MATTHAI 9:2 - PATHIAN LEKHABU THIANGTHO (BSI)

² Mi lawi khat in, zeng pakhat a lupna phêk pum in lâng in a kiang lam in a hun jawn ua; Jesu’n a ginnau a mu phât in zeng kiang ah chun, “Ka chapa, thamuang tak in um in; la gitlona ngaidam ahi tai,” a tia.

MATTHAI 9:2 ပူးပေါင်းရင်းမြစ်များ

THUGENTU 9:7

Chia inla, kipak tak in la vaithum ne’n la; lim tak in la uain dawn in; la thilbawl zosia chu masanglai ah kipat khan Pathian in lem a saksa a la hita ngal a.

ISAI 44:22

La hi’khelnateu chu sûmpi gual in ka mût mang ta’n, la gitlona chu phâisûm gual in ka mûtthial tai; ka kiang lam ah hung kit unla, ka hun hukdok ta’ngal a.

MATTHAI 14:27

Ziaphatchun, Jesu’n a kiang un, lungmuang tak in um un; keima ka hi, lau kiu in; a vak tingal tai.

MATTHAI 4:24

Suria gam zosia’n a chanchin a thang suak ta’n; tichun, damlo zosia, hivei nei leh natna tincheng thuakte, thithabuak matte, hipût neite leh zengte haw chu a kiang in a hun pui ua; a la hi’dam suak tai.

MATTHAI 6:12

Ka chung ua thil hi’khialte ka ngaidam sek gual un, nang inle ka thil hi’khialteu ei ngaidam in.

MATTHAI 8:10

Jesu’n zia thute chu a het in mak a sa ma ma a, ama hun zuite kiang ah chun, “Titakzet in ka hil la hiu, Israelte lak in le zia gual khop ah ginna nasa hi ka mu puai.

MATTHAI 8:16

Nitâk lam ah chun a kiangah thitha mat tam tak a hun pui ua; thu pia’n thithate chu a nawdok ah, damlo zosia chu a hi’dam tai:

MATTHAI 9:22

Chun, Jesu a kihei a, ama chu a mu, “Ka chanu, thamuang tak in um ta’n, la ginna la dampi ahi,” a tia. Tichun, numei chu zia hun ma ma’ chun a hung dam tai.

MATTHAI 9:5

‘La gitlona ngaidam ahi tai,’ ti tawh, ‘Tho inla, la keng in chia ta’n,’ ti hi a khoijawk hi a gen bailam zaw em?

MATTHAI 9:6

Banghilehle, khawvel ah Mihing chapa’n gitlo ngaidam theina a nei hi ti la hetna ding un,” a tia; zeng kiang ah chun, “Tho inla, la lupna phêk la’n la, la In lam in chia ta’n,” a tia.

MARKA 1:32

Nitâk ah nisa a hung tum phatin, a kiang in damlo leh thitha buak mat tam tak a hun pui khawm un.

MARKA 10:49

Jesu chu a hung ding ah, “Ama chu hun pui un,” a tia. Tichun, mitthûmpa chu a hun ko ua, “Thamuang tak in um in, hung dingdok in, a hun ko hi,” a tiu a.

MARKA 5:34

Ama chun, a kiang in “Ka chanu, la ginna chu la dampi ahi, thamuang tak in chia ta’n, la natna ah kipat chun a la damden ta’n,” a tia.

MARKA 6:50

ama chu a mu chiat un, a tiza ma mau a. Ama chun kin tak in a hun ho a, “Thamuang tak in um un, keima ka hi, lau kiu in,” a hun tia.

JOHAN 16:33

Keima ah thamuanna la neitheina ding un, zia thute hi ka hun hil la hiu. Khawvel ah hin gim genthei thuak in lau. Himaleh, thamuang tak in um un; keima’n khawvel ka zo tai,” a tia.

JOHAN 2:25

A ziak chu, kuama gen piak hilo in, a man mihingte lungput dan chu a he suak hi

JOHAN 21:5

Ama chun a kiang un, “Naute haw, nêk ding sanga la nei awm?” a tia. Amau chun, “Ka nei puau hi,” ti’n a dawnhuu a.

NASEPTE 14:9

Paul thugen chu a ngai ah. Paul chun ama chu a en zing ah, damna ding khop ah ginna a nei hi ti a hia;

NASEPTE 19:12

a kithekna puan a hem leh, a puanchênte leh a ti sukha photte chule damlote kiang in a hun chawi ua a dam sek ui; a sung ua kipat in thitha buakte le a pawt sek a.

NASEPTE 23:11

Zia jan ah chun, Lalpa a kiang in a hung ding ah, “Hangsan tak in um in! Jerusalem khua ka thu la taklat gual hin Rom khua’n le taklang ding la hi,” a tia.

ROMTE 5:11

Zia bep chule ahi puai, kichamna, tu’ ei musakpa I Lalpau Jesu Khrista jal ah hin, Pathian chu I suang tau ahi.

JAKOB 2:18

Ahi’n, mi pakhat in, “Nang in ginna la nei ah, keima’n nasep ka nei hi,” ti taleh, la ginna chu la nasep panglo in ei etsak in; keima’n ka nasep in ka ginna hun etsak ing ka.