MATTHAI 7:15 - PATHIAN LEKHABU THIANGTHO (BSI)

¹⁵ Jawlnei lêmte lak ah kivêng un; ziate chu belam vun sil in la kiang un a hung sek ui, a sung lam uh bo chu ngei gawlsan tawhbang a hiu.

MATTHAI 7:15 ပူးပေါင်းရင်းမြစ်များ

1 LENGTE 13:18

Ziaphatchun, pakhat zawk chun a kiang in, “Keile nang tawh bang tho ah jawlnei khat ka hi’n, vansawlchâk pakhat in Pathian thu’n ka kiang in: La kiang ah an ne, tui dawn dingin ama chu la In ah vapui kit in, ei ti ahi,” a tia. Himaleh, ama chun a lepbawlna a hi’n.

JEREMIAH 29:21

Sepai honte Lalpa, Israelte Pathian in, Kolaiah chapa Ahab tawh, Maaseiah chapa Zedekiah, ka min ah zuau thu la kiang ua hung gen teni chungchâng kha zia gual hin a gen hi: Amau teni hi Babulon Lengpa Nebukadnezar khut ah pedok ing ka tin, la mit mu ngei un that ding ahi.

JEREMIAH 29:32

Lalpa‘n zia gual hin a gen hi: Nehelam ah Shemaiah in Lalpa kãl ah thu a la gen ziakin, a suante chu gawt ding ka hi; ka mipite chung ah thilpha ka hun bawl phat leh, mipite lak ah pang ding suan leh pâk khat ziang le nei ta pua’n a, Lalpa‘n a tii, ti in.

EZEKIEL 13:16

gâlmuanna umlo ah gâlmuanna mu ah, Jerusalem chungchâng ah thu genlawk, Israel jawlneite ngei chu, Lalpa Pathian in a ti ahi.

EZEKIEL 13:22

Keima’n hi’lungkia lo maleng, nang un diklo tak ah midikte la hi’lungkiak ziak uh leh, mi nunsiate a lampiu nusia lo ding ah la tîlkho un, la hukhin ziak un;

EZEKIEL 22:25

A sung ah miliante chu, sakeibaknei in a sa nêk ding puaitel ah ngîk tawhbang a hiu; mihing a ne zo un, go thil lûl zosia a kilâk un; a sung ah mi tam tak a meithâisak ui.

EZEKIEL 22:27

A sung ah vaihawm hotute chu, ngei sane lai gual chu a hiu a; thisan a suau ah, diklo tak ah lawkna hawl in mi hinna a lau hi.

DANIAL 11:34

A pûk phat ua leh a panpi ding um pua’n a; tichun, mi tam tak in dawha phalo nei in kizoppi ta’n au.

MIKAH 3:11

A vaihawmteu in golgûkna’n vai a hawm un, a thiamputeu inle law mu’na ding bep in a zilsak un; a jawlneiteu inle sum mu ding kinem in thu a gen sek ui; chutisapi’nle, Lalpa chung ah a ki-ngau in “Lalpaei umpi ngei hi! I chung ua siatna bangma hung tung pua’n ah,” ti’n thu a gen sek ui.

ZEKARIAH 13:4

Zia ni chun, jawlnei zosia’n a thil muteu a gen daw lai un, kisathei tak in um pua’n tiu in, mithepna dingin a jawlnei puan chualteu chule âk diak ta pua’n au;

MATTHAI 10:17

Himaleh, mihing lak ah chun chingthei un; vaihawmte hun matsak intiu in, kikhopna In ah te hun vua’n tiu in;

MATTHAI 16:11

Vaithum thu him him ka gen puai, Pharisaite leh Sadukaite thawi lak in kivêng un, ka ti zawk ahi ti bangatia he theilo la hiu em? a tia.

MATTHAI 16:6

Jesu’n a kiang un, Pharisaite leh Sadukaite thawi lak in kivêng un, a tia.

MATTHAI 24:11

Jawlnei lêm tam tak hung pawt in, mi tam tak hun thêm zo in au.

MATTHAI 7:14

Hinna lutna kotkhak chu a chîp in, a lampile a haksa’n, a mu te le tawmcha a hiu.

LUKA 12:15

Chuleh, Jesu chun, a kiang un, “Chingthei un! Huaihapna lak ah chun kiveng un! Nei leh lam leh thil hauna mai hi mihing dampi pen ahi puai,” a tia.

