MATTHAI 6:10 - PATHIAN LEKHABU THIANGTHO (BSI)

¹⁰ la gam hung tung hen. La dawi gual van ah mi’n a hi’gual un, lei ah mi’n le hiu hen.

MATTHAI 6:10 ပူးပေါင်းရင်းမြစ်များ

NEHEMIAH 9:6

Chun, Ezra in, Nangma bep hi Lalpa chu la hi; nang in van leh a sung ah um zosia leh, lei leh a chung ah um zosia leh, tuisuagiat leh a sung ah um zosia hi la siam ah. A leng un hinna la pia’n, van lam ah um zosia’n le a hun ho ui.

SAM 2:6

“Keima ngei in ka tâng thiangtho Zion ah, ka lal chu ka chutsak ta ahi,” ti in.

SAM 40:8

Aw ka Pathian, la doigual bawl hi, ka thatnop lam tak ahi’n; la dan chu ka thinlung in a châm zing hi,” ka ti’n.

ISAI 2:2

Tu’nung lam leh Lalpa In umna tâng chu, tâng sâng pen hung hi’ntin; tâng dang zosia sâng ah chawisa’n in um ta’n a; chuleh, namtin hung kitawl lut ta’n au.

JEREMIAH 23:5

David â ding ah Bâk dik tak ka hun tun dinna ding chu hung tung ngei ngei ding ahi. Ama chun leng gual in vaihawm intin, pil tak in ngaitua in ah; dikna leh thu tak in a gam chu vaihawm ta’n a.

DANIAL 2:44

Chuleh, zia gual ah lengte um sung ah chun, van Pathian in lenggam khat hun tungdok intin, zia chu kuama’n susia thei pua’n tiu in, zia lenggam chun kuama â ding khêk ta pua’n a. Zia lenggam chun lenggam dang zosia khen nawn dim dem in, subei zo ta’n a; ama chu vang kumtuang in umden ta’n a;

DANIAL 4:35

lei chung ah chêng zosia hi bangmalo mai a hiu in, van ah um zosia chung leh lei ah chêng zosiate chung hin, ama’n a nop dan dan ah a bawl mai ahi. Kuama’n a khut chu a tutâng thei pua’n, a kiang inle, Bang ding ah la chuti bawl a hem? tithei le a um puau hi, ti in.

DANIAL 7:13

Jan ah kilâkna ka et zing lai in, van sûmpi lak ah mihing mêlpu pakhat ka vak mu’n. Tuan ah tâng ah mi kiang lam a zuan in, a ma-âng in a pui lût tau a.

DANIAL 7:27

Van nuai khawvel ah lalna zosia leh thuneina zosia, Chungnung Penpa mi thiangthote kiang ah piak hita’n a; a lenggam chu kumtuang lenggam hita’n tin, thuneina zosia’n ama na sêm in, a thu mang ta’n au, ti in.

ZEKARIAH 9:9

Aw Zion chanu, nasa tak in lim in! Aw Jerusalem chanu, ngai tak in kiko in! En in, la lal chu a hung hi; gâl zotu leh hat chu ama ahi’n; kingaitawm tak in sabiltung chung ah, sabiltungno tuaidawng chung ngei ah chuang in a hung hi.

MATTHAI 12:50

Kuale, ka Pa van ah um doi gual hi’ tapo chu, ziate ngei chu ka suapipa, ka suapinu leh ka nu a hiu,” a tia.

MATTHAI 16:28

Titakzet in ka hil la hiu, zia tak ah dingte lak ah hin, Mihing Chapa a Lal gam ah hung a mu masiau thina teplo ding a um ui, a tia.

MATTHAI 26:42

A niveina dingin a vachia kit ah, a pauchap kit a, Aw Pa, zia no hi ka dawn lo ah ei pêl theilo ding hial ahi chun nangma thu thu hi hen, ti in.

MATTHAI 3:2

“La gitlo uh haisan tau in, van-gam chu a nai tai,” ti in.

MATTHAI 4:17

Zia hun ah kipat chun Jesu’n, “La gitlo uh haisan un, van gam chu a nai tai,” ti’n a gen pan tai.

MATTHAI 7:21

Lalpa, Lalpa, ei ti taphot van-gam lut ding a hiziang puau; ka Pa van ah um dawi gual hi’te bep lut ding a hiu hi.

MARKA 11:10

I pau David leng gam hung tung chu a hamphai! Van chung sangpen ah khin Hosanna!” a tiu a.

MARKA 3:35

Kuale Pathian lung lam bawl tapo chu, ka suapipa, ka suapinu leh ka nu ahi,” a tia.

LUKA 19:11

Zia thute chu a ngaithâk zing lai un, Jerusalem khua a nai tak ziak leh, Pathian gamle hung kilang ngal ziang ding ah a ginchâk ziak un, tekhinthu a gen belap a.

LUKA 19:38

“Lalpa min ah Lal hung chu a hampha na e! Van ah chamna thu leng hen la, vansang pen ah khin lopina um ta hen!” a tiu a.

