MATTHAI 8:29 - PATHIAN LEKHABU THIANGTHO (BSI)

²⁹ Amau chun, “Pathian Chapa, kei uh bang ei law gua hung la hem? Huntiam tunma’ ei soisak gua la hem?” ti’n a kiko tau a.

MATTHAI 8:29 ပူးပေါင်းရင်းမြစ်များ

2 SAMUEL 16:10

Himaleh, lengpa chun, “Nanghaw Zeruiah chapate haw, bang a hem la kisakla piu? Lalpa‘n a kiang ah, ‘David hânsia valaw khum in,’ a ti hi kha leh, kua’n bangti awimaw thei ding a hem?” ti’n a dawnhu a.

2 SAMUEL 19:22

Himaleh, David chun, “Nanghaw Zeruiah chate haw, bang kisakla’na la hiu em; tu’ni hin ka mêlma pan gua la hiu em? Tu’ni hin Israelte lak ah mi pakhat bêk thalup ding ahi ka tia hem? Tu’ni hin Israelte chung ah leng ka hi tai ti kihet lo eisa la hiu em?” ti’n a dawnhu a.

1 LENGTE 17:18

Ziaphatchun, amanu chun Elijah kiang in, “Ka chung ah bang a hem la lungdamlo’na, aw Pathian mi? Ka gitlona ei kigêl dawsak kit ding leh ka chapa thi’sak ding ah hung la hi maw!” a tia.

2 LENGTE 3:13

Elisha chun Israel lengpa kiang in, “Nang â ding bang bawl ding ka nei em? La jawlneipate kiang a hem, la jawlneinute kiang a hem in vachia ta’n la,” a tia. Himaleh, Israel lengpa chun a kiang in, “Ahipuai; Moab kiang ah piakdaw ding bep ah kei uh lengte pathum ei hung kodokpa hi Lalpa ahi,” a tia.

2 KHANGTHU 35:21

Neko chun vang a kiang ah palai a sawl ah, “Judai gam ah lengpa, nang do ding ah hung kuan ka hia hem? Tu’ni hin nangma do ding ah hung kuan to ka hipua’n, ka kidopite Insung mi haw bep do ding ah hung kuan ka hi; Pathian in amau haw chu kin tak ah vado dingin thu ei pia ahi. Nangma a hun sukmangthailona dingin, ei umpi zing Pathian hi dodâl dâ mai in,” ti’n a vagensak a.

JOEL 3:4

Aw Tura leh Sidon, Philistia gamkai zosiate haw, kei â ding in bang la hiu em? Lei dit kit him him awm? Ei dit kit hi leu chin kin tak in la luchung ngei un hun thuk kit pai ziang ding hiveng.

MATTHAI 4:3

Thêmpa chu a hung ah, a kiang in, “Pathian Chapa la hileh zia suang hi vaithum suak dingin thu pia ta’n la,” a tia.

MATTHAI 8:30

Zia mun ah kipat gamla lo cha ah vok hon tam tak a tau a.

MARKA 1:24

a hung kikodok a: “Nazareth Jesu, kei haw bang ei law ding la hi em? Ei sumangthai ding ah hung la hi em? Nang, Pathian Mithiangtho la hi ka henai,” ti in.

MARKA 3:11

Thitha buakte chun ama a mu phât ua leh, a ma-âng in a bokkhup un, “Nang Pathian Chapa chu la hi,” ti’n a kiko sek un.

MARKA 5:7

“Tichun, aw ngai tak in a hung kiko a; Jesu, Chungnung pen Pathian Chapa, bang ei law ding ah hung la hem? Ei sawisa lo ham ham dingin Pathian min in ka don la hi,” a tia.

LUKA 4:34

“Nazareth Jesu, bang ei law ding ah hung la hem? Ei sumangthai ding ah hung la hi maw? Nangma ka hun hia’i, Pathian Mithiangtho la hi,” ti’n a kiko a.

LUKA 4:41

Thitha buakte hawle kiko kawm kawm in a pawt un, “Nang hi Pathian Chapa chu la hi” a tiu a. Ama chu Messiah ahi ti a het ziak un, pau lo dingin a vau tai.

LUKA 8:28

Jesu a hun mu phât in a kiko ah, a ma-âng in a bokkhup ah, aw ngai tak in, “Jesu, Chungnung pen Pathian Chapa, bang ei law ding ah hung la hem? Ei sawisa lo dingin ka don la hi,” a tia.

JOHAN 2:4

Ahi’n, Jesu’n a kiang in, “Numei, nang leh kei kisakla’na ding bang a hem um, ka hun a tung nai puai,” a tia.

NASEPTE 16:17

Zia nu chun Paul leh kei uh chu ei hun zui ah, “Zia mite hi Chungnungpen Pathian nasemte a hiu in, eimau kiang ah hukdamna lampi ei kawkmu ding ah hung a hiu hi,” ti’n a hung kiko zui pek a.

JAKOB 2:19

Pathian chu pakhat ahi ti la gingcha, la bawl phai. Thithate’n le a gingchau ah, a kithing sek uh ahi.

2 PETER 2:4

Vansawlchâkte’n thil ahi’khial lai un Pathian in a hawi pua’n, gawtmun in a pai a, vaihawm khum dingin thimna thûkpen in a khum tai.

JUDA 1:6

Chuleh, vansawlchâkte, amau hi’na zui lo ah, a umna mun uh nusiate chu, ni lopi ah vaihawmna â dingin thim nuai ah kumtuang kolbul in hensa’n a koihe tai.

VAIHAWMTE 11:12

Ziaphatchun, Jephthah in Ammonte lengpa kiang in palai a sawl ah; a kiang in, “Nang leh kei kikâl ah bang thu a um ah, ka gam uh do ding ah hung ziang la hiu em?” ti’n a vagensak a.