MATTHAI 8:26 - PATHIAN LEKHABU THIANGTHO (BSI)

²⁶ Ama chun a kiang un, “Ginna tawmte haw, bangatia lau la hiu em?” a tia. Zia nung ah chun a tho ah, huipi leh tui chu a vau ah, a hung thip veng veng tai.

MATTHAI 8:26 ပူးပေါင်းရင်းမြစ်များ

SAM 65:7

Tuisuagiat gi hum hum, tui kinawk gite leh mipi husa lul lul te, hi’thippa chu nang la hi.

SAM 89:9

Tui kinawk nasa takte chung in vai la hawm ah; a tui kinawk phat leh nang in la chawlsak sek hi.

ISAI 63:12

A khutbân lopi tak, Mosi khut changlam kitonpi zing a, kumtuang ah a minthanna ding ah, a ma-âng ua tuiliante khên tan a,

NAHUM 1:4

Tuipi a vau ah, a kangtan ngal in, lui zosia le a hi’kang sik sek hi; Bashan leh Karmel a vuai ta’n, Lebanon pâklûn chu a chuai tai.

HABAKKUK 3:8

Aw Lalpa, luite chun a hun hi’thangtawm la hem? La sakol chung ah chuang ah, la sakol kângtalai gâl zo ding ah la chuan lai ah khan, luite chung ah lungna la hem, ahiloleh, tuisuagiat chung ah lungna la hi tam?

MATTHAI 16:8

Jesu’n a kihonau chu a he, a kiang un, Aw ginna tawmte haw, vaithum neilo thu ah bang gen la hiu em?

MATTHAI 17:20

Jesu’n a kiang un, La gin zaw lo ziak uh ahi; titakzet in ka hil la hiu, ginna ankam mu tia la nei ua leh, zia tâng kiang ah hinle, zia lam ah son kichawn mang in, tileuchin, kichawn mang mai ding a hi; bangma la hi’theilo uh umlo ding ahi.

MATTHAI 6:30

Hampa tu’ni hing ngal, jing ah thukkhûk ah se’lut ziang ding mai bawn, Pathian in chuti lawm ah a jem chun, aw nang uh ginna tawmte haw, nang uh chu sil leh chên pia zaw ma ma lo ding a hem!

MATTHAI 8:27

Mite chun lamdang a sa ma mau a, “Zia pa hi bang gual mi a hem, thigawpi leh tui nasan in a thu a mat ziang uh hi?” a tiu a.

LUKA 4:35

Himaleh, Jesu’n a vau ah, “Thip inla, a sung ah kipat in hung pawt in,” a tia. Tichun, thitha chun a ma-âng un a sep pai ah, suliam lo in a sung ah kipat in a hung pawt tai.

ROMTE 4:20

Ginna tasam in Pathian thutiam chu a ginglel diak pua’n, ginna hat tak in Pathian a chawihoi zaw ta’n;

THUPUAN 10:2

A khut in lekhabu neucha khat phêtsa’n a chawi ah; a keng changlam in tuisuagiat a chuan ah, a veilam in mualkâng a chuan a.