MATTHAI 7:12 - PATHIAN LEKHABU THIANGTHO (BSI)

¹² Nangmau chung ah min hileu ti la dawi gual tak un, nang unle mi chung in bawl un; zia chu Dan leh jawlneite thuhil ahi ngal a.

MATTHAI 7:12 ပူးပေါင်းရင်းမြစ်များ

EZEKIEL 18:21

Himaleh, migilo in a thil phalo bawl zosia haisan ah, a gitlona lampi kiheisan ah, ka dan thuguat zosia a zui ah, dan a zui ah, thildik a bawl chun, a hin ngei diu ahi; zia gual mi chu a thi lo diu ahi.

THIAMPUTE LEKHABU 19:18

Phuba him him la lâk lo ding uh ahi, la mipite lak ah le thangsiatna gûk la vop him him lo ding uh ahi: Nangma la kihepi gual in la Invêngte la hepi ding a hizawi: Keima hi Lalpa chu ka hi.

MIKAH 6:8

Aw mihing, a pha kiti chu a hun hil tai; Lalpa’n nangma a hun phûtna chu, dik tak ah bawl leh lungsiatna ngainat ah, thunuaigol tak ah la Pathian tawh kiton hilo a hem?

MALAKI 3:5

Ziaphat chuleh, la chungchâng vaihawm dingin hung ing ka; dawi mangte, ângkawmte, zuau ah kitiamte, meithâi leh chaga la goinau thaman la lepbawl nateu, malzin khawtua nuam lo ah nawmangte leh keima ei ki’cha lo mite chung ah hiatpitu dingin hung pai ziang ding ka hi, sepai honte Lalpa chun a ti ahi.

MATTHAI 5:17

Dan thu a hem, jawlneite thuhil a hem subei ding ah hung hi dingin ei ngaitua kiu in, a subei ding ah hung ka hipua’n, a subuting ding ah hung ka hizawi.

LUKA 6:31

Min la chung ah a hi’ding ua la dawi gual tak in, mi chung inle bawl un.

1 TIMOTHI 1:5

Ei un thuhil ding I kol pen uh hi ahileh, lunggil thiangtho leh sia leh pha hetna thiang leh ginna tak tak ah kipat pawt hepina ahi zaw ngal a.

JAKOB 2:8

Pathian Lekhathu’n, “Nangma la kihepi gual in la Invêngte hepi in,” ti lenggam dan chu la zop ua leh a bawlpha hi’n lau.