MATTHAI 7:28 - PATHIAN LEKHABU THIANGTHO (BSI)

²⁸ Jesu’n zia thute chu a gen zaw phatin, mipite chun a thugen chu mak a sa ma mau hi.

MATTHAI 7:28 ပူးပေါင်းရင်းမြစ်များ

SAM 45:2

Mihing chate lak ah mêlpha pen la hi’n, la kam ah chun lungsiatna thu ngen a pawt a; ziaziakchun, Pathian in kumtuang â dingin, mal a hun zawl tai.

MATTHAI 11:1

Jesu chun, a nungzui sawm leh nite kiang ah zia thute a hil zaw phat ah chun, zia mun chu nusia in, a kiang nai tuam khuate chun thugen leh thuhil in a vâk vêl vêl a.

MATTHAI 19:1

Jesu’n zia thute chu a gen zaw in, Galili gam ah kipat in a pawt ah, Jordan luigâl lam Judea gam chu a hung tung a.

MATTHAI 22:33

Mipite chun zia chu a het un, a thu zilsak chu lamdang a sa ma mau hi.

MATTHAI 26:1

Jesu’n zia thute zosia chu a gen zaw phatin a nungzuite kiang in,

MATTHAI 7:27

Gua a hung zu, tui a hung lian a, thigua a hung hang a, zia In chu a hun nam sot sot ah, a chim ta ahi; a chip chu a huaisia na e! a tia.

MATTHAI 7:29

Ama chun a lekha zikteu gual ah thu gen lo in, thunei tak gual ah a gen zawk ziak ahi.

MARKA 1:22

Ama chun thunei tak gual ah thu gen in, lekhazikte gen dan tawh kibang lo ah a het ziak un, a thu zilsak chu lamdang a sa ma mau a.

MARKA 11:18

Zia thu chu thiampu lalte leh lekhazikte chun a het phat un, ama tha theina ding a hawl tau a; mipite chun a thuhil dan chu lamdang a sak ziak un, amau chu a lau tangal un.

MARKA 6:2

Sabbath ni chun sunagog ah thu a hil ah, a thugen hekhate chun lamdang a sau a: “Zia mi hin khoi ah kipat zia tawhbang thu hi a het a hi diam? A khut ah zia gual thilhitheina piak ah a um ziang hi, khoi lam ah kipat pilna mu ahi diam?

LUKA 19:48

himaleh, mipite chun a thugen chu a ngai chim theilo ziak un, a bawl ding dan a hethei puau hi.

LUKA 2:47

A thugen hekhate chun a het dan leh a dot dante chu, lamdang a sa ma mau a.

LUKA 4:22

A leng un ama a pakchau ah, a kamsuak hepina thute chu mak a sau a, “Zia pa hi Joseph chapa hilo a hem?” a tiu a.

LUKA 4:32

A thugente chun thilhitheina a nei ziakin, mak a sa ma mau a.

LUKA 7:1

Jesu’n, mipite kiang ah thu a gen zaw phatin, Kapernaum khua lam in a chia ta’n;

JOHAN 7:15

Judate chun, zia pa hin lekha zil khalo ah, bangtidan ah zia gual ah hi lekha he ziang a hem? ti’n lamdang a sa ma mau a.

JOHAN 7:46

Miman hotute chun, “Zia pa gual ah sawn kuama’n thu a gen ngai puau hi,” ti’n a dawnhuu a.