MIKAH 1:8 - PATHIAN LEKHABU THIANGTHO (BSI)

⁸ Ziaziak hin lungngai a kap in, mau ding ka hi; ngawnchang leh keng ngawn ah chia ing ka tin; si-alte gual ah ham in, vasakolte gual in thûmsak ing ka.

MIKAH 1:8 ပူးပေါင်းရင်းမြစ်များ

2 LENGTE 18:13

Lengpa Hezekiah kum sawm leh li leng ahi kum ah chun, Assuria Lengpa Senakherib chu Judah khawpi kul ah ki-ûm zosia bulu dingin a hung kuanah, a hung la kit tai.

ESTHER 4:1

Mordekai in a thilbawl zosiau chu a la het phat in, Mordekai in a puan botthêk ah saidip puan sil in, leivui a kibuak khum ah, khawlai ah vâkvêl in, ngai tak leh thasia tak in a kap a;

JOB LEKHABU 30:29

Ngeite suapipa leh vasakol, gualpha ka suak tai.

SAM 102:6

Gamthip ah simbupi gual leh, khawhawm simbu gual ka hi tai.

ISAI 13:21

Zia tak ah chun gamsate kual zaw ta’n tin, a Inteu chule gamsa honte chênna hita’n a; zia chun vagawlsau chêng intin, sakêlte lâmtual hung hita’n a.

ISAI 13:22

A gâlvênbûkteu ah chun sa-uak hâm intin, a lal In nuam tak teu ah chun si-alte hâm ta’n au; zia hun chu a nai ma ma ta’n, a nite chu vokchawn hipua’n a.

ISAI 16:9

Ziaziakchun, Jazer ka la kâ khum gual ma in, Sibmah ah grepte chule ka kâ khum hi; aw Heshbon leh Elealeh, ka mitthi tui in a hun luan khum tai; la thâichi gate lim ah kikopi ding leh, la pawltâk ding a um ta paw’ngal a.

ISAI 21:3

Ziaziakchun, ka kawng leh jang a na zo ta’n, numei nauvei gual in ka tai a nai; ka het theilona dingin kainiam in ka um in, ka mu theilona dingin hi’buai in ka um tai.

ISAI 22:4

Ziaziakchun, zia gual hin ka gen tai: Ei kiheimangsan unla, theitawp in kap ing ka; ka mipi doitakte siatna sûn ka hiziak in, ei he’nêm se se kiu in.

ISAI 32:11

Numei nuamsate haw, kithing unla, numei ngaisamte haw, kithing in, la nîk leh puan liptha’n, saidip puan chêng un.

JEREMIAH 4:19

Ka lung a gimna e, ka lung a gimna e! Ka lungthim a na ta luai! Aw, ka lung a gimna e! Ka lungchang a phu dûp dûp hi; ka thip hiat hiat thei puai; pengkul gi leh galdo husa ka he tai.

JEREMIAH 9:1

Aw, ka luchang hi tuinâk hi hen la, ka mitte hile tuinâk gual ah, mitthi tui in luang hen la, ka mipi thalup ah umte ziakin, a sûn a jan in kap mai leng ka ti ngei ei!

JEREMIAH 9:10

Tângte â dingin kap leh mau ing ka tin, gamthip ah hampa munte chu sûn ing ka; kuama’n a haw tâk lona ding leh, gancha hon hâm git het ahi kit tâk lona ding ah, chomnâm ahi tâk ziak un; chunglêng vachate leh, gam sate zosia le a tai mang zo tau hi.

JEREMIAH 9:19

Zion ah kipat kâ thawm gi het ahi: “I siatnau a huaisia na e! I gam uh I nutsia tâk ziak un, amau in I chênnau Inte a suksiat tâk ziak un, I mualpho na lawm lawm uh e!”.

EZEKIEL 32:18

Mihing, Aigupta mite zosia â dingin thûm inla, Aiguptate tawh nam minthangte chanute zosia tawh, Mithi khua chiate tawh a leng un nuaimi gam ah pai lut in.

MIKAH 2:4

Zia ni chuleh, elho’na La hun sak khum ta’n tiu in; lusûnna La thasiat um tak hun sak khum ta’n au: “Suksiat dim dem ka hi tai; Lalpaka mite gochan ei lak piak in, bang gual ah ei lâk mang piak ahi tam le! Sal ah ei mante lak in ka lou uh a kihopsak tau,” ti in.

1 SAMUEL 19:24

Ama’nle a puante chu liptha’n, Samuel ma-âng ah chun Thagau a chang ta’n. Zia ni leh a jan kit khawvak tiang in a ngawnchang in a lumden ziang tai. Ziaziakchun, “Saul le jawlnei lak ah pang hita lo a hem?” a la ti khawlaw hial uh ahi.