MATTHAI 9:22 - PATHIAN LEKHABU THIANGTHO (BSI)

²² Chun, Jesu a kihei a, ama chu a mu, “Ka chanu, thamuang tak in um ta’n, la ginna la dampi ahi,” a tia. Tichun, numei chu zia hun ma ma’ chun a hung dam tai.

MATTHAI 9:22 ပူးပေါင်းရင်းမြစ်များ

MATTHAI 15:28

Ziaphatchun, Jesu’n a kiang in, Aw numei, la ginna a nasa na lawm lawm e! La dawi gual gual in la chung in tung ta hen, a tia. Ziaphatchun, a chanu chu a hung dam ngal tai.

MATTHAI 17:18

Jesu’n thitha chu a vau a; tichun, a pawt dawsan ta’n, zia naupang chu zia hun ma ma chun a dam ngal tai.

MATTHAI 8:13

Chun, Jesu’n sepai zahotu kiang ah chun, “Chia ta’n, la ginna dungzui in la chung in tung ta hen,” a tia. Tichun, a suakpa chu zia dakkâl ngei ah chun a la dam tai.

MATTHAI 9:2

Mi lawi khat in, zeng pakhat a lupna phêk pum in lâng in a kiang lam in a hun jawn ua; Jesu’n a ginnau a mu phât in zeng kiang ah chun, “Ka chapa, thamuang tak in um in; la gitlona ngaidam ahi tai,” a tia.

MATTHAI 9:29

Ziaphatchun, Jesu’n a mit uh a khoi a, “La ginchâk gual un la chung un tung ta hen,” a tia.

MARKA 10:52

Jesu’n a kiang in, “Chia ta’n, la ginna hi la dampi ahi,” a tia. Ziaphatchun, khua a hun muthei ngal ta’n, Jesu a zui ngal tai.

MARKA 5:34

Ama chun, a kiang in “Ka chanu, la ginna chu la dampi ahi, thamuang tak in chia ta’n, la natna ah kipat chun a la damden ta’n,” a tia.

LUKA 17:19

Chuleh, zia pa kiang ah chun, “Tho inla, chia ta’n, la ginna chu la dampi ahi,” a tia.

LUKA 18:42

Ziaphat chun Jesu’n, “Khua hun muthei ta’n, la ginna hi la dampi ahi,” a tia.

LUKA 7:50

Chuleh, numei kiang ah chun, “La ginna hin a hun hukdam tai, thamuang tak in chia ta’n,” a ti tai.

LUKA 8:48

Jesu chun a kiang in, “Ka chanu, la ginna la dampi ahi; thamuang tak in chia ta’n,” a tia.

JOHAN 4:53

Tichun, a pa chun, Jesu’n: La chapa a dam tai, a ti hun lai tak kha ahi ti a he ngal a; tichun, ama leh a Insung mi zosia chun a hun gingcha tau hi.

NASEPTE 14:9

Paul thugen chu a ngai ah. Paul chun ama chu a en zing ah, damna ding khop ah ginna a nei hi ti a hia;

NASEPTE 16:18

Zia gual chun ni tam tak ahi zing ta’n. Paul chun lungna tak in a kihei ah, zia thitha kiang ah chun, “Zia nu ah kipat chun hung pawtdok dingin Jesu Khrista min in thu ka pia la hi,” a hun tia. Zia hun ma ma ah chun a pawtdok tai.

HEBRAITE 4:2

Chanchinpha a kiang ua gen ahi gual ma khan eihaw kiang ah le gen ahi ngal a; himaleh, a hiatteu chu a ginnau tawh a zop lo ziak un, a kiang ua thu kigente chu a phatchuampi puau hi.