LUKA 22:42

“He Pa, lem la sak leh, zia no hi ei lâkchawn piak in; ahi’n la, keima thu hilo in nangma thu hizaw hen,” a tia.

JOHAN 4:34

Jesu’n a kiang un, “Ei sawlpa dawi gual bawl leh, a na sep zaw hi ka an ahi.

JOHAN 6:40

Chuleh, zia hi ka Pa doigual chu ahi, kuale Chapa mu ah, ama gingcha chun kumtuang hinna nei uh hen la; chuleh, nitawp ni leh ama chu keima’n kaitho leng,” a tia.

JOHAN 7:17

Kua’nle ama doigual a bawl chun, ka thugenle hia’n tin, keima phuakkawm a hilo dan leh, Pathian ah kipat ahi dan hethei ngei in au.

NASEPTE 13:22

Ama a hun paithâk nung in, David chu a leng ding un a hun pia ta’n. Ama chung thu ah chun, ka lung lam tak, ka doidan hi’piting thei ding mi, Jesse chapa David chu ka mudok tai, a tia.

NASEPTE 21:14

Ama chu ka tho zaw lo phat un, “Lalpa thu thu hi mai ta hen,” ka tiu ah, ka thipsan tau hi.

NASEPTE 22:14

Ama chun, I pu leh pateu Pathian in a lung lam he ah, midik tak chu mu ding leh a kam ah thupawt chu he ding in a hun têl a;

ROMTE 12:2

Zia khawvel dan gual ah hin um kiu inla, Pathian doi gual, a pha leh pom tâk leh a bukim chu la hettheina ding un, la lungthim uh siamthak ah um in, hung danglam zaw tau in.

EPHESA 6:6

mi kipakna ding mai ah, mitmei vêng bep ah sêm hilo in, Khrista suak gual jaw’n, lung sung ah kipat Pathian lung lam hawl in sêm zawu in.

KOLOSSA 1:13

Ama chun thim thuneina lak ah kipat ei hukdok in, a chapa doichuam gam ah chun ei lângkâi tai;

KOLOSSA 1:9

Ziaziakchun, ka het niu ah kipat kei unle nang uh â ding ah pauchap leh dot piak ka hai nai puau hi; thagau lam pilna leh hetna zosia, a doilam hetna hi’dim ah la hung umtheina ding un.

1 THESSALONITE 4:3

La thiantho ua, tatsual la kisûm uh hi Pathian lung lam ahi.

1 THESSALONITE 5:18

Bangkim in kipak thu gen zing un, zia chu nang mau lam ah Khrista Jesu jal ah Pathian lung lam ahi ngal a.

HEBRAITE 1:14

Vansawlchâkte haw zosia chu, hukdamna chang dingte nasem ding ah sawldaw thagau hilo a hiu em?

HEBRAITE 10:36

Pathian doigual ah la bawl phat ua leh le, thutep chu la chantheina ding un la thok-hat uh a ngai zing ngal a.

HEBRAITE 10:7

Ziaphatchun, keima’n, (Lekhabu mun khat ah ka chung thu zik ahi;) Aw Pathian, en in, la doigual hi’ding in ka hung hi, ka ti’n, ti’n a la gen a”.

HEBRAITE 13:21

a mit mu ah a kipakna gual ah Jesu Khrista jal ah nangmau ah sêm in, ama lung lam sêmdok dingin thilpha lam zosia’n hun subukim ta hen; ama kiang ah chun, lopina kumtuang kumtuang in um zing ta hen. Amen.

1 PETER 2:15

Thilpha bawl ah mingolte hetlona sukdai chu Pathian doilam ahi ngal a.

1 PETER 4:2

Tichun, tu’nung ah taksa ah um lai sia, mihing nopna lam ah um talo in, Pathian doilam in a um ta ahi.

THUPUAN 11:15

Chun, vansawlchâk pasagina chun a pengkul chu a mût leh, van ah aw thupi tak a hung gi’, “Zia khawvel lenggam hi Lalpa leh, a Khrista gam a hita hen; ama chun kumtuang in vaihawm ta’n a,” a hun tia.

THUPUAN 12:10

Chun, van ah kipat aw ngai tak ka he: “Tu’hin a hung tung tai; I Pathian Hukdamna, thilhitheina leh, a Khrista thuneina’n; I suapite hêkpa, I Pathian ma ah sûn leh jan ah amau hêkpa kha, paithâk in a um tangal in.

THUPUAN 19:6

Mipi tam tak aw tawhbang, tui tampi git tawhbang, van nasa tak git tawhbang hial in: “Halleluijah, Lalpa Pathian Bangkim hi’thei chun vai a hawm tai.

THUPUAN 20:4

Chun, lalchutphate leh a chung ah kichute chu ka mu’n, a kiang un vaihawmna piak ahi’n. A khut ua a hem, a chal ua a hem ah tepte ding a la nuamlote, sahângle ho nuam lo ah, a limle ho nuam lo ah, Pathian thu leh Jesu hetpina ziak ah a ngawng uh tan ah a la umte thagau chule ka mu’n; amau chu Khrista tawh um khawm in, vai a hawm khawm un.