MATTHAI 6:5 - PATHIAN LEKHABU THIANGTHO (BSI)

⁵ La pauchap phat leh, miphalêmte gual ah la hi’ding ahi puai; amau chun mi mutheina ding sunagog leh, khawlai lamka bul ah te’n a pauchap nuam diak sek ui. Titakzet in ka hil la hiu, a kipakman uh chu a mu zo tau hi.

MATTHAI 6:5 ပူးပေါင်းရင်းမြစ်များ

SAM 5:2

Ka Lal leh ka Pathian, ka hun kona aw ngaitha’n la, la kiang ah pauchap ka hi’ngal a.

SAM 55:17

Nitâk hileh, jingkal hileh, sun inle ka lungjinna thu gen in, pauchap ing ka tin; tichun, ama’n ka aw ngaitha’n a.

THUPILTE 15:8

Mi nunsia kithoina chu Lalpa ki’dak lam tak ahi’n; mi lamzang pauchapna vang, a kipakna lam tak ahi.

THUPILTE 16:5

Lunggil ah chapote chu Lalpa‘n ki’dak um a sa hen; zia gual mite chun gawtna pel lo hial ding a hiu ti hezing in.

ISAI 1:15

La khut ua lei hun bat phat ua leh, nang uh mu lo dingin, ka mit sêlmang ing ka; tam veipi pauchap maleu chin, ngaitha pua’ng ka; la khut uh thisan in a dim ta ngâl a.

JEREMIAH 29:12

Ziaphat chuleh, lei ko ua, ka kiang ah la hung pauchap uh chun, hun ngaitha ding ka hi.

DANIAL 6:10

Lekha kizik chu lengpa’n lem a sakpi’na’n a min a zik tai ti Danial in he maleh, a In ah chia to kit in, a Insawng chung lam ah tukvan Jerusalem lam nga’ hong in, a bawl ngai gual in, ni khat ah thumvei khiangkho ah Pathian kiang ah pauchap in, a min chu a pâk zing sek a.

MATTHAI 21:22

Bangkim ginna nei ah la dot taphot uh chu, lawting ding la hiu, ti’n a dawnhu a.

MATTHAI 23:13

Nanghaw, lekhazikte leh Pharisai miphalêmte haw, la chung uh a gik hi! Mi van-gam lut ding la dâl ua; nang uh la la lut puau ah a lut nuamte le la lutsak diak puau hi.

MATTHAI 23:5

A thil hi’ taphotteu chu mihing mit mu dingin a hi’sek un, a thilbuu leh a dialkopteu chu a hi’lian un, a puanâk mongteu chu a hi’pawm ui.

MATTHAI 23:6

Luaithe’na In leh Sunagog ah chun chutna phapente chan ah,

MATTHAI 6:1

La thilpha hi’teu mihing mit mu ah kilang ding bep hilo dingin chingthei un; chutilochun, la Pau van ah um kiang ah chun kipakman ding nei pua’n lau.

MATTHAI 6:16

An la ngawl tak ua leh le mi phalêmte gual in ngui mêl pu kiu in; amau chun mi mit mu ah anngawl a hiu kilat theina dingin, a mêl uh a hinâng chiat chuat sek ui. Titakzet in ka hil la hiu, a kipakman uh chu a mu zo tau hi.

MATTHAI 6:2

Chutichun, tasam kiang ah thil khat la piak in, miphalêmte’n mi pakchât a law theina ding ua kikhopna Inte, khawlai dungte ah a piak sek gual uh hin la malam ah pengkul mûtsak in suklat gaw kiu in. Titakzet in ka hil la hiu, a kipakman uh chu a mu zo tau hi.

MATTHAI 9:38

Ziaziakchun, louneipa Lalpa kiang in, a bu lakhawm dingte hun sawl dingin don un,” a tia.

MARKA 11:25

Chuleh, pauchap ding ah la din tak ua leh, mi ngaidam ding la nei ua leh ngaidam phot un; zia tak chuleh la Pau van ah um chun nang uh hi’khialna le ngaidam ding ahi.

MARKA 12:38

A thu zilsakna chun, lekhazikte lak ah pilvâng un; amau chun puanâk chual âk ah vâk vêl vêl a nuam un, kaithial lai ah chibai kibûk haw hi a nop lam uh ahi’n;

LUKA 11:43

Nanghaw Pharisaite haw, la chung uh a gik hi! Sunagog ah chutna mun sâng sâng la ngainau a, kaithial ah chibai kibukte la nuam ui.

LUKA 18:1

Chun, lungke lo hial ah pauchap ding ahi dan hilna dingin, zia tekhinthu hi a gen a:

LUKA 18:13

Sedawlpa chu vang gamla tak in a ding ah, van lam le dak ngam lo ah a awm chûm kawm kawm in, ‘Pathian, kei migilo ka hi, ka chung ah jangai in’ a tia.

LUKA 20:47

Amau chun meithâite a ne gam un, mi mu dingin sawt tak tak a pauchap ui; ziate chun thiamlo channa nasa zaw hun tuak ding a hiu,” a tia.

LUKA 6:24

Himaleh, nang uh mi hausate haw, la chung uh a gik hi! La thamuannau chu la mu zo tangal un!

JOHAN 16:24

Tu’tiang hin ka min in bangma la don kha nai puau hi. Don un, mu’n lau, la kipaknau a bukim theina ding in.

EPHESA 6:18

Thagau ah chun pauchapna leh dotna zosia’n huntin in pauchap un. Zia ding ah chun, mithiangtho zosia â dingin phatchuamngai tak thuak zo tak ah don in hu’ngai zing un.

1 THESSALONITE 5:17

Chawl lo in pauchap un.

JAKOB 4:6

Himaleh, hepina tam zaw diak a pesek hi; ziaziakchun, “Pathian in mi kilestsakte a do in, mi kingaitawmte chu doisakna a pesek hi,” ti ahi.