MIKAH 1:16 - PATHIAN LEKHABU THIANGTHO (BSI)

¹⁶ La cha doi takteu hung liangvai dingte sûnna’n, la luchang uh metkol in, mulukol gual hial ah lukol in hung um tau in; la chateu sal ah pui mang in a um zo ta’ngal un.

MIKAH 1:16 ပူးပေါင်းရင်းမြစ်များ

2 LENGTE 17:6

Hoshea leng ahi kum kua ahi’na chun, Assuria lengpa chun Samaria chu a hun la, Israelte chu Assuria lam ah chun sal in a pui mang ah; Gozan luilian pâm ah Halah mun leh Habor mun leh Mede khawpite ah chun a umsak tai.

JOB LEKHABU 1:20

Ziaphatchun, Job chu a dingdok ah, a puanâk a botthêk ah, a sam chu metmui in, lei tual ah kipuk in Pathian a ho tai.

ISAI 15:2

Dibon chanu chu a kap dingin a thoimual in a kal to hi; Nebo leh Medeba tângvûmte chu Moab in a kâ khum tai. Luchang zosia metkol in, khamul zosia le met nâm ahi’n;

ISAI 22:12

Zia ni ah chun, sepai honte Pathian chun, kap ah lusûn ding leh sam metkol ah, saidip puan sil dingin a hun ko a;

JEREMIAH 16:6

Zia gam ah milian leh mineu chule thi gêl intiu in, vui hipua’n tiu in, kuama’nle sûn pua’nau; amau thi ziakin kuama ki-âtliam leh sam metkol le um diak pua’nau.

JEREMIAH 4:8

“Lalpa lungnatna huaisia tak chu, ei haw ah kipat heimang ahi puai, ti’n kap ah sûn in, saidip puan sil tau in”.

JEREMIAH 47:5

Gaza ah chêngte a lungdong gam tau ah, Ashkelon ah chêngte le a thip chil chel tau hi. Aw, a thilhitheinau um nalai sunte haw! Bang chan kisugenthei nalai ding la hiu em?

JEREMIAH 6:26

Aw ka mi gentheite haw, saidip puan sil unla, leivui lak in kitel puang un; cha neisun sûn gual in, Kâ La ngai tak tak in sau in; siatna chu I chung un hung tung thut, ziang ding ahi ngâl a.

JEREMIAH 7:29

La sam uh tan un la pai mang un; Lalpa‘n ama chok lungna bepte nam chu paitha’n, a nungngat tâk ziakin, tângsipte ah chun Kâ La sa tau in.

KÂ LATE 2:19

Jankhang lai leh janvên lim ah kipat in thodok unla, kap tau in! Lalpa âng ah la lungthim uh, tui gual in luan dawsak un! Kotzing kil tin ah gilkial ah, basam la chateu hinna dingin, la khut uh a chung un jak in!

AMOS 7:11

Amos in zia gual hin a gen ngal a: ‘Jeroboam chu chemjam ah thi’n tin, matheilo in Israel chu, ama gam ah kipat in sal ah pui mang hung hi’n a,’ ti’n thu a thot ta’n”.

AMOS 7:17

Ziaziakchun, Lalpa‘n zia gual hin a gen hi: “La ji chu khawpi sung ah nawchizuak hung hi’n tin, la chapate leh la chanute chu chemjam in puk in au; la gam chu te’na khau ah hawm hi’n a; nangma chu gam thiang lo khat ah chun thi’n la tin, matheilo in, Israel chu a gam ah kipat, sal ah pui mang hung hi’n a,” ti’n a gen tai.

AMOS 8:10

La luaithenateu chu lusûnna chansak ka tin, la La sak zosia chu, kâ La chansak ing ka tin; kawng zosia saidip puan chên sak ing ka tin, mi tin chu lukol in umsak ing ka; zia chu chapa changkhat sûnna gual leh, a tawpna tiang ah haksa hisak ing ka.

DAN LEKHABU 28:41

Chanu chapate hing in la tiu in, ahi’n, nang uh chang lo in, suak in koltâng ta’n au.