MATTHAI 7:5 - PATHIAN LEKHABU THIANGTHO (BSI)

⁵ Nang, mi kiphatsak, a masa’n nang mit ah kipat thingtum kha ladok masa’n la; chutichun la unau mit ah ki’dak neucha um chu, ladok thei dingin muchian thei ta’n la.

MATTHAI 7:5 ပူးပေါင်းရင်းမြစ်များ

MATTHAI 22:18

Himaleh, Jesu’n a lungthim gitlo ziau chu a la he, a kiang ua chun, “Nanghaw mi phalêmte haw, bangatia ei ze-et la hiu em?

MATTHAI 7:3

Bang a tia nangma mit ah thingtum um chu ngaitua lo ah, la unau mit ah thil them neucha um chu la mu thei?

MATTHAI 7:4

Nangma mit ah thingthem um zing ngal a, bangti’n a hem la unau kiang ah, “La mit ah kipat ki’dak neucha um kha ei lâkdawsak in,” la ti thei ding?

MATTHAI 7:6

Uicha kiang ah chun thil thiangtho pekiu in; vokpi ma-âng ah le tuikep suang paitha kiu in; a keng un childen bep in tiu in, nang le hun sukliam khawlaw bep in au.

LUKA 12:56

Nanghaw miphalêmte haw! Khua leh van umdante hawle la hethiam ui; bangtidan ah hun umdante hi hethei lo la hiu em?” a tia.

LUKA 13:15

Lalpa chun, “Nang miphalêm, la lak ua hin kuale sabbath ni, bawng a hem, sabiltung a hem a bûk ah um chu vatham ah tui vadawnsak lo ding la um ua a hem?

LUKA 4:23

Ama’n a kiang un, “Nang un zia tekhinthu, ‘Daktor, nangma kihi’dam in! Kapernaum khua la thilbawl ka la het zosiau kha, zia tak ah nangma khua lam ah hinle bawl in’ ei ti ngei ding la hiu.

LUKA 6:42

Nangma mit ah thingbong um chu mu lo in la unau kiang ah, ‘Unau, la mit ah ki’dak them um chu hun lakdaw piak ing ka’ bangti’n tithei ding la hem? Nang, miphalêm, la mit ah kipat thingbong chu ladok masa’n la, tichun, la unau mit ah kipat ki’dak them um chu ladok dingin muchian thei ta’n la,” a tia.

NASEPTE 19:15

Himaleh, thitha buak chun a kiang un, “Jesu chu ka hia’i, Paul chule ka hia’i; himaleh, nang uh hi kua la hiu em?” ti’n a dawnhu a.