MATTHAI 8:3 - PATHIAN LEKHABU THIANGTHO (BSI)

³ Jesu’n a vak khoi a, “Ka nuam hi, a la thiangtho ta’n,” a tia. Thakhat in a phâk chu a hung thiang tai.

MATTHAI 8:3 ပူးပေါင်းရင်းမြစ်များ

THILSIAM THU 1:3

Pathian in, “Vâk hung um hen,” a ti’n; tichun, vâk chu a hung um tai.

2 LENGTE 5:11

Himaleh, Naaman chu lungna tak ah chia mang gaw kawm in, “Ka kiang ah hung in hung ding in tin, Lalpa a Pathian min chu hung ko intin, a khut in ei jut piak intin, ka phâkna chu hun sudam in ah ka ti a hia!

2 LENGTE 5:14

Tichun a chia ah, Pathian mi thugen dungzui ah chun Jordan ah chun sagivei a vakidia ah; a taksa chu pawsal naupang taksa gual a hung hi kit ah a hung thiang tai.

SAM 33:9

Ama’n a gen ah a hung um ta’n; ama’n thu a pia’n a hung um det ngal tai.

PAWTDAWNA THU 4:7

Ziaphatchun, Pathian in, “La khut chu la puanâk chual sung in vak thun lut kit tiam in,” a tia; tichun, a khut chu a puanâk chual sung ah chun a vak thun lut kit ta’n. Chuleh, a vak lakdaw kit phat ah chun a tidangte gual in a thiang kit tai.

MATTHAI 12:13

Zia a gen zaw phat ah chun, zia pa kiang ah chun, “La khut chu hun jakin,” a tia. Tichun, a tundaw leh a langkhat gual in a dam thiang tai.

MARKA 1:41

Jesu’n a lungsiat ma ma ah, a hun khoi a, “Ka nuam hi. Hung thiangtho ta’n,” a hun tia.

MARKA 4:39

Ama chu a hung tho ah, thigua chu a vau a, Dil kiang ah chunle, “Thip inla um hiat hiat in,” a tia. Tichun, thigua chu a hâi ah, a thip dîl dêl tai.

MARKA 5:41

Zia naupang chu a khut in a vak kai ah, a kiang ah chun, “Talitha-kumi,” a tia; zia chu, “Bawinu, hung tho in,” ti’na ahi.

MARKA 7:34

van lam a en ah, a hung khuaisa, “Ephphatha,” a hun tia, zia chu, “Hung kihong in,” ti’na ahi.

MARKA 9:25

Jesu’n mipi hung taikhawmte chu a mu phât in, thitha buak chu a vau a, “Zia naupang hi bengngong leh pautheilo ah koipa, thu ka hun pia ahi: A sung ah kipat hin hung pawtdok inla, chuleh lut kit ta kin,” a tia.

LUKA 4:27

Chuleh, jawlnei Elisha hun lai ah khanle, Israelte gam ah phâk tam tak a la umnau in; himaleh, Suria gam ah Naaman ti’ longal kha sukdam in a um diak puau hi,” a tia.

LUKA 5:13

Ama chun a vak bân ah, a khoi ah, “Ka doi hi. A la thiangtho ta’n,” a tia. Tichun, a phâk chu thakhat in a hung bei tai.

LUKA 7:14

Ziaphatchun, a hun nai ah, a lâng chu a vak khoi phatin a jawnte chu a ding tau a. Jesu chun, “Tangval, hung tho ta’n!” a hun tia.

JOHAN 11:43

Zia a hun ti zaw ah chun, aw ngai tak in a hung kiko ah, “Lazar, hung pawt in,” a tia.

JOHAN 15:24

Midang in thil a la hi khâk ngailote a lak ua hi’lo hileng chu, gitlona nei hipua’n au; tun ahileh vang chu, kei leh ka Pa chu ei mu tau in, huat le ei haw tau hi.

JOHAN 5:21

Pa chun, mithile kaitho kit ah hinna a piak sek gual in, Chapa hinle a nop nop chu hinna a pethei hi.