MIKAH 1:7 - PATHIAN LEKHABU THIANGTHO (BSI)

⁷ A milim zosiau khet gawp hi’ntin, a sep gim man zosiau chu mei ah hâl tum hi’ntin, a milim siamteu chu manlo suak ta’n a; a nawchi zawk man a mu zosia, nawchi man ma ma’n mat zaw kit hi’n a.

MIKAH 1:7 ပူးပေါင်းရင်းမြစ်များ

2 KHANGTHU 31:1

Zia zosia chu a hun bawl zaw phat un, zia kikhopna pang Israelte zosia chu Judai gam ah khawpite ah chun a chiauah, pathian lim ah kisiam suang khuamte leh dawikhuamte chu a khênchim tau ah; chuleh, Judai gam, Benjamin gam, Ephraim gam leh Manasseh gam sung ah thoimualte zosia a susia suak tau a. Zia gual ah chun Israel mipite chu a khawpiu chiat leh a In mun lam chiat un a chia kit tau hi.

ISAI 2:18

Milim zosia hisiat dim dem in hung um ta’n a.

ISAI 23:17

Kum sawm sagi a bei phat leh, Lalpa‘n Tura chu hun kantha kit in a; ziaphat chuleh, a kiveina lam ah kile’kit intin, khawvel ah lenggam zosiate kiang in kizuak thâng kit ta’n a.

ISAI 27:9

Zia jal ah chun Jakob mawna zosia sukthian hung hi’ntin, zia chu a gitlona zosia noimangna hita’n a; mâichâm ah suang te, suangmuat gual ah gawtbuang a hung hi’phat leh, dawikhuam leh mâichâmte â ding um ta pua’n a. Asherim zosia leh gimtui hâlna mâichâm zosia, a dial zo um ta pua’n au.

EZEKIEL 6:6

La mâichâm uh suksiat leh chomnâm a hiu ah, la milimteu khet buang leh khet gawp a hiu ah, la gimtui khuamteu sat bot a hiu ah, la khut nasep zosiau phiatnâm a hitheina dingin, la chênnau mun taphot ah la khawpiteu a hawm ah nutsia hi’ntin, la thoimualteu chule suksiat dik dek hita’n a.

HOSEA 2:12

A grep gui te leh theipikung te chu: “Ziate hi ka dawichâkte ei piak, ka law dawte chu a hiu hi,” a ti chu hi’siat piak ing ka. Gammâng in siam ing ka tin, gamsate’n ne zo in au.

HOSEA 2:14

Ziaziakchun, tun ama jawl ing ka tin, gamthip ah pui ing ka tin, aw nem tak in ama jawl ing ka.

HOSEA 2:5

A nuu chu a thanghuai sek a, amau vopnu chu jachâk um tak in a um tai. “Ka an leh ka tui, ka samul leh ka pat, ka sathau leh ka dawn ding ei pete, ka hepite delzui ing ka,” a ti’ngal in.

HOSEA 8:5

Aw Samaria, la bawngno lim chu pai thâk ahi tai. A chung un ka lung a na ma ma hi. Thil phalo bawl zing in bang chan um nalai ding la hiu em?

HOSEA 8:6

Israel lak ah kipat in mi khutthiam khat in a siam ahi’n, Pathian khutsuak ahi puai. Samaria ah bawngno lim chu khet gawp hi’n a.

JOEL 3:3

ka mite chung in âi a sân un, nawchi man dingin pawsal naupangte a piau in, a uain man ding un numei chapangte a zuak ui.

THIAMPUTE LEKHABU 26:30

La thoimualteu khênchim ing ka tin, la gimtui mâichâmte uh le hi’chim ding ka hi; la luangteu chule la milimteu chung in siavum ding ka hi; ziaphat chuleh, hun ki’dak ta’ng ka.

DAN LEKHABU 23:18

Numei nawchi man leh pawsal kizokna mante chu, Lalpa la Pathian kiang ah kitiamna ding ah la piak lo ding uh ahi; zia chu Lalpa la Pathian un a ki’dak lam tak ahi ngâl a.

DAN LEKHABU 9:21

La gitlonau ziak ah la bawngno lim siam uh chu la’n, mei in ka hal ah, ka gawtbuang ah, leivui gual ah nêl in ka gawtnêl ah; zia kigawtbuang chu tâng ah hung luang suk lui ah chun ka pai lut tai.

THUPUAN 18:3

A thanhuainau lungnatna uain chu a dawn khawm ua, lei ah lalte chun a thanhuai piu a, amanu nopsakna ah chun, lei ah sumkawlveite a hausak khawlaw tau a”.

THUPUAN 18:9

Chun, lei a lalte a thanhuaipi sia leh a kinoptelpi sia chun, amanu kihâlna meikhu chu a mu tak ua leh, kap leh mau in a awm uh chûm in au.

1 SAMUEL 5:4

Ahi’n, a jingkal kit ah vaima tak ah a thaw kit phat un, Dagon chu Lalpa thuthung thingkuang ângah chun a khup lam in a la pûk kitah; chuleh, Dagon luchang leh a khutbânte ni kitanthasa, Inhulliap ah a la um leh Dagon pum bep a la um chu a mudok tau a.