MIKAH 2:13 - PATHIAN LEKHABU THIANGTHO (BSI)

¹³ A phu vang masate chu a masa’n chia intiu in; a kêlkotte phu sia’n chia theng ngal in au; a lengpau chun ma pui intin, Lalpa chu a luchang in pang ta’n a.

MIKAH 2:13 ပူးပေါင်းရင်းမြစ်များ

PAWTDAWNA THU 14:19

Pathian vansawlchâk, Israel sepaite ma-âng ah chia pek chu a nung lam un a hung kichawn ah; chuleh, sûmpi ding chule a ma-âng ua kipat hung kichawndok in, a nung lam uh dâl dingin a hung ding tai.

ISAI 42:7

mitthûmte mit hi’vâk piak ding, suangkul tângte hukdok ding leh, suangkul thim lak ah umte puidok dingin.

ISAI 51:12

Kei, Keima hi ka hi nanghaw hun thamuanpa chu; a thi mang ziang thei mihing bep leh, hampa gual ah vul kit ziang ding haw hi, bang ding ah lau la hiu em?

ISAI 52:12

Kinaw tak ah la chiau ngai pua’n tin, lauthawng ah taidaw le ngai pua’n a; Lalpa chun la mau pui intin, Israelte Pathian chun la nung uh, hun dâl ding ahi ngâl a.

ISAI 55:4

Ngai un, ama chu mipite â ding ah hiatpitu ding leh, mipite chung ah puitu leh thupetu hiding in, hun siam ding ka hi.

DANIAL 2:44

Chuleh, zia gual ah lengte um sung ah chun, van Pathian in lenggam khat hun tungdok intin, zia chu kuama’n susia thei pua’n tiu in, zia lenggam chun kuama â ding khêk ta pua’n a. Zia lenggam chun lenggam dang zosia khen nawn dim dem in, subei zo ta’n a; ama chu vang kumtuang in umden ta’n a;

HOSEA 1:11

Chun, Judah mipite leh Israel mipite kigawm khawm intiu in, amau â ding luchang pakhat, kiguat in au; zia gam chu lua ta’n au, Jezreel nikhua chu nasa ma ma ding ahi ngal a.

HOSEA 13:14

Sheol thuneina lak ah kipat in amau tandok ding ka hem? Thi’na kipat amau hukdok ding ka hem? Aw thi’na, khoi ah hem la gû chu? Aw Sheol, khoi ah hem la suksiat theina chu? Lainatna kiti chu ka mai ah kipat in sêl mang ahi tai.

HOSEA 2:2

La nuu hi gen piak unla, ama chu ka ji a hipuai ti hil un; keile a pawsal ka hita pua’n, a mai ah kipat in thanhuaina mêl haisan hen la, a ânglai nopna kipat in thanhuaina hi paitha ta hen;

HOSEA 3:5

Zia nung chuleh, Israelte hung kile’kit in, Lalpa a Pathian uh leh David, a leng uh chu hun hawl ta’n au; ni nunung lam ah chun Lalpa leh a phatna chu lau kawm in zuan in au.

MIKAH 2:12

Aw Jakob, la leng un hun pui khawm ngei ngei ing ka tin, Israel um nalai sunte chu hun pui khawm ding ka hi; belam hon a kul ah um khawm gual in, bawng hon hampa mun ah tâ gual in, hun pui khawm ngei ngei ding ka hi; zia ni chuleh, mipi husa chiak veng vung ta’n a.

MIKAH 3:1

Nanghaw Jakob Inkuan hotute leh, Israel Inkuan ah vaihawm zosiate haw ngai un! Vaihawmna dik chu he lo la hiu em? ka ti’n.

MIKAH 4:7

A kengbaite chu a um sun dingin hawi ing ka tin, pai mang ah umte chu, nam hat tak hiding in siam kit ing ka; LalpaZion tâng ah kipat in, a chung un tu’ kipat kumtuang tiang in vaihawm ta’n a.

ZEKARIAH 10:12

Lalpa ah chun hi’hat ing ka tin; tichun, ama min ziak ah chun chia tawl tawl ta’n au, Lalpa‘n a tii.

HEBRAITE 6:20

Zia chun Jesu, Melkisedek gual ah kumtuang thiampu lianpen a la hita chu, ei uh â dingin puanjak sung in a la lut tai.

JOSHUA 3:6

Joshua’n thiampute kiang in, “Thuthung thingkuang chu jawn unla, mipite malam ah la chia diu ahi,” ti’n a hil a. Tichun, thuthung thingkuang chu a jawn ua, mipite malam ah chun a chia tau a.

THUPUAN 17:14

Amau chun Belamno chu do intiu in; himaleh, Belamno chun amau chu zo in a; lalte Lal leh hotute Hotu ahi ngal a; tichun, a ko te leh a têl te leh ginumte chu a kiang ah chun um ta’n au, a tia.

THUPUAN 7:17

Belamno, lalchutpha lailung ah um chu, amau vêngtu hita’n tin, hinna tuikhukte ah pui intin, Pathian in a mit ua kipat, mitthi zosia thiak-hul ta’n a,” a tia.