei hil ta’n.

SAM 15:2

Dem kâi lo ah chia ah dik tak ah bawl, a lunggil tak ah kipat thutak gen mite,

SAM 18:26

mithiangtho kiang ah chun thiangtho in la kilang in; mi lungkawi kiang ah chun nunkhawk tak in la kilang sek hi.

SAM 84:11

Lalpa Pathian chu nisa leh phaw ahi’n, ama’n doisakna leh jana a pia ngal a. Dik tak ah umte kiang ah chun, Lalpa‘n thilpha him him a ît ngai puai.

THUPILTE 10:29

Mi ginum â dingin Lalpa lampi chu a kulpi det ahi’n; himaleh, gitlona bawlte â dingin vang, manthaina a hisek hi.

THUPILTE 10:9

Diktatna lampi zuite chu bit tak in chia zing intin uh, lam diklo zuite chu vang matdaw ngal hi’n au.

THUPILTE 14:2

Lam dik ah chiate chun Lalpa a lau sek un, lam diklo haw mite chun a ngaitawm sek ui.

THUPILTE 2:7

mi lamzangte pilna a guan in, mi diktatte â dingin phaw ahi’n,

THUPILTE 28:18

Kuale dik tak ah um tapo chu bit intin, diklo tak ah um tapo chu kawkhûk ah kilîk lût in au.

ISAI 50:2

Ka hung lai ah khan bang ding ah pakhat chale, a la umlo la hiu em? Ka hun ko lai ah khan bang ding ah, pakhat cha’nle ei dawnhu lo la hiu em? Hukdok theilo ding khop ah ka khut chu, sukchom in a um ah a hem? Ahiloleh, hukdok zo lo ding ah, thahâtna neilo ka hi em? Ka vau leh tuisuagiat le a kang mai a, luipite le gamkeu ka suaksak a; tui tâksap ziakin a sung ah sangate le, a ui veng vung un, dangchâk ziakin a thi zo tau hi.

ISAI 58:1

Kikodok inla, kipadâm kin! Pengkul gual in la aw hun sua in! Ka mipite’n a bawlkhialnau hil inla, Jakob Inkuante kiang in a gitlonau tâklang in.

JEREMIAH 15:16

La thute chu mudaw a hita’n, chuleh, ka ne ta hen; tichun, la thute chu kei â ding ah, limna leh ka lungthim kipakna a hung hi. Aw Lalpa, sepai honte Pathian, la min ah ko ah um sek ka hi’ngal a.

JEREMIAH 2:4

Aw Jakob Inkuante leh Israel Inkuante haw, Lalpa kam suak hi a la ngai tiam un.

HOSEA 14:9

Mipil taphot chun ziate hi hechian tau hen; hiatthiamna nei taphot in zia chu he tau hen. Lalpa lampite chu a dik in, mi dikte’n zia chu a haw un; himaleh, bawlsiate vang, zia chun a kipal pûk sek ui.

MIKAH 3:9

Nanghaw Jakob Inkuan ah hotute leh, Israel Inkuan ah vaihawmte haw, vaihawmna dik zosia ki’dak ah, dikna zosia bangmalo ah koite haw, zia thu hi a la ngai un.

ZEKARIAH 4:6

“Zia hi Zerubbabel kiang ah Lalpa thu hun gen chu ahi: Thagum hatna ziak hilo, thilhitheina ziak le hi diak lo in, ka thagau ziak bep in ahi, ti’n sepai honte Lalpa chun a ti’n.

KISIMNA LEKHABU 11:23

Lalpa chun Mosi a hun dawnhu ah, Lalpa thilhitheina chun chintawk a nei em? La kiang ah ka thugen chu a guitun leh guitun lo tu’hin mu ding la hi tai, a tia.

MATTHAI 3:8

Gitlo haisanna tawh kilawm ga chu hun sua phot tau in.

JOHAN 8:39

Amau chun a kiang in, “Ka Pau chu Abraham ahi,” a tiu a. Jesu’n a kiang un, “Abraham chate hileuchin, Abraham thilbawlte bawl ding la hiu in;

ROMTE 7:13

Ahileh, thilpha chu kei â dingin thina hung hita mai a hem? Hilo e! Gitlona chu kei â dingin thina a hung hizaw ta ahi. Tichun, gilo chu gitlona ahi ti a kilatna dingin, thilpha chu mang in ei that ta ahi; thupiak ziakin gitlo chu gitlona thupi tak a hung hi theina dingin.

2 KORINTH 6:12

Ka hun ngainatnau hin hun tawk a nei pua’n, nang uh lam bep ahi.

2 TIMOTHI 3:5

pawlam bep ah Pathian ngaisak, himaleh a thilhitheina taksanglote hi ding a hiu. Zia gual mite chu kiheisan in!