MATTHAI 7:14 - PATHIAN LEKHABU THIANGTHO (BSI)

¹⁴ Hinna lutna kotkhak chu a chîp in, a lampile a haksa’n, a mu te le tawmcha a hiu.

MATTHAI 7:14 ပူးပေါင်းရင်းမြစ်များ

SAM 16:11

Nang in hinna lampi lei kawk mu hi. La umna phot ah kipakna bukim a um ngal ah; la changlam khut in kumtuang kipakna a um hi.

THUPILTE 8:20

Dikna lampi chu ka haw in, diktatna lampi chu ka zui in;

ISAI 30:21

Chuleh, la changlam a hem la veilam a hem ah la kiheina’n, la nung lam ah thu kigen la nakhang in hia’n tin, “Zia lam hi ahi a lampi, zia lam hi haw in,” ti in.

ISAI 35:8

Zia tak ah chun lam tuangpi hung kithung intin, “Lamlian Thiangtho” ti hi’n a; mibuakte chun zia lamlian chu haw pua’n tiu in, Pathian mite â ding bep hita’n a. A haw tapo ngaituana bei nasa’n, gam mang pua’n au.

ISAI 57:14

Zia phat chuleh, “In bawl unla, bawltûp un, lampi siam tau in; ka mipite hungna ding dâl thei zosia ladok sik sek un,” hun ti ta’n au.

JEREMIAH 6:16

Lalpa‘n zia gual hin a gen a: Lamka thuam ah ding unla, en vêl un; lampi pha umna lamlian luite umna dong unla, zia chu zui un; tichun, la thagau â ding un chawldamna mu’n lau, ti in. Himaleh, amau chun, “Zia chu zui pua’ng kau,” a tiu a.

MATTHAI 20:16

Tichun, a nunungle hung masa’n tin, a masale hung nunung in au, a tia.

MATTHAI 22:14

Kote chu tam tak a hiu ah, têlte vang chu tawmcha a hiu a tia.

MATTHAI 7:13

Kotkhak neu ah chun lut un; manthaina lam zotna kot chu a lian in, a lampile a nuam in, zia lam ah chia chu tamle a tam ui.

MATTHAI 7:15

Jawlnei lêmte lak ah kivêng un; ziate chu belam vun sil in la kiang un a hung sek ui, a sung lam uh bo chu ngei gawlsan tawhbang a hiu.

MARKA 8:34

Tichun, mipite leh a nungzuite chu a ko khawm ah, a kiang un, “Kua’nle ka nung a zui nop chun, ama kihemil in, ama kros kiput in ei zui hen.

LUKA 12:32

Lawi tawmchate haw, lau kiu in; lenggam hun piak ding hi la Pau kipakna lam tak ahi ngal a.

JOHAN 16:2

Sunagog ah kipatte’n hun kaidok intiu in; ahi, kuale nangmau hun that tapo chu Pathian ho in kingai in au, zia tawhbang hun chu hung tung pai ding ahi.

JOHAN 16:33

Keima ah thamuanna la neitheina ding un, zia thute hi ka hun hil la hiu. Khawvel ah hin gim genthei thuak in lau. Himaleh, thamuang tak in um un; keima’n khawvel ka zo tai,” a tia.

NASEPTE 14:22

“Sukgentheina tam tak thuak in, Pathian gam I lut ding him uh ahi,” ti’n nungzuite lungthim chu a hi’det un, ginna umzing dingin a tîlkho malam pek tau a.

ROMTE 12:2

Zia khawvel dan gual ah hin um kiu inla, Pathian doi gual, a pha leh pom tâk leh a bukim chu la hettheina ding un, la lungthim uh siamthak ah um in, hung danglam zaw tau in.

ROMTE 9:32

Bang ziak ah zo lo a hiu em? Ginna’n a del puau ah, thil hi’ ah a del ziak un ahi. Kipalna suang ah chun a kipal tau ahi.