MIKAH 2:11 - PATHIAN LEKHABU THIANGTHO (BSI)

¹¹ Mumal lo leh diklo tak ah: “Uain thu leh khamthei thu la kiang ah hun hil ding ka hi,” ti ah min zuau a hun gen ua leh, ziate chu zia mite â ding bep ah chun, a thugentuu hiding ahi.

MIKAH 2:11 ပူးပေါင်းရင်းမြစ်များ

1 LENGTE 13:18

Ziaphatchun, pakhat zawk chun a kiang in, “Keile nang tawh bang tho ah jawlnei khat ka hi’n, vansawlchâk pakhat in Pathian thu’n ka kiang in: La kiang ah an ne, tui dawn dingin ama chu la In ah vapui kit in, ei ti ahi,” a tia. Himaleh, ama chun a lepbawlna a hi’n.

1 LENGTE 22:6

Ziaphatchun, Israelte lengpa chun jawlneite zosia a ko khawm ah, za li vel a hiu ah; a kiang un, “Ramoth-gilead ah galdo dingin kuan to ding ka hem, ahiloleh, kuan da mai ding ka hem?” ti’n a gen a. Amau chun, “Kuan to in; zia chu Lalpa‘n lengpa khut ah hun pia ding ahi,” a tiu a.

JOB LEKHABU 31:5

Diklo tak ah a la um hin, ka keng a thepna lam zuan ah, jangkhai tak ah kalsuan ka la hi chun,

THUPILTE 25:14

A piak lopi pia ah kigen thiam ah chapote chu, gawtui pâi lo sûm leh huizang tawhbang bep a hiu.

ISAI 28:7

Amau hinle uain a dawn kham un, zukha kham in a hoi dong dong ui; thiampu tawh jawlneite’n le zukha a dawn kham ui. Uain dawn ziakin a ngaituanau a buai zo ta’n, zukha dawn kham ziakin a hoi dong dong tau hi; a kilâkna muu le a dik ta pua’n, a thutannau in a kisui tau hi.

ISAI 9:15

a upateu leh a mi kumluiteu chu a luchang uh a hiu a; zuau thu zilsak a jawlneiteu chu a mei uh a hiu;

JEREMIAH 14:14

Chuleh, Lalpa‘n ka kiang in, Jawlneite chun ka min in zuau a gen un; amau chu ka sawl pua’n, a kiang ua thu vagen dinginle ka guat puai. A lungthim ua a mithep nopna ziak un, bangma a mulopiu leh Pathian in a hiatsak hilote chu a gen zawu ahi.

JEREMIAH 23:14

Himaleh, Jerusalem ah jawlneite lak in, thil huaisia zaw diak ka mu tai. A ângkawm un, zuau a gen ui; thil phalo bawlte khutbân a hi’hat un; tichun, kuama’n nunsiatna lampi a haisan puau a, keima ngai in, a leng un, Sodom khua mite gual leh, Gomorrah ah chêngte gual mai kha a hitau hi.

JEREMIAH 23:17

Lalpa thu bangma ngailote kiang in, “Thil phalo bangma tuak pua’n lau,” a tipiak zing un; chuleh, amau ngaituana bep lochal tak ah zuite kiang ah chun, “La chung un siatna hung tung pua’n a,” a ti sek ui.

JEREMIAH 23:25

Ka min ah zuau thu bep gen sek jawlneite’n, “Ka manglam in ka mu’n, ka mang in ka mat hi!” a ti zosiau chu ka hesuak hi.

JEREMIAH 23:32

En un, mang zuauthei mai maite gen ah, mite hil ah, a zuauthu teu leh, a uanna thu manthei lo ziak ua ka mipi puimang jawlneite chu ka dodâl hi, Lalpa‘n a tii. Amau chu ka sawl pua’n, ka thugen dinginle ka sawl puai; ziaziakchun, zia mipite â ding ah hin a phachuam him him puau hi, Lalpa‘n a tii.

JEREMIAH 28:15

Jawlnei Jeremiah chun jawlnei Hananiah kiang in, “Ngai tia Hananiah, Lalpa‘n nang a hun sawl lo pi’n zia mipite hi zuau thu la ginchaksak a.

JEREMIAH 5:31

Jawlneite’n diklo tak in thu a gen un, thiampute’n le jawlneite thupiak dungzui in vai a hawm ui; ka mite chun la zia gual nei chu a nuam un, a tawpna hung tung ta leh, bangti’n la bawl ta diam uh?

KÂ LATE 2:14

La jawlneiteu in la chung ua, thil tung ding a diklo leh, kithepnate bep a mulawk un; khawnung ah tundin kit, la hitheina ding un, la mantheilonau mulo in, nanghaw puimang thei thu diklo bep, a mu zawu tau a.

EZEKIEL 13:22

Keima’n hi’lungkia lo maleng, nang un diklo tak ah midikte la hi’lungkiak ziak uh leh, mi nunsiate a lampiu nusia lo ding ah la tîlkho un, la hukhin ziak un;

HOSEA 7:14

A lunggil tak un ei ko puau a, a lupna chung ua thûm mai mai a hiu; a bu leh uain â ding ah amau kisuliam ahi zawu hi; ka chung in a hel zing ui.

MIKAH 3:11

A vaihawmteu in golgûkna’n vai a hawm un, a thiamputeu inle law mu’na ding bep in a zilsak un; a jawlneiteu inle sum mu ding kinem in thu a gen sek ui; chutisapi’nle, Lalpa chung ah a ki-ngau in “Lalpaei umpi ngei hi! I chung ua siatna bangma hung tung pua’n ah,” ti’n thu a gen sek ui.

MIKAH 3:5

A kam ua nêk ding a um lai sia, “Muanna,” ti ah kiko ah, a kam ua nêk ding hun koilote chu, do ding ah kisa ziang sek, ka mipite pui kawi bep jawlneite kiang ah chun, Lalpazia gual hin thu a gen hi.

ROMTE 16:18

Zia gual mite chun I Lalpau Khrista na chu a sêm puau in, amau gilpi na bep a sêm zawu hi; a kamthiam uh leh pâkchâkna thuteu chun, mi mawlte chu a thêm sek ui.

PHILIPPI 3:19

Zia mite tawpna ding chu manthaina ahi’n, a pathian uh chu a gilpiu ahi; a kilopisaknau chu a mualphonau ahi; a lungthim un lei thilte a koi ui.

1 JOHAN 4:1

Doitakte haw, thagau zosia taksang kiu inla, thagaute chu Pathian ah kipat a hiu em ti enchian zawu in; khawvel ah hin jawlnei lêm tam tak a pawtdok tangal un.