LUKA 6:26

Min a hun gen phat tak ua leh la chung uh a gik hi! Zia gual ah chun la pi leh puteu inle jawlnei lêmte kha a la bawl uh ahi kha, a tia.

JOHAN 10:12

Belampu tak hilo ah, sumthalawte, a belamte neipa hilote vang chun, ngei hung a mu tak leh, a nusia vak ah, a jamsan ziang sek hi; zia tak chuleh ngei chun amau haw chu man in, belamte chu a jam chek ta sek ui.

NASEPTE 13:40

Ziaziakchun, jawlneite’n a la gen zosiau kha la chung ua a tun lona dingin, chingthei tau in;

NASEPTE 13:6

Zia tuikualkhum sung chu Paphos khua tiang ah a hun fan zaw phat un, jawlnei dik lo, dawi mang ah nasem, Judate lak ah mi, a min Bar Jesu kiti khat tawh a kituak un.

GALATIA 2:4

Zia chu unau tak lo, a gûk ah pui lût ah umte suak ah ei lutsak theina ding ua, Khrista Jesu ah thawvenna I nei uh entha ding ah hung lutte ziakin ahi.

EPHESA 4:14

Diklo tak ah juauthepna gual ah, pil gûkkhel ah mihing thêm kawm ah, ziltilna thigua’n langkhat langkhat ah a mût lumlet thei ding ah naupang I hi’ tâk lona ding un.

EPHESA 5:6

Kuama’n thu manlo in hun thêm kiu hen; ziate ziak ah hin thu awilo chate chung ah Pathian lungnatna a tung sek hi.

PHILIPPI 3:2

Uichate lak ah chingthei un; thil phalo bawlte lak ah chun chingthei un; chuleh taksa zektan phûtte lak inle chingthei un.

KOLOSSA 2:8

Chingthei tau in, chutilochun, kua’nle Khrista thu lo gual in, mihingte thugosia leh khawvel thubulte gual in, a thupilteu leh thepna mai mai un gâllâk in hun la kha’n au.

2 TIMOTHI 3:13

Ahi’n, migilote leh miphalêmte chu hung khawk zaw deu deu intiu in; mi thêm in, amau le thep zaw in um in au.

2 TIMOTHI 4:3

Mite’n thuhilna dik a ngaithâk peilo hun uh hung tung ding ahi ngal a; a nakhangteu a zat ziakin amau nopna tawh kituakte gen dingin, thuhil dingte kichom khawm ding a hiu;

2 PETER 3:17

Doitakte haw, zia thute chu la het lawk ziak un; chingthei un; achutiloleh, migilote diklona ah pui mang ah um in, a det lai kha pûk kha’n lau.

1 JOHAN 4:1

Doitakte haw, thagau zosia taksang kiu inla, thagaute chu Pathian ah kipat a hiu em ti enchian zawu in; khawvel ah hin jawlnei lêm tam tak a pawtdok tangal un.

JUDA 1:4

Mi kuate a hem a gûk in la lak un a hung lut un, amau chu malai ah kipat thiamlo chang ding ah guatsa, Pathian ngaisak lo mi, I Pathian uh hepina chu hûkna chansakte leh I Hotuu leh I Lalpau, Jesu Khrista kihiatlosakte a hiu hi.

THUPUAN 16:13

Zia lai tak chun dragon kam leh sahâng kam leh jawlnei lêm kam ah kipat chun, thagau buak pathum uphok tawhbang chiat a hung pawt uh ka mu.

THUPUAN 17:6

Zia numei chu mithiangthote thisan leh Jesu ziak ah martarte thisan dawn kham in ka mu’n; ama ka mu in mak ka sa ma ma a.

THUPUAN 19:20

Sahâng chu a man ua, jawlnei lêm a ma-âng ah thilmak bawl sek leh, sahâng tepte’na nei ding ah mi thêm zo sek kha, a paniu in mei leh kât ah kâng meidil ah chun a hing in a pai lut tau a.

THUPUAN 20:10

Amau thêm zotu Diabol chu, sahâng leh jawlnei lêm a pailutnau mei leh kât ah kang meidil ah chun a pai lut tau a: Zia tak ah chun kumtuang in gim thuak in um ta’n au.