MIKAH 1:5 - PATHIAN LEKHABU THIANGTHO (BSI)

⁵ Zia zosia hi Jakob bawsiatna ziak leh, Israel Inkuante gitlona ziak ah hung tung ahi. Jakob sukkhialna chu bang a hem? Samaria ma ma hilo a hem? Judah dawimualte chu khoi tak a hem? Jerusalem khua hilo a hem?

MIKAH 1:5 ပူးပေါင်းရင်းမြစ်များ

1 LENGTE 11:7

Solomon in Moabte kisukbuakna pathian Khemosh â ding tawh, Ammonte kisukbuakna pathian Molekh â dingin Jerusalem sualam ah tâng chung ah chun thoimual a bawl hi.

1 LENGTE 13:32

Lalpa thu ah Bethel ah mâichâm dem leh, Samaria khawpi sung ah thoimualte dem ah a thu puandaw kha, hung guitung ngei ngei ding a hi’ngal a,” a tia.

1 LENGTE 16:24

Shemer kiang ah kipat Samaria Mual chu dangka talent ni in a chawdok ah; Mual chungvûm ah chun In a bawl ah, a In sak khawpi min ah a mual neipa min chu pu’n, Samaria a sak tai.

2 KHANGTHU 34:3

Kum giat bep mi ahi ah, naupang cha ahi in vai a hawm pan ah, a pu David gual in a Pathian lung lam chu a hawl ah; a lal kum sawm leh ni’na chun Judai gam leh Jerusalem khua chun thoimualte, dawikhuamte leh milim kisiam haw chu a subei thiang zo tai.

2 KHANGTHU 34:4

Ama thu’n Baal hona mâichâmte chu a susiau ah; milim hona mâichâm a chung lam ah um haw chule a hun kai chim tau hi. Dawikhuamte leh milim sunthaw leh kikhuak ah kibawlte chule a khen chim ah; ziate chu a gawtbuang ah, ziate kiang ah kithoina a la bawl sekte haw thân lak ah chun a gawtbuangte chu a the’ tai.

ISAI 7:9

Ephraim luchang chu Samaria ahi’n, chuleh, Samaria luchang chu Remaliah chapa ahi kit hi. La taksan zaw lo chun, pang zo him him pua’n la, ti’n gen in, a ti’n.

JEREMIAH 2:17

Lalpa la Pathian In lam dik ah a hun pui lai ah, ama la nutsia ziak ah zia gual thilte chu, la chung ah tung ding ah la kibawl hilo a hem?

JEREMIAH 2:19

La nunsiatnau in hun gawt intin, la nungtolnau in hun kophil in a. Lalpa la Pathian uh la kihei mang san uh hi, nang uh a ding ah thil phalo tak leh, khawk tak ahi ti hia’n, muchian tau in; keima hi lei kicha mawng mawng puau hi, ti’n sepai honte Lalpa Pathian in a gen hi.

JEREMIAH 23:13

Samaria gam ah jawlneite lak in, ki’dak um khat ka mu tai; Baal min in thu a genlawk un, ka mipi Israelte chu a pui mang tau hi.

JEREMIAH 23:14

Himaleh, Jerusalem ah jawlneite lak in, thil huaisia zaw diak ka mu tai. A ângkawm un, zuau a gen ui; thil phalo bawlte khutbân a hi’hat un; tichun, kuama’n nunsiatna lampi a haisan puau a, keima ngai in, a leng un, Sodom khua mite gual leh, Gomorrah ah chêngte gual mai kha a hitau hi.

JEREMIAH 4:18

La nunchan leh la thilbawl dungzui un, zia thilte hi la chung ua tung ahi; zia chu la siatnau ahi tai. A thok hak nalawm lawm e! La lungchang a sunthil hial ta hi,” ti in.

JEREMIAH 5:25

La mantheilonau chun ziate chu a naw mang zo ta’n; la gitlonateu ziakin, thilpha la mu dingteu chu a naw mang zo tai.

JEREMIAH 6:19

Aw lei, a la hia’n; zia mipite chung ah hin siatna, a thil guanggal uh ga chu, a chung un tunsak ding ka hi; amau in ka thugente a ngaisak puau a, ka hilna thu a lâk lo ziak un.

KÂ LATE 5:16

Ka luchang ua kipat in, lallukhuk a ketha ta’n; ka gitlo tâk ziak un, ka chung uh a gik na e!

EZEKIEL 16:46

La u-nu chu Samaria ahi’n, a chanute tawh nang umna mallam ah chêng ahi; chuleh, la naunu chu, la umna simlam ah um, a chanute tawh chêng Sodom chu ahi.

HOSEA 7:1

Israel sukdam ka guat leh, Ephraim thulimlo’na tawh, Samaria nunsiatna a hung kilang hi; zuauthei tak in a bawl un, gucha’n a phevang in, pawlam ah suammang hawn a suam kit ui.

AMOS 6:1

Zion ah kinoptel ah, Samaria tâng ah bit kisate, nam zosia lakah a pakhatna kingaite lak ah miliante, Israel Inkuan in a bêlteu haw, la chung uh a gik hi!

AMOS 7:9

Isak thoimualte chu nutsia hung hi’n tin, Israelte mun thiangthote chu suksiat hung hi’n tin, Jeroboam Inkuan lang dingin, chemjam tawh hung kuan ing ka,” a ti’n.

AMOS 8:14

Samaria ah Ashimah sal ah kihaksial ah, ‘Aw Dan, la Pathian a hin gual in,’ ti leh, ‘Beer-sheba khua zotna lampi a hin gual in,’ tite chu kipûk in au; bangtik inle thokit ta pua’n au,” a tii.

MIKAH 1:13

Lakish khua chêngte haw, la kângtalaiteu chu sakol tawh bul unla; zia chun Zion chanu gitlo’na kipatna leh, nangma ah Israelte sukkhialna mu’dok in a um ta’ngal a.