MATTHAI 6:16 - PATHIAN LEKHABU THIANGTHO (BSI)

¹⁶ An la ngawl tak ua leh le mi phalêmte gual in ngui mêl pu kiu in; amau chun mi mit mu ah anngawl a hiu kilat theina dingin, a mêl uh a hinâng chiat chuat sek ui. Titakzet in ka hil la hiu, a kipakman uh chu a mu zo tau hi.

MATTHAI 6:16 ပူးပေါင်းရင်းမြစ်များ

2 SAMUEL 12:16

Ziaziakchun, David in Lalpa kiang in nausen â dingin a dot piak ah; David in anngawl in a lût ah, jankhua’n tuanglai in a lum tai.

2 SAMUEL 12:21

Ziaphatchun, a suakte’n a kiang in, “La thilbawl dan hi bangti a hem? Nausen dam sung ah khan ama â ding ah anngawl in la kap ah; nausen a thi phatin la thodok ah an la ne ziang ah,” a tiu a.

1 LENGTE 21:27

Ahab in zia thute chu a het phat in, a puante chu a botthêk ah, saidip puan a sil ah; an a ngawl ah, saidip puan chung in a lum ah, dâ mêl pu tak kawm in a vâk vêl vêl tai.

NEHEMIAH 1:4

Zia thute chu ka het phat in, ka chu suk ah, ka kap ta’n; chuleh, ni bang jat a hem sung ka sûn ah, van Pathian kiang ah anngawl in ka pauchap tai.

ESTHER 4:16

“Chia inla, Susa khua Juda mi zosia ko khawm inla, kei â dingin anngawl in pauchap un; sûn thum leh jan thum sung chu bangma ne lo leh dawn lo in um chiat un. Nanghaw’n la bawl gual un kei leh ka nasêm nungakte hinle bawl ing kau. Ziazaw chuleh, dan lo gual tak himaleh, lengpa kiang in vachia ing ka; ka manthai leh ka manthai himai hen,” ti’n a gen tai.

SAM 109:24

Ka anngawlna ziakin ka khûpte hi a zawi zo ta’n, ka taksa le a gawng chin chen ziang tai.

SAM 35:13

Ke’n vang, a damlo lai un saidip puan ka sil a; anngawl ah kihigenthei in, ka lu siphûm in ka pauchap a,

SAM 69:10

Anngawl hial ah ka hinna ka kiniamsak inle, ei gensiatnau bep a hung hi tai.

DANIAL 9:3

Ziaphatchun, anngawl ah saidip puan sil ah vut lak ah kitung in, Lalpa lam nga’n pauchapna leh dotpiakna ka nei ta’n.

MALAKI 3:14

Nang hawn, “Pathian nasep hile a thawn mai ahi, sepai honte Lalpa thupiak I vop un, a âng ah lusûnte gual ah thasia tak ah I chia sek uh hi bang lawkna a um em?

MATTHAI 6:1

La thilpha hi’teu mihing mit mu ah kilang ding bep hilo dingin chingthei un; chutilochun, la Pau van ah um kiang ah chun kipakman ding nei pua’n lau.

MATTHAI 6:2

Chutichun, tasam kiang ah thil khat la piak in, miphalêmte’n mi pakchât a law theina ding ua kikhopna Inte, khawlai dungte ah a piak sek gual uh hin la malam ah pengkul mûtsak in suklat gaw kiu in. Titakzet in ka hil la hiu, a kipakman uh chu a mu zo tau hi.

MATTHAI 6:5

La pauchap phat leh, miphalêmte gual ah la hi’ding ahi puai; amau chun mi mutheina ding sunagog leh, khawlai lamka bul ah te’n a pauchap nuam diak sek ui. Titakzet in ka hil la hiu, a kipakman uh chu a mu zo tau hi.

MARKA 2:18

Johan nungzuite leh Pharisaite’n an a ngawl sek un; mipite a kiang in a hung ua, “Bang ding ah Johan nungzuite leh Pharisaite’n anngawl sek ngal in, la nungzuite hin anngawl sek lo a hiu em?” a hung tiu a.

LUKA 18:12

Hapta khat sung in nivei an ka ngawl in, ka nei tapo sawm ah khat ka pesek hi’ a ti’n.

LUKA 2:37

chuleh kum sawmgiat leh li sung meithâi ah a la khawsa ta, tempul ah kipat pawtdok lo ah, a sun a jan ah anngawl ah pauchap sek ahi’n.

NASEPTE 10:30

Kornelia chun a dawnhu a, “Ni li a hita’n, tu’ phat vel ah hin ka In ah nitâk dak thum ah ka pauchap lai tak in, mi pakhat puan vâm tak sil in ka ma-âng in a hung ding a.

NASEPTE 14:23

Kochuam tin ah a upa dingteu a guat zaw phat un, anngawl ah pauchap in, a gin uh Lalpa khut ah chun a kolsak malam pek tau a.

1 KORINTH 7:5

Pauchap ding ah la kipiak theina ding un leh, la kivop kit theina ding un, sawt lo cha sung ding ah pha lasak gêl uh a hilo ngal leh, kuama kikâk in um kiu in; chutilochun, kisûm zo lo in Setan in hun thêm kha’n a.

2 KORINTH 11:27

sepgimna leh thokgimna, i-mut lona ah tamvei, gilkial leh dangchâk ah umnate, an ngolna tamvei tak, dap thokna leh ngawnchang ah umna ah te leh,

2 KORINTH 6:5

vokna, suangkultânna, buaina, sepgimna, i-mutlona leh anngawlna ah te;