MIKAH 2:4 - PATHIAN LEKHABU THIANGTHO (BSI)

⁴ Zia ni chuleh, elho’na La hun sak khum ta’n tiu in; lusûnna La thasiat um tak hun sak khum ta’n au: “Suksiat dim dem ka hi tai; Lalpaka mite gochan ei lak piak in, bang gual ah ei lâk mang piak ahi tam le! Sal ah ei mante lak in ka lou uh a kihopsak tau,” ti in.

MIKAH 2:4 ပူးပေါင်းရင်းမြစ်များ

2 SAMUEL 1:17

David in zia kâ La hi Saul tawh a chapa Jonathan sûnna’n a sa tai.

2 KHANGTHU 35:25

Jeremiah in Josiah sûnna La a la phuak ah, tu’ni tiang hin pawsal Lasak thiam leh numei Lasak thiamte chun Josiah chu kâ La’n a awi nalai uh ahi. Zia chu Israelte lak ah chîndan ngai gual in a hun mang theng tau a, zia La te chu kâ La te lak ah zik lut in a um ta ahi.

JOB LEKHABU 27:1

Chuleh, Job in a thugen sunzom pek in zia gual hin a gen a:

ISAI 14:4

zia gual hin Babulon lengpa chu êngho ta’n la: bangtidan ah mi tawden talo! bangtidan ah mi êngho talo!

ISAI 24:3

Lei chu suksiat dim dem leh, chomgam sik sek hung hi’n a; Lalpa‘n zia gual ah um ding chun a la gen ta’ngal a.

ISAI 6:11

Ziaphatchun keima’n: “Aw Lalpa, bang chan ahi diam?” ti’n ka dong a. Ama’n ka kiang in: “Khawpite a lua ding um lo ah nutsia a hung hiu a, Inte le a chêng ding um lo ah, gam pumpi hisiat dim dem ah, a hawm ah nutsia ahi masia;

JEREMIAH 14:18

Gamlak ah chia leng, chemjam ah thite mu’ng ka tin, khawpi sung lut leng, kial thuak ah nat thuakte mu ding ka hi! Jawlnei hi’n, thiampu hitaleh, gam pumpi’n amau lawkna ding bep hawl in, a vak vêl vêl un, hetna him him a nei puau hi.

JEREMIAH 4:13

En un! Sûmpi gual in a hung kuandok hi, a sakol kângtalaiteu chule chîmpei a bang hi; a sakolteu chule mupi sâng in, a chan-gang zaw’n, I chung uh a gik na e! Suksiat I hi ta’ngal un.

JEREMIAH 6:12

A Inteu chu midang chang ta’n tiu in, a louteu leh a jiteu le midang chang ta’n au; zia gam ah chêng zosiate chung ah hin, ka khut hun tha ding ka hi’ngâl a, Lalpa‘n a tii.

JEREMIAH 8:10

Ziaziakchun, a jiteu chu midang pia’ng ka tin, a louteu chule a gâlteu pia’ng ka; a lak ua a neu pen ah kipat a lian pen tiang in, lawkna diklo ah huaihap ngen a hiziak un; jawlnei ah kipat thiampu tiang in, zuau thu ngen in thil a bawl tau hi.

JEREMIAH 9:10

Tângte â dingin kap leh mau ing ka tin, gamthip ah hampa munte chu sûn ing ka; kuama’n a haw tâk lona ding leh, gancha hon hâm git het ahi kit tâk lona ding ah, chomnâm ahi tâk ziak un; chunglêng vachate leh, gam sate zosia le a tai mang zo tau hi.

JEREMIAH 9:16

A pu leh pateu leh amau inle, a la het ngai lo uh nam tinte lak ah thejak ding ka hi; chuleh, ka sukchimit suak masia chemjam delzui sak nalai ding ka hi.

EZEKIEL 16:44

Ngai in, paukikna mang sek taphot in, zia paukikna hi la chung in hun mang ta’n au: “A chanu’n a nu dung a sûn hi,” ti in.

EZEKIEL 2:10

Ka âng in a hun phel jak ah; a pêk ma lam leh nung lam kizik gêl ahi’n; kâna, lusûnna leh mauna thu ngen a kizik hi.

JOEL 1:13

Nang uh thiampute haw, saidip puan sil in sûn tau in; nanghaw mâichâm ah nasêmte haw, thûm in mau tau in. Nanghaw ka Pathian nasêmte haw, hung unla, jankhua’n saidip puan sil tau in! La Pathian In ua kipat in, thâi thillat leh dawnchi thillatte a chawl tai.

JOEL 1:8

Nungak in saidip puan sil ah, a khangdawng lai pawsal a sûn gual in kap un.

AMOS 5:1

Aw Israel Inkuan ah mite haw, nang uh chung ah sûnna thu kâ La hi ngai tiam un:

AMOS 5:17

grep huan zosia ah chun thûm leh mauna um in ah; la lak uh hun hawtheng ding ka hi’ngal a, Lalpa‘n a tii.

MIKAH 1:15

Mareshah ah chêngte haw, a hun luadok ding khat hun sawl ding ka hi; Israelte lopina chu Adullam hung tung in a.

MIKAH 1:8

Ziaziak hin lungngai a kap in, mau ding ka hi; ngawnchang leh keng ngawn ah chia ing ka tin; si-alte gual ah ham in, vasakolte gual in thûmsak ing ka.

MIKAH 2:10

Kipan inla, chia in; zia tak hi kichawlna ding mun a hipaw ngal a, buakna a dim tâk ziak un, siatna huaisia tak in, nang uh le hun susia ding a hiu.

HABAKKUK 2:6

Zia gual mite chu mitin in a demna ding un, engho’na thuchingchom phuak intiu in, “Ama â hilo ah kisupung ah, kimisak chu a chung a gik na e! Mite kitiamna thil bang chan lakhawm nalai ding la hem?” a tiu a.

ZEPHANIAH 1:2

Lei chung ah kipat in thil zosia sumangthai sik sek ding ka hi, Lalpa‘n a tii.

KISIMNA LEKHABU 23:18

Ziaphatchun, Balaam in a thu mu chu a gen a: “Balak tho inla, he ta’n; Aw Zippor chapa, ka thu hi ngai in:

KISIMNA LEKHABU 23:7

Ziaphatchun, Balaam in zia gual hin a hun gen ta’n: “Sualam tânggam ah Moab lengpa Balak in, Aram gam ah kipat in ei hung ko a: ‘Hung inla, Jakob hi hânsia ei hung law piak in; Hung inla, Israel hi hânsia ei hung law piak in,’ a ti’n.

KISIMNA LEKHABU 24:15

Tichun, Balaam in a thu mu lawk chu a hun gendok ta’n: “Beor chapa Balaam in a thu mu, mihing mitvakna neipa thugen;

KISIMNA LEKHABU 24:3

tichun, zia gual hin thu a hun gen tai: “Beor chapa Balaam thugen, mihing mitvâkpa thugen chu,

MARKA 12:12

Zia thu chu amau demna a gen ahi ti a het phat un, ama chu mat a nuam tau a; himaleh, mipite chu a lau tau a; tichun, ama chu nusia in a chia mang tau hi.

DAN LEKHABU 28:29

thim lak ah mitthûm ah kimai mai gual un, sûnchang lai tak inle kimai kimai la tiu in, ahi’n la, la lampi ding uh mudok zo diak pua’n lau; tichun, mi dangte daichâkvai leh suam gam in um ta’n la tiu in, kuama a hun panpi ding um pua’n